حبيت اعرض عليكم مشكله بنتي
عمرها الحين سنه و اربع شهور مثل ما تعرفون
و هيه عندها اكزيما بس الحمد لله مب واااايد يعني خفيفه و تظهر و تحتفي بين فتره و فتره
من يوم عمرها 6 شهور كانت تعاني من حكه في شعر من الخلف أكثر شي
وديها العياده كتب لي كريم Elocom لو تعرفونه اللي نستخدمه للاكزيما و الحمد لله راحت الحكه
و هالفتره رجعت لها بس مع تساقط للشعر الاحظه على ملابسها و على مخدتها بشكر كبير
مع اني احلقها بين فتره و فتره علشان يغلظ شعرها لانه خفيف
بس التساقط ما وقف
للعلم انا استخدم لها شامبو سيباميد لانه فروتها جافه
يا ريت اللي تعرف الحل تفيدني
تراني عجزت
اختكم
سحايب
شكلي بوديها العياده و اشوف شو بيقولون لي
انا عندي ولد، فما عندي خبرة ذاك الزود في الشعور 
المهم من هني وهناك ومني ومناك.. حصلت ذي..
حماتي تقول الياهل حقه زيت السمسم وزيت اللوز مع بعض..
واذا الياهل عود شوي، ليش ما تستعملني زيت جوز الهند (باراشوت ) بس لأنه ريحته مب حلوة استعمليه لين بتنام واذا قعدت غسليه..
وبعد.. زيت صانسليك الزيوت السبعة، اسمع عنها يمدحونها
و الله استخدمت هالخلطه على شعرها الاسبوع اللي فات و الحمد لله لاحظت الحكه و التساقط بدوا يخفون
لاني سمعت مبارك الأشقر يقول زيت السمسم زين للأكزيما
و ان شاء الله بستمر عليه
و عن زيت صانسيلك جربته و الله فتره و اعتقد هو اللي سبب لها التساقط ما لائم فروة شعرها مع انه طبيعي و ما فيه شي
جوز الهند حلو بس يجفف الشعر و يسبب لها حكه بالفروه
مشكوره يا جمانه على الرد
و انتظر لو حد من الخوات عنده اي فكره
السلام عليكم ورحمة الله وبركاته
و الله أختي ما عندي فكرة عن التساقط…
بس أنا برضه الحين بدأت اقص لبنتي…لأني اكتشفت شعرها خفيف و علطول ناشف…
جبت لها كريم هيمالايا بالبروتين…حلو و يطري الشعر…
و الناس يقولوا لي زيت اللوز…
انا اكتشفت سبب التساقط و هو انه الخدامه الله يجزيها الخير 
كل يوم الصبح لما تقوم بنتي من النوم و انا في الدوام تقوم تحممها و تغسل شعرها بالشامبو
امس افتكرت لاني كنت مزيته شعرها و لما جيت لقيته ناشف و لما قلت لها قالت انا كل يوم سوي شاور صبح انا سوي غسيل
كلمتها و قلت لها لا تغسلينه انا لما ارجع من الدوام اذا ابي اغسله بغشله انتي بس حمميها
و الحمد لله باديه معاها بزيت الخروع و السمسم و احس التساقط خف
و السمسم على فكره وااااااااااااااااااااااااااااايد بنعم الشعر مع انه شعرها ناعم بس يخليه روعه
السلام عليكم ورحمة الله وبركاته
شجعتيني و الله يا سحايب على زيت السمسم…
طيب ريحته كويسة ؟
يعني أخليه عليها كام ساعة ؟ ولازم أغسله بعدها ؟
لأنه اللي يريحني إني ما أغسل شعرها بعد كريم هيمالايا…حرام أحممها في البرد كل يوم…
و اجيانا احطه يوم الجمعه الصبح و اغسله على وقت الصلا يعني كم ساعه حسب ما تشوفين انه يكفي شعرها
و الله احسه يريح الشعر و ينعمه يخلي ملمسه حلو
ان شاء الله تستفيد بنوتج منها
و لو لج تحارب حلوه معاها يا ريت نستفيد من بعض
اختج
سحايب دبي
السلام عليكم ورحمة الله وبركاته
و هذا أحلى شيء هنا يا سحايب…
أعمار بناتنا تقريبا زي بعض ( بنتي مريم عمرها سنة ما شاء الله )…و نستفيد من خبرات بعض…
تعرفي إني جبت لها زيت دابر أملا…المعطر…كان حلو فعلا…كنت أستعمله مرة في الأسبوع…بس صرت أكسّل بعدها..
لكن برجع ثاني إن شاء الله…
أهم شيء نستمر على تقصيره…علشان يغلظ شويه…
صحيح ما قلتي لي إسم بنتك