عندي طلب صغير وابغي المساعدة واتمنى انكم تساعدوني صديقتي متزوجة وهيه ساكنة في الشارجه وولادتها جربت وهيه تريد تسالكن عن اماكن ومحلات تسوي حلويات طلوع واشياء حلوة للطلوع واتمنى انكم تساعدونها لانها هيه من العين ماادل شيء بالشارجه وجزاكن الله خير
بس انا حاطة في بالي اخذ من سوق الجمله اللي عندنا في دبي هدايا وايي البيت اغلفهم بطريقة حلوة…
وفي محل شفته في مركز سنشري الجديد اللي وين نادي الشباب محل وروود وحلويات يسويلج وروود حلوة حق التوزيع
وبعد محل يديد اسمة الضيافة الملكية ايسوي اشياء رهيبة مكانهم في دبي 
بالنسبة للمحلات اللي في الشارجة لين أحين أنا اشوف اوركيد روعة ومكانة في شارع واسط تقريبا مجابل مستشفى القاسمي بعد في نفس الشارع في محمصة الاطلال …بس مب نفس مستوى أوركيد….
مثل ما قالت أختي bentdubai نحنا بعد من يستوي عندنا ولادة نسير نآخذ
من سوق الجملة و نييبهم البيت و نغلفهم و بحط حلاوة فيهم بعد..
و عندج بعد محمصة يا مال الشام تسوي وايد أشياء حلوة..ز
و عندج بعد غوديييز اللي في مركز وافي يسوي هدايا حق الطلوع
أتمنى اني فدتج
وجزاكن الله كل خير
والله اشكثر ريحتوها لان هيه ماتعرف اماكن تقدر تسوي عندهاحلوات طلوع
ولكم خالص الشكر
انا من يومين سويت جولة في المحلات عشان اشوف افضل المحلات
بالنسبة للطلوع….
اذا ربيعتج عندها وقت وعندها لمسات فنية ممكن تشتري مثل ما قالوا
الأخوات من سوق الجملة علب صغيرة او اللي هو مثل التحف وتشتري
كيلو ككاو من باتشي مثلا وتغلفه بطريقتها …..
واذا ما عندها وقت ممكن تسويه عند محل اسمه افراح في الطوار عنده
افكار حلوة بس الفينشنج عادي ….
ومحل اوركيد عنده اشياء حلوة….
وفي محل يديد في الشارجة اسمه لاديت عنده توزيعات للبيبي وشغله
نظيف واللي حابة تسوي صينية حلاوة لأي مناسبة جربوا الككاو ماله
لذيذ ككاو بالسح او النسكافيه انا ادمنته احلى من باتشي …
وعندهم رطب بالرنجينه ورطب محشي بالتين المجفف ورطب بالمكسرات
…الخ
انا سويت عندهم صينية للضيافة في المستشفى وسويت عند اوركيد
توزيعات للبيبي …
طولت عليج بس حبيت انقل لج تجربتي
….تحياتي