عندي سؤال انا بنتي الحين كملت الرابع واسبوع الحين انا سمعت من السادس يتبدل الحليب بس هل لماتكمل 6 شهور بالضبط اغير الحليب او لما تكمل الخامس وراح تبدأ السادس اغير لها؟؟
وشي ثاني انا استخدم لها نان 1 ايه ار حق الترجيع والدكتور قال لي بس ردي على الحليب العادي مب مال الترجيع لان هذا فيه وايد نشأ وانا استخدمته لها نت فترة الاربعين يوم كانت وايد ترجع؟
شنو تنصحوني اروح حق نان 2 او بروميل اعتقد انه ( اس 26) يقولون انه احسن ويسوي الياهل عدل؟
شوفي بقولج شي دام انها الحمدلله كملت الرابع وخف عنها الترجيع .. ابديلها ب (اس 26 )
وبعد ما تكمل السادس عطيها بروميل وبعدين بروجرس …
والله يفرحج بهاااااا يااا رب ويخليها لج..
اختي انا انصحج ب اس 26 مثل ما قالت لج اختي نبع الوفا
لانه دكتور الاطفال اللي اودي ولدي له اثنى على هالحليب ومدحه لي وقال لي استمر عليه لولدي
وقال لي اعطيه بروميل يوم يكمل السادس
ويوم يكمل السنه عطيه يا نيدو او حليب طازج
اول ما يدخل الياهل السادس يتبدل له الحليب
وحليب اس26 يخلي الياهل تختوخ بس اول ما تغيريته يرجع مثل ما كان احس انه ينفخ الياهل عالفاضي..
انا استخدم حق عيالي ابتاميل1 ويوم يصيرون ست شهور ابتاميل 2 ويوم يكملون السنة ميلوبا3 من سنه حتى 4 سنوات
انت حاولي ما تغيرين ماركه الحليب وايد لان التغير يسبب مغص حق الياهل
يعني خلج على النان بس العادي مو حق الترجيع ويوم تدخل بنيتج السادس استخدمي نان 2
والله يخليها لج
عند اكمال السادس ودخوله السابع تغيرين الحليب… 
وانواع الحليب ما عندي خبرة عنها نان او بروميل؟؟
مشكورين بنات عالردوج شلونج جمانة وحشتوني كلكم
اي والله خدتني هالنتفة من الناس كلها حتى زوجي جفتي صورتها؟
حبيبتي استعملي نان 2
نان وايد زين انا استعمله لعيالي
 |
اقتباس |  |
 |
المشاركة الأساسية كتبها bent el ba7rain |  |
 |
| اهلللللللللللللين مشكورين بنات عالردوج شلونج جمانة وحشتوني كلكم اي والله خدتني هالنتفة من الناس كلها حتى زوجي جفتي صورتها؟ |
||
 |
 |
اي جافيتها.. هذي النتفة اللي جننتج 9 شهور في بطنج؟ هههههه
الله يحرسها لج من كل شر ان شاء الله
بالنسبة للحليب افضل المواصلة على نفس الماركة وتبدلين عند اكمال الشهر السادس ودخول الشهر السابع ..
ودكتور ولدي نصحني ان عند تغيير الحليب الى المرحلة التالية ما ابدل مرة وحدة .. ابتدي اخلط له بين المرحلة 1 والمرحلة 2 يعني مثلا ملعقتين من 1 وملعقتين من 2 على اساس ما ياثر الطفل ويسبب له مغص او شي ..
وانا سويت هالشي والحمد لله ما تأذيت مع ولدي وعدت الامور بسلام :shy: وان شا الله بسوي هالشي مع حمود :clap: