يعني الحين ولدي عمره 3 شهور ابي اعرف شنو يسوي الياهل لمن عمره 3 شهور , 4 شهور , و هكذا
لاني مليت 3 شهور مافي فعاليات قويه يعني مايقعد مايحبي هالشغلات مليت من الانتظار ابي اشوف شي جديد 
خبروني متى ينقلبون اليهال بأي شهر و متى يحبون متى يزحفون متى يمشون متى تطلع لهم ضروس :shy:
الله يحفظه لج ويبلغج فيه.. بعدين بيصير عندج مهرجان مو بس فعاليات من الركيض وراه لا يحط ذاك الشيء ببوزه، ولا يجرح روحه بالسكين,. والا يرقع راسه بحافة الطاولة !!
ان شاء الله يبتدي يقلب في الشهر الرابع او الخامس… بتلاحظين عنده محاولات للانقلاب قبل لا يقلب بصورة كاملة
والحباي ناس تحبي من 6 شهور.. وناس تتأخر ليما 10 شهور… او اكثر بعد..
الضروس من 6 شهور وطالع الى سنة..
بس بعد اقولج مافي قاعدة عامة.. كل طفل يختلف عن باقي الاطفال.. واذا شفتيه تأخر مثلاُ في الاسنان .. تلاقينه راح يحبي اسرع من غيره.. يعني ينمو في اتجاه مختلف..
ربي يخليه ويسلمه لج يام احلى حموود
مثل ماقالت الأخت جمانة، كل طفل يختلف عن الثاني في حركته والمهارات اللي يتعلمها، يعني لو شفتيه ما يحبو، لا تتخرعين لأن يمكن يمشي مباشرة (نفسي ونفس ولدي)كنت خايفة ان اللي بعده انقلبوا وتحركوا وهو لا، بس ماصار عمره سنة الا وهو يمشي، والحين ماشاء الله عليه مأذينا من شقاوته…
و الطفل بعمر الثلاث شهور يصير يصدر اصوات عالية ويضحك ويلعب بايديه ورجليه
وبعمر الاربع شهور يصير اضافة لما سبق يضحك بصوت عالي وممكن انه يجلس انا ابني ما شالله جلس بالاربع شهور
ويصير الطفل ماشالله يمللي البيت صوت وتغريد
ومن الشهر الخامس تبدا تتحرك اسنانه والله يكون بالعون ويصير الطفل يتقلب ويتحرك ما شالله
ويبدا عاد الطفل من الشهر السادس او اكتر شوي بالزحف ومن هون للسنة خدي عاد حركات واشياء جديدة تجنن
الله يحفظلك ابنك ان شالله
الله يخليه لج حبيبتي ومثل ماقالو الاخوات كل طفل يختلف عن الثاني