كيف حالكن يا امهات ابطال المستقبل
اريد مساعده الله يخليكن بنتي عمرها توها داشه العاشر واريد جدول
غذائي ممتاز ويسمن لانه بنتي مستويه هيكل عضمي وزنها 7 وشي الله يخليكن لاتقوللي وزنها طبيعي لاني خلاص تعقت اريد بنتي تسوي شوي ريول وايدين سمان واريد وجها مربرب
الي بنتا ولا ولدها هياكل عظميه رجاءا لا تكتبنا جداولهم الغذائيه
وبيصيح انا يوم كنت في الاربعين استغربت ان ولدي مايقوم مثل اليهال كل ساعتين
كان يرقد بالست ساعات او 8 ساعات ووديته للدكتور قالي اذاماقام لاتقوين له
متى ماجاع بيصيح وبيقوم الدنيا
واتبعت طريقته والحمدالله
واذا تبين انظمة غذائية سوي سيرج في المنتدى وبتحصلين انظمة وااااااااايد
انا باقول لج اوزان عيالي ..
الاولى عمرها 8سنوات وزنها اللحين 11كيلو
الثاني عمره 7سنوات ووزنه اللحين 11ونص
الثالثه اللي صج تحفه عمرها 4سنين وتسع شهور ووزنها اللحين 8كيلو
الرابعه اخر العنقود عمرها 8شهور والحمدلله اقدر اقول وزنها طبيعي نوعا ما ..
وزنها 7كيلو ثابت من شهرين ماتغيرنهائيا ..
لاتقولين لي روتين غذائي ولافيتامينات ولافاتح شهيه كلهم استخدمتهم ..
صار لي 3سنين وانا اراكض من دكتوره لدكتوره عشان الاوزان ومافي فايده
بالنهايه سوو لهم اختبار ذكاء ..والحمدلله نسبة ذكائهم ممتازه ..
والحمدلله ..بنتي الثالثه على صفها وكل علاماتها +A
وولدي.. الثاني على صفه وناقص عن الاول بنص درجه ..
واللهم لك الحمد والشكر دام انهم مو مرضانين ولافيهم شي ..ليش اتعب روحي
ونفسيتي على شي باجر هم بيندمون عليه وبيحطون السبب على راسي ..
الاريجيم والامادري ويش ..
حبيبتي دام بنتج ماتشتكي من مرض لاتزطينها وتعبين معدتها وجسمها ..
ايه وباقول لج شي انا عمري 29 ووزني 40 من قبل لااتزوج وهذا وزني ..
يزيد مع الحمال ويرجع بعدها طبيعي ..وماخلي شي في خاطري ماالبسه ..
وطبعا انتي ورايج وكل واحد له قناعاته ..
والسموحه طولت عليكم ..
والوراثة لهاااااا دور اعرف وحده بس تشر ب بنتهاا حليييييييب ووزنها متعدي المعقوول مع انها مهملة فيهاا
سبحااان الله محد راضي
بس انا ويه الخوات الي يقولون وراثه لان اهل ابوها جي ضعاف صح ابوها اوكي وانا اوكي بس هي طالعه عليهم
اهم شي اهتمي بنوع اكلها مب كميته يعني كل يوم حاولي تعطينها من كل شي لحوم خضار البان فواكه حبوب والله يخليها لج
بس للمعلومه سمعت عن الحلبه مع الحليب و تحلينها بالسكر ………موز بالحليب………رز مصري مسلوق و تفاحة و شوية حليب وسكر …………
مادري وش يبون الناس اظاهر يبونه مايطوف من باب الغرفه ويصيده امراض من المتن وانا اقول لاتسمعين كلام احد وخليها على راحتها مدام هي بصحه يمكن اذا متنتيها غصب يصيدها امراض الله لا يقوله انا نفسج ماشالله على ولدي وزنه ممتاز واهل ريلي يقولون ضعيف!!!!!
هذي طبيعه اجسام اتوقع..امي تقوللي ماشالله بصحته و اهم شي هذا…وماعليج من كلامهم