اسعفوني التفكير ماخذ عقلي في موضوع بس خايفه 2024.

اسعفوني … مصير طفل

ابا من يساعدني …اتمنى من الكل يعطيني رأيه .. وخاصتا الي جربوا الموضوع ..

حمودي الشهر الياي بيكمل سنتين .. وافكر ولا ما افكر متردده اوديه حضانه .. ابا اغير من حياته شوي .. حركي بشكل فضيع ..

للعلم هو ينام من الساعه 12 الين 10 او 11 الصبح ..

حاولت معاه اغير فيه اشيا اتضايقني .. مثل يضرب.. يشوت ويرفس ويكفخ ويمط الشعر اليهال.. انشغاله في ان يلعوز اخته .. لعبه فالحوي 24 ساعه … كل من يشوفه يقولي دخليه الحضانه بيتغير..

بس تبون الصراحه خايفه من شيئين ..

الاول : اخاف من الي يشتغلون فالحضانه ان يعاملونه بعنف (قصدي مثل الخدم الي ما فيهم رحمه)

وثانيا : اي حضانه اوديه .. ابا حضانه فيها اجانب لانهم فيهم رحمة وخوف على الاطفال … مثل الي يحطونهم فالتلفزيون …

واذا وديته الحضانه يستوي اطرشه مع خدامته ..؟؟

شو رايكم …بليييز قولولي شوروا عليه ..

والي مجرب حضانه زينه في دبي او مدارس خاصه فيها حضانات خبروني عنها ..

أختي أنا كل عيالي على سنتين أدخلهم الحمد لله حضانة فعلا بتغير كثير وميزة الحضانة إن العاملات عليهن رقابة من المعلمات والمعلمات من المديرة … واسألي كثيرا قبل إلحاقه بحضانة لفي وشوفي واسألي ولازم لما تروحي لحضانة تشوفي غرف الدرس وتشوفي كل الأماكن اللي ابنك راح يمارس فيها أنشطته مثل الملاعب …

لا ترسلي معه الشغالة … خليه يشعر بالاستقلالية وما يكون اتكالي …

هلا بجعة….انا أأيدج في فكرة الحضانة…اختي عندها ولد ماشالله نفس ولدج ماييلس داخل كله برع، ودوم يضرب اليهال، فبدت توديه الحضانه.

وفي وايد حضانات مضمونات في دبي، عندج yellow brick road nursery فالقرهود، وااايد يمدحونها.

وحضانه الدكتورة زينب هاي مالت الحوامل، وايد يمدحون حضانتها.

إذا على قولتك ماشاء الله حركي ومبهدل أخته أخذيه للحضانة بس تأكدي من سمعتها ومعاملتها،، مو عاملة وحده على 5 أطفال هذي مستحيل تقدر أتجابلهم،،، شفت بعيني في حضانة عاملة وحده لأربع أطفال صغار لهم كم شهر، بذمتكم بتشوف من وتخلي من…
وطبعا اهم شي المكان يكون كبير وصحي..
وطبعا بدون الشغالة خليه يكون شخصيته، مو مضيع عيالنا الا الخدم.

امس اكلم بنت خالتي عن هالموضوع قالتلي مشكلة الحضانات ان وايد تنتشر فيها الامراض بين اليهال ….

FLoOoOoOoNA

مشكورة حبيبتي ..

بس ممكن اسالج وين حضانة الدكتورة زينب …؟؟

وبالنسبه ل yellow brick road nursery

مضمونه .. ؟؟

والي يشتغلون فيها شو اصلهم ..؟؟

وهاي الححضانه شو اصل اصلها ..؟؟

حبيبتي بس سنتين شويه صغير خصوصا لو مش بتشتغلي وبعدين ممكن انه يتعلم الضرب اكتر هناك في واحده اعرفها ابنها اتعلم الضرب من الاطفال اللي في الحضانه ….طبعا ممكن تكون حضانه حلوه بس هو لسه صغير حاوطيه بحنانك اكتلر وعاقبيه لو غلط بس انا حدخل ابني من 4 سنين لاني متفرغه وعاوزه اهتم بيه بس اختاري اللي يريحك

ابا الولد يتغير ما ابا يضرب لاني تعبت

الله يعينج الغالية .. أنا ربيعتي مرة مدحت لي حضانة bigking .. على ما أعتقد منهج بريطاني موجد في دبي وعند فرع في الشارجة
.. أسألي عنه يمكن يكون اوكي

الله يعينك بس مؤكد سلووكه بيتغير بعد الحضاانه

اهم شي تتاكدي من سمعة لحضاانه والله ييسر لك اللي يسعدك

الله يعينك بس مؤكد سلووكه بيتغير بعد الحضاانه

اهم شي تتاكدي من سمعة لحضاانه والله ييسر لك اللي يسعدك