ولد صديقتي يا بنات متأخر في النطق ، عمره 3 سنوات وما يعرف يتكلم سوى بعض الكلمات البسيطه جدا كاسم لأحد أخوته فقط .
يعني لو بتعدي الكلمات إلي ينطقها لن تتعدى الست أو السبع فقط .
فياليت أي وحده عندها تجربة لأحد كان يعاني من تأخر النطق تساعدها أرجوووووووووووكم .
وهل هو مرض أم طبيعي .
ياليت تساعدوني
 |
اقتباس |  |
 |
المشاركة الأساسية كتبها ثرى الإمارات |  |
 |
| بسم الله الرحمن الرحيم
ولد صديقتي يا بنات متأخر في النطق ، عمره 3 سنوات وما يعرف يتكلم سوى بعض الكلمات البسيطه جدا كاسم لأحد أخوته فقط . يعني لو بتعدي الكلمات إلي ينطقها لن تتعدى الست أو السبع فقط . فياليت أي وحده عندها تجربة لأحد كان يعاني من تأخر النطق تساعدها أرجوووووووووووكم . ياليت تساعدوني |
||
 |
 |
الله يعينج اختي
انا كنت اعاني مثلج بس كانت بنتي اصغر من ولدج بشوي كانت ما تتكلم وايد مجرد كلمات وكان وايد ماثره على نفسيتي وعلى بنتي في الوقت نفسه طبعا عرضتها على اخصائي نطق وجيكوا على اذنيها اذا عندها مشاكل بالسمع وطلعت الحمدلله بخير ما فيها شي ، وصنف حالتها ان عندها كسل لغوي يعني عندها تاخر بالنطق وكانت معالجتها الاحتكاك بالاطفال يعني اذا ولدج بروحه تركيه يلعب مع اليهال ، سجليه في الروضه واذا يبي شي لا تعطينه الا اذا قال لج كلمه واذا قالها عطيه مثلا اذا يبي حلاوه لا تعطينه الا اذا قال ماما ابي حلاوه بدون ها الكلمات لا تعطينه شي حتى ولو تم يصيح
حبيبتي عرضي ولدج على اخصائي وبعديه عن التلفزيون لان الكلام اسرع بوايد من انه يحفظ له جم كلمه وتكلمي معاه وايد
اتمنى اني افدتج بشي
عندي اخت لما كانت صغيرة كان نطقها ضعيف وخذوها امي وابوي على اخصائي وقال لهم انها طبيعي وما فيها شي بس خل تختلط مع الاطفال اكثر ، يعني مثلا تروح الروضة ، وبيتحسن نطقها وفعلا لما راحت تحسن وصار نطقها طبيعي وتتكلم مثل كل الاطفال اللي بسنها .. الحين هي عمرها 18 سنة وبسنة اولى جامعة ..
وعندي اخ ايضا تأخر بالنطق لكن كانت عنده اللوز ومأثرين على نطقه ، وكان المفروض يسوي عملية لاستئصال اللوز لكن امي ما سوته .. وللحين مسكين رغم انه كلامه عدل وينطق الحروف بشكل سليم الا ان يبين عليه ان يضغط على نفسه علشان ينطق بعض الحروف او الكلمات .. الحين هو عمره 11 سنة وقريب بيكمل ال12 سنة ان شا الله ..
والحين ولدي .. اقدر اقول انه يعاني من نفس المشكلتين ::
في البداية كان ما يختلط زين وكان الطفل الوحيد في البيت وكانت غلطتي اني ما كنت اكلمه وايد وابوه يشتغل للمغرب فكان كلامه جدا بسيط وما يعرف كلمات وايد وكانوا الاطفال اللي بسنه واصغر شوي يتكلمون احسن منه وهالشي اثر على نفسيتي وايد .. قمت احاول اتدارك غلطتي واكلمه وايد ولفت انتباه ابوه لهالشي وقام هو بعد يكلمه وايد وفعلا بدا يتحسن ولحسن الحظ ان انا كنت حامل ولما ولدت صرت عندي امي 3 اسابيع وانا عندي اخوان واخوات صغار وهو يحبهم وقاموا كل يكلمونه وتحسن كلامه وااااااااااايد وعرف كلمات كثيرة وكانوا بيت ابوي مستانسين لهالشي وكانوا كل ما شافوه يتكلم زادوا معاه وعلموه اشياء غير .. عرفت ان الاختلاط وايد زين للطفل وان شا الله ولدي الثاني اعلمه بسرعة وانا فعلا ابتديت معاه ووايد اكلمه من اول ما ولدته ..
ومسكين ولدي الكبير يعاني من التهاب اللوز بشكل مزمن .. يعني من صغره وهو عنده البلاعيم ، ومن سنة ونص الدكاترة قالوا لنا نسوي له عملية ونستأصل البلاعيم بس انا كنت خايفة والحين الدكاترة تقول ان التهاب اللوز مأثر على النطق عنده وان اذا استئصلناهم بيتحسن النطق عنده اكثر وقررنا ان نسوي له العملية في الصيف القادم بعد استشارة طبية نهائية ..
ومع بداية السنة الدراسية القادمة بوديه الروضة ان شا الله واتمنى ان نطقه يصير احسن واحسن ..
يعني شوفي اذا ولد صديقتج يعاني من احدى هالمشاكل او لا .. وما عليه شر يا رب :shy:
ماما حسون
جزاكم الله خير يارب ريحتوني الله يريحكم دنيا وآخره يارب ويفرج همكم ويخلي لكم أطفالكم بصحة وعافية يارب .
لأنه انا ولدي اكتشفنا فيه متأخر انه عصب السمع عنده ضعيف وما كان له علاج غير السماعه
والحمدلله .
مشكورة أختي على النصيحة بس فعلا صديقتي فحصته عند دكتور وماكان يشكو من شيء الحمد لله .