بنات انقذوني.. اهم شي عندي بالموضوع ان بنتي تتقبل المرضعه حليب صدري خف بدرجه كبيره … وبنتي صياحها زاد …
بنات لا تقولولي شربي حلبه وكلي رهش …. انا نفسي منسده عن الاكل تماما
.. والمهم ان بنتي تشرب مرضعه …. للأسف حاولت معاها كثير … بنتي تحس بلوعه من اي حليب آخر … وكله تطلع المرضعه بلسانها .. وتحسسني انها بترجع .. وان جبدها لا يعه …
تعبت من المحاولات عمرها 3 شهور
حتى مره خليتها عند اختي نص يوم علها تيأس وتشرب المرضعه لكنها صاحت لين نامت بيوعها المسكينه
ابي حل ..
والمرضعه حلمتها زينه تشبه حلمة الام … بس شو اسوي ..
حتى مع الميلوبا ما تتقبل المرضعه .. ولا حتى الماي :down:
افيدوني يا بنات :pain:
عادة الأطفال في هالمرحله من الشهور الأولى من عمرهم يحبون السكر النباتي و هو السكر الطبيعي فحاولي انش تحطين اليها مع الحليب سكر نباتي و تخلينها تتذوقه فلربما يعجبها و تشرب الحليب بالمرضعه و بعدين شوي شوي و بشكل تدريجي حاولي انش تقطعين عنها السكر النباتي
بس أهم شي لا تنسين غايه و أهميه حليب صدرش فهو يعطيها المناعه و الحصناعه ضد العديد من الأمراض طول عمرها
فحاولي المستحيل لزياده كمية الحليب اليييي من صدرش
أختي العزيزة أنا بعد بنتي ماتحب المرضاعة:confused: ولين ألحين مالقيت حل بس أرجوك إذا لقيتي حل ونفع مع بنتك اتخبريني.
كانت الدكتورة تنصحني اشرب 3 ليتر سوائل في اليوم بين الحليب
الطازج والعصائر
والماي وان شاء الله بتلقين الفايدة بالنسبة
للرهش ما انصح حد فيه يزيد الوزن بصورة كبيرة بالنسبة للأكل حاولي
تكثرين من الخضار اللي لونها اخضر مثل الخيار والخس والجرجير
يعني لازم تاكلين تبوله وفتوش وسلطة وكثري من الشوربات وبتحسين
بالفرق
وبالنسبه للسوائل احس الكرشه تزيد يعني يمكن اشرب لتر باليوم ما اقدر ازيد
أنا مريت بنفس التجربة…
بنتي ترفص الحليب الصناعي…
عموما … اشربي عصير الكوكتيل 3-4 أكواب في اليوم و كثري من الماي…
و الأكل لا تنسينه مهم ..
بالنسبة للحليب الإسطناعي جربت مع بنتي نان.. وما حبته
و بعدين جربت S26 , تقبلته شوي…
و لما صار عمرها 6 شهور بدلتلها Promeel وبدت المأساه مره ثانية… لأنها ما حبته… و رجعتها على نان2 بس ما شربت منه وايد…. و آخر شي جربت ميلوميل2…. والحمدلله فيه تحسن 🙂
بس أنصحج بالرضاعة الطبيعية أكثر و لابأس في إدخال الرضعة الصناعية بس لا تعتمدين عليها بشكل كلي
… بس انا الحين في امريكا .. ما ادري اذا بلاقي هالانواع من الحليب والا لا :think:
تحياتي
جربي تعطينها تشرب حليب في المرضعة وهيه
نااااااايمة يمكن تشربه وإإإإذا مارضت أأأأأعطيها
حليب في الابره مااااالت الدواء أأأأأنا كنت جذية
أأأأأسوي لان بنتي ماااااطاعت تتقبل المرضعة
ويبت الابره وتميت أأأأأشفط الحليب إإإإلي في
المرضعة وأأأأأشربها .
ليش ماتسوين إإإإلها مهلبية نشاء تخلينها سائله
شوي وتعطينهااا بلملعقة .
المشكلة ان جبدها تلوع من اي شي غير صدري ..
حتى الماي بالقوه:eek2:
عاااااادي حبيبتي غااااااية أأأأأنا أأأأأأعطي
عياااااالي يوم يدخلون الشهر الثالث بس
خاليهاااااا ساااااائلة شوي .