انا صحيح متزوجة من فترة بس للحين ما عندي اطفال والحمدلله على كل حال …. بس اختي الصغيرة عمرها الحين 8 سنوات وشوي واموت فيها لانها دلوعة البيت
يمكن من قبل ما لاحظت على نفسي هالشي بس الكل صار يلاحظ من اول ماصار عمرها سنة وللحين
انا من النوع اللي اخاف كثير على الاطفال حتى لو مو اختي يعني نروح عزومة واشوف الطفل يلمس شي ثقيل مثلا في بيت الناس اموت من الخوف … يمكن امه ما تهتم وتقول خليه عنك مايصير فيه شي
بس انا انرعب وطول الوقت اراقبه لايصير فيه شي
اختي وهي صغيرة لو اسمع صوتها بس تصيح سواء دلع او صار لها شي … احس اني بنهار واموت خوف ودائما افكر صار لها شي كبير … لاسمح الله
وعمرها سنة وشوي طيحتها بنت عمتي وانكسرت يدها وظليت طول الليل اصيح عليها … واذا مرضت ( انفلونزا لو غيره ) طول الوقت اصيح ومتأزمة حتى امي تقول كل الأطفال يمرضون لا يصير عندك هوس
منور ( اللي هي اختي ) انولدت مريضة وظلت في العناية المركزة فترة ويمكن هالشي خلاني اخاف عليها أكثر .. بس مو زين كل مرة اسمعها تصيح اخاف بهالشكل … امي تقول مو زين تطلعين على ابوك وجدتك الله يرحمها … يعني يخافون من اي شي
المهم شكلي طولت عليكم وبكمل لكم بعدين بس نفسي اعرف
شلون تتصرفون اذا طاح الطفل مثلا وتعور ؟ هل تخافون مثلي ويمكن ما تعرفون شتسوون ؟
لو سمعتي صوت الطفل يصيح وانتي في الطابق الثاني مثلا هل تتركين كل اللي عندك وتنزلين بسرعة وانتي ميتة خوف ؟
هل الامهات خاصة لاول مرة يخافون على الطفل من النسمة الطايرة على قولتهم ؟ وهل يتعودون بعدين خلاص مع كثر طيحاته ومرضه ؟
ما ادري شبسوي لو الله رزقني قلبي ضعيف وما اتحمل اشوف دمعة طفل وزوجي مرة حساس … يتهيأ لي بيظل اللي بنجيبه طول الوقت محمول على كفوف الراحة … الله يعين
بانتظار مشاركاتكم
السلام عليكم ورحمة الله وبركاته
حلو موضوعك يا أحلى Ro0o0omy_M…
شوفي…راح أكون صريحة معاكي…
أول ما انولدت مريم…كنت كل ما تصيح…واللا حتى تتقلب في سريرها…أركض عليها …و أقول لأهلي…مش معقول أجيبها الدنيا علشان أخليها تبكي ( شفتي المنطق 
)
أتذكر مرة و أنا في النفاس…بس نامت قلت فرصة أدخل أتحمم…و أنا أتحمم سمعت صوتها…طلعت فورا…و كلي صابون…
المهم…ما شاء الله كبرت مريم…و صرت أعرف معنى صياحها…و افهم عليه…
مرات صياح جوع…و مرات صياح نوم…و مرات صياح ألم…و مرات صياح دلع…
و صرت أعرف أتأقلم معاه كويس…أهم شيء بس ما أخليها تبكي و الغرفة ظلام…لأني أخاف عليها…
تيجي الحين تشوفينا…خلاص…لو تبكي دلع واللا عايزاني أشيلها…تبكي تقلب الدنيا…أطنشها…
لأنه لازم عنصر الحزم في التربية…واللا ما بنقدر عليها بعدين…و بكون ظلمتها طول عمرها…
و صدقيني يا Ro0o0omy_M…إن شاء الله قريب جدا بتصيري أم…و بتتذكري كلامي…لأنه الإنسان له طاقة…و لو كل بكاء أو صياح من البيبي عملتي حالة إستنفار…راح تلاقي إنك ضيعتي وقت كبير…و أهملتي في حق نفسك و زوجك…
طبعا في البداية بيكون الوضع مختلف…لكن مع الأيام بتتعودي…و بتبدأ أساليب التربية…علشان يكونوا أطفال صحيحين…
إن شاء الله تكون البشارة قريب…على فال هذا الموضوع الحلو :bigsmile:
صحيح المشكلة في صياح الدلع … بس المصيبة اني ما اتحمل حتى الحين اختي تصيح من الدلع وامي تطنشها لانها كبيرة انا لازم اسألها شفيك ؟ ليش تصيحين ؟ ايش تبين
عارفة ان هالشي غلط بس ما احب اشوف دمعة طفل شسوي !!
الله يسمع منك ان شاءا لله ويرزقنا وكل من تتمنى
واكيد كلامك صحيح في البداية الام ما تعرف تتصرف بس بعدين مع التعود تعرف معنى بكاء الطفل ومتى يحتاجها
تسلم ايدك
باحكي لك تجربتي مع عبودي،، أو بابتدى من قبل لا أتزوج بما أني البكر كنت آخاف على أخواتي موت وكنت مسوية روحي أم ومصدقة نفسي،، لما جانا أخوي آخر العنقود قلب حياتنا ، بما أنه أول ولد في البيت كنا أحنا البنات أندلعه وايد، بس أمي وأبوي معاملتهم ماأختلفت،، من أهني بديت أحس بالأمومة فعلا وكنت أوسي له كأي أم تسوي لعياله حتى أني يوم أنخطبت مات غيرة من زوجي، وطبعا أنا فيني عادة لما يطيح الطفل او يصير فيه شي أصرخ بقوة في مكاني من الخوف…
الحين وصلنا لولدي، طبعا كنت آخاف عليه من الهوا الطاير مايضرخ صرخة الا فزيت،، بس بعدين صار الوضع عادي،، يعني لما أشوف صياح دلع فيه أتركه يصيح إلى مايسكت بنفسه ، لازم أشد معاه من الحين ولا بيركب راسه علينه… أحينا يصر يبي يطلع ماعطيه وجه كل مرة،، لأني بعد ماشفت تجارب الآخرين خذيت العبرة وهذه هي القصة يعني خوف في حالات تتطلب هالشي،، بس لما يكون صياح دلع ونحاسة بس أخليه يصيح ويقتنع في النهاية أن ماراح نسوي له هالشي..
مثل ماقالت رومي هذا فال إن شاء الله ياااااااااااااااااااااااااااااااااااارب
والله أنا مثلج مع إخواني الصغار (إثنين ربي يحفظهم) عاد ماتتصورين شكثر مدلعتهم بس تدرين تجربتي مع أخوي عواس (عمره 4 سنين) علمتني أشياء صرت أتجنبها مع النونو عبودي
ونحن ماشاء الله العايله عندنا ماتخلى من اليهال علشان جذي تلقين أحد يدلع من صوب والثاني يشد
بس أنا حتى وإن شديت بعد دقيقه أروح أحضنهم وأراضيهم 😮
لكن أخم شغله لما يطيح الياهل حاولي إنج ماتبينين صدمتج أحيانا اليهال مايصيحون من الطيحه يصيحون لما يشوفون نظرتنا لهم … يعني لما يطيح الياهل عندنا نقول له شاطر عبودي ماشاء الله عليه ونصفق له … تلقينه قام يصفق ويضحك
بس تصدقين والله … الصغار إلي بالعايله كلهم يتعلقون فيني .. لأني واااااااااااااااااااااااايد حنونه معاهم حتى لو عصبت عليهم يضحكون يدرون ماأعرف أعصب على اليهال تصدقين أحيانا لما يبون شي من أمهاتهم يكلموني أنا علشان أكلمهم ربي يخليهم
ياربي شكثر أحب اليهااااااااااااااااااااااااااااااااااااااااااال
وأحبج إنتي بعد يا RoOoOmy_M
بالنسبه لي أول ماولدت ناني دلع إسم (منذر) كنت أخاف عليه حيل بس أنا في النفاس كنت وايد تعبانه من الخياط وإنت بكرامه وكنت ماأقدر أتحرك له بس الله إخلي أمي وإختيني إلي أصغر مني كانوا ولازالوا ماإخلونه إصيح إلا شالوا من السرير لين ماعلموه إن ماإحب الأرض كله يبغي إحملونه وإلعبون معاه وتصدقين صاروا يعرفون له إكثر مني لكن بعد مارجعت بيتنا طبعآ أول ليله ولانمت صادني هوس لو أقول لك مايتصدقين كنت بالدقيقه أطل عليه كالساعه أشغل الليت حتى ماخليت زوجي إنام وآنا مانمت إلى الصبح كله خايفه عليه . بس ألحين الحمدالله تعودت على الوضع وإذا إصيح أعرف أميز بين صيحة الجوع وصيحة الدلاعه وصيحة إذا الحفاض متوسخ , حتى مره كان إصيح وإزنزن لمدة ربع ساعه وآنا مناحسه ماشلته من السرير لأن كنت أعرف إن مافيه شيء وهاذي صيحة دلاعه حتى يوم قلت لأمي قالت لي قاسيه , حرام هذا ياهل قلت لها الياهل يتعلم بسرعه وإذا آنا كل مابيصيح صيحة دلاعه وبشيله عزة الله مابروح الشغل وبظل سهرانه إلى الصبح.
المهم حياتي خلاصة الموضوع ومابطول أزيد من جذي عشان ماأعور راسك …..إنت لما تولدين بالسلامه إنشاءالله والله يرزقك بالذريه الصالحه بتعرفين وبتتعودين على هالاشاء والخوف شيء فطري في الأم ولا إشلون تصير أم .
سؤالج هذا وايد أمهات جدد يعانون منه
بس هذي خطأ
أقصد إنج تصيحين مع الطفل وهو يشوفج بهذي الحالة
لأنه الأطفال يا سبحان الله لما يبكي يكون يبغي شي كلامي هذا للأطفال الرضع اللي ما يتكلمون فيا أما يبغي أكل أو غيار أو يلعب أو يكون مريض و أوقات يكون صياح الطفل بس لأن أمه إبتعدت عنه وغاب عنه عطرها
فالوحدة تشيل الطفل على ذراعها وتقربه من قلبها وتهدهده شوي شوي ليما يسكت عن الصياح
لأن الطفل يحس بقلب الأم لما يكون مرتاح فهو يرتاح بعد، لا إله إلا الله الأمومه شي عجيب
آنه صج مو متزوجه بس ربيت 3 بنات حتى المبيت كانوا يباتون عندي ويصير بينا تواصل بالعيون يعني تفهمين للطفل من نظراته
أما بالنسبه للأطفال اللي أكبر شوي ما لازم يكون الإهتمام بيهم زايد عن حد المعقول، لأن الطفل لما يشوف أمه تعطيه كل شي لأنه يصيح فهو اللي يحكم في البيت وما راح تقدرين تمنعينه من شي حتى لو كان يضره وقد يسبب لج إحراج بين الناس، فالأم لازم تتعامل مع أطفالها على مبدأ الثواب والعقاب. وثانيا بيصعب على الأم إنها تحبل بطفل ثاني لأن ولدها المسيطر ما راح يقبل أي إهتمام بأحد ثاني حتى لو كان طفل أصغر منه.
والله يرزقج الذرية الصالحة إن شاء الله
الله يخليه لك ويتدلع بكيفه … صحيح لو تركناهم على كيفهم بيتحكمون فينا مثل اللي عندنا … يوم الخميس احنا في البحرين وأهلي وصولوا بعدنا انا وزوجي .. انتظرهم في المطاعم ولمن شفتهم كانت هي تصيح .. العيون مختفية من كثر ما ذبحت نفسها من الصياح
اسألها شفيك وامي تقول طنشيها هذي دلوعة ولا احد يعطيها وجه … وانا أسألها منور شصاير من اللي زعلك وهي ذابحة عمرها تقولين احد عاطيها كف على وجهها وزافها قدام الناس
الزبدة … ابوي يقول انها تبي 500 ريال ( 50 دينار ) !!!! ليش يامنور شتسوين قال كيفي ابي اتسوق
زين اي محل بتدخليه وبتشترين منه احنا بندفع بس 500 في يدك وفي هالشنطة الصغيرة لا بعدين تضيع وهي تصيح تصيح عورت راسنا آخر شي قلت لها تعالي بعطيك 500 رحت معاها الصيدلية اللي في السيف وطلعت 500 فلس وشريت لها مرطب شفايف على فراولة عجبها وقلت لها تبين 500 هذي خمسية
ماتت على نفسها من الضحك وسكتت
امي عصبت علي لاني دائما اراضيها بس قالت اهم شي نخلص من حنتها .. ما ادري يمكن اذا عيالي صاحوا ما اقاوم واسوي اللي يبوه .. ان شاءالله اصير حازمة معاهم في طلباتهم ودلعهم بس شلون امسك نفسي اذا مرضوا لو صار فيهم شي لاسمح الله
( انا اتكلم عن الكل مو بس عيالي لاني احب كل الأطفال اللي في العائلة وهم بعد يحبوني )
اسعدتني مشاركتك ام عبدالله
نورتي الموضوع … الله يخليك لهم … تصدقين انا مثلك كلهم يحبوني واذا اجتمعنا في العيد مثلا مع خالات زوجي واولادهم وحريم اخوانه تشوفين كل الاطفال حواليني يلعبون ويطلبون مني ارسم لهم >>>>>>>>>> أحيانا امهاتهم يغارون
مثل ما قلتي احيانا الطفل مايصيح من الطيحة بس من خوفنا عليه هو يخاف يفكر فيه شي كبير
الله يرزقك بولد الحلال وبالذرية الصالحة عشان يدلعون عليك
يعطيك العافية
دايما امي وام زوجي كذلك يحرصوني انتبهي وانتبهي
انتبهي لاتحطينها بسريرج تطيح انتبهي لاتحطينها في المطبح معاج انتبهي لاتغسلينها وانتي واقفة تزلق صح كلامهم وانااااااااا اعرف هالشي مو صغيرة بس المشكلة داااااااااااااايما يرددون هالاسطوانه
بس مرة صارت فيني كنت حاطة بنتي معاي بالسرير نايمة انا وهي جنبي يعني هي بيني وبين سريرها لان سريرها احيانا بالليل احطه جنب سريري على طول تعرفين الوحده مالها خلق تقوم المهم نايمة وانا مطمئنه انها ماراح تطيح وقعدت تلعب وانا اسمعها بس بكمل نومتي المهم شوي واسمع هذااااااااااااك الصياااااح وافز من نومتي والقاها طاااايحة توقعي وووووووووين
انا انصدمت لماشفتها
تعرفين بهالعمر ترافس وتقمز مني ومناك وطبعا تلاحظين انها تزحف لفوق المهم البنت ترتفع وترتفع وصلت لمخدتي وفي مسافة صغيرونه بين سريري والكوميدون(دروج جنب السرير)وفي مسافة صغييييييييييييييرة يعني كبر كفج طول وعرض
طاحت فيها فزيت انا وابوها ومااااشوف الارجولها فوق طبعا سريرها جنب سريري فمغطي ماشوفها وخرت سريرها وطالعتها راسها ماوصل الارض لانه المكان ضيق يرفعها ابوها على طوووووووول من رجولها وتبكي
عوووووووووووورت قلبي اخذتها على طول
واسمعي عاد هذاك الهواش من الابووووووووووو
انا شدراني انها بطييييييييح بهالمكان
وطبعاااااااااا كل من سمع هالشالفة يقوووووول غلطانه ليش تحطينها بسريرج انااااااا ادري بس المكان محد يتوقع انها تطيح فيه
من يومها وانا حااااابستها بالسرير وماااااااااخليها بروووووووووحها
وكذلك انا لما اسمع احد يبكي باي مكان حتي لو كنت بجمعت حريم اقوووووووووووول اششششششششششششش احد يبكي هذا بنتي
ينتبهووووووووون الحريم واخرتها قطوه وبنتي مع اختي وقتها
وووووووووووووبس
سوري عالاطالة بس لواسولف ماخلص
شكراااااااااااا عالموضوع