في اشيا في عيالي ابا اخليهم يتخلون عنها بس ما ابا اضغط عليهم (يعني بهدوء)
مب عافه بمنو ابتدي ب محمد ولا مريم ..
يالله خلينا نبتدي ب محمد لانه محاولاتي وياه باءت بالفشل …
عقب شهر بيكمل سنتين ابا يودر البامبرز .. قريت تجاربكم وطبقتها خلال شهرين الي طافوا بس محاولاتي باءت بالفشل وما حصلت اي تقدم .. للعلم اني خلال هالشهرين كان تكرمون يتبول عالفراش -عالزوالي -عالكراس وربي شاهد اني ولا مرة عصبت عليه ولا ضربته .. كلمه بالزين واقعد افهمه بس مافي فايده ..
الي عندها طريقه سهله وغير الي فالمنتدى تقولي عليه …
وبالنسبه ل مريم ..
ابا اقطع عنها المصاصه .. بما انها صغيره وما تفهم …
خايفه على اسنانها قالي الدكتور من تحسين انها بتسنن اقطعي عنها المصاصه عشان ما تشوهلها الفك .. وهي عادي ما تمص المصاصه فالنهار الهيها بشي ثاني بس المشكله وقت النوم ما تنام الا والمصاصه في حلجها …
شو الحل يا جماعه … ساعدوني
موضوع الاخت اسماء شجعني كتييير وفادني بالقليل لان اول شي بنتس شام لما قررت ان اشيلها الحفاضة كانت عمرها سنة و3 شهور بالظبط فماكانت تفهم للملصقات التشجيعية ولا الكلمة الحلوة بصراحة يعني لانها ماكانت تحكي ولا كلمة
فاول شي بدئت فيه اني قررت وعزمت انو لا حفاضة بعد اليوم بالنهار طبعا وبالليل احفضها مع انها ابدا ماكانت تتبول بالليل وانتو بكرامة
وفعلا شلت الحفاضة اول النهار على طوول اخذتها هلى النونو (( القصرية )) اذا عملت شي كان بها
اما اذا ماعملت شي استنى عليها شوي واضل اقولها (( الكاكا على النونو )) واشر باصبعي على النونو
ومتل ماقلت اذا ماعملت شي البسها الكيلوت العادي القطن وبعد نصف ساعة بالظبط ارجع اخذها
واقولها نفس الكلام وبس تعمل شي على النونو اقولها برافو واجلس اصفقلها
واليوم كلله اقضي بالحمام ما بقلك تعبت كتييير بالبداية ولما اضطر اروح لجيراني او السوق البسها
الحفاضة بس حتى وانا برا البيت اروح لاقرب حمام واشيلها الحفاضة وارجع البسها من تاني
وبصراحة الصراحة لما كانت تعملها على ملابسها كنت اصرخ عليها واقولها هدا الكاكا بالنونو وبس
وصدقيني ضليت حوالي شهرين وانا اعلم فيها بس مايئست ضليت وراها
ومابقلك احيانا كمان اضربها على ايدها لاني لما اكلمها بالحسنى تضحك وهي طبعا ماهي فاهمة بس
لما شدّيت عليها صارت تخاف وتعرف الغلط والحمد لله لما دخلت السنة و6 شهور كانت خلااااااص
اروح واجي فيها وهي نظيفة او تقللي وانتهيت على هالموضوع بسلام
انتي حاوللي بما ان ابنك كبير تشجعيه لما يعملها بالحمام ولما يعملها على الارض خليه يشوف انك زعلتي منه وكوني حازمة شوي لا تضربيه (( انا لاني عصبية غصب عني ))
المهم عدم اليأس وباقل من شهر ان شالله بتعدي هالازمة لان ابنك كبير نوعا ما ربي يحفظه الك
حاولت واوديه الحمام بس من دون فايده
يقول ااه ااه يعني يمثل انه قاعد يسوي ..
وأنا بعد أبأ أقطع المصاصة عن ولدي بس ماعرف كيف
هو خلاص صار مدمن مصاصة عمرة 3 سنين مب قادر يخليها
دووم المصاصة في حلجة .
إلي عندها حل تخبرنا يالغاليات ..
ابي اعود ولدي يروح الحمام بس احسه صغير ما يعرف يباله حد يعلمه او انتظر عليه شوي
بالنسبة للمصاصة اولادي الاثنين ما رضو يمصونها كنت اتخبل ابيهم يسكتون ما يبونها
ما جربت سالفة المصاصة
بس صراحة ما فيني على الحفاظ بحاول وياه يخلي البابمرز هلكنا من نشتري والله يخلص بسرعة!!!
المشكلة انه يضحك اقعد اساله وما يرد بيموت من الضحك
اذا عمرة اقل عن سنتين نصيحة الدكتور لي لا تجبرينه ولا تضغطين عليه لانه ما يقدر يتحكم بعضلاته
ولدي عمره 3 شهور والحين بيدخل في الاربعه وما قادر يودرها وخاصه وقت نومته
اريده يقطعها قبل ما يكبر ويفهم
والمشكله صار يطلع لسانه وايد بسببها ويخيس ثيابه تفافيل
احس انه ماشي حل الا اني اخليه يصيح اسبوع زمان وبعدين بييأس ويودرها
بس مالي قلب اخليه يصيح
الله يعين
يوم ربيت كانوا مخلين ولدي في قسم العنايه بالاطفال…
تم عندهم 5 ايام وكانوا يسكتون اليهال بالمصاصه …عاد ولدي صياااااااااااح وعشان نسكته شرينا
له المصاصه عشان يهدأ اشوي الحين ابغي الصياح يخف عنه وبحاول اقطع عنه المصاصه