بنتي تضرب الخدامه 2024.

:3ooos:

انا بنتي عمرها خمس سنين وللاسف تضرب الخدامه الجديده اللي عندي اهي اثيوبيه اهي طيبه وفي حالها

بس خايفه الخدامه تطقها مو بنتها

كم احذرها واقول لها بتروح

ومره اقول لها بعدين ماتحبك

ومافيه فايده

الله يعينك أنا بعد بنتي ما تحب الأثيوبيات وتقول ماما مب حلوة يمكن خايفة منها(الخدامة) علشان جذي تضربها

الغالية أنتي المفروظ تكلمين بنت وتفهمينها أنه الي تسويه غلط وأنج بتعاقبينها اذا بدر منها هاشي ثاني مره اليهال المفروظ يتعلموان أحترام الغير من الصغر ……..

حاولي معها …..

الا الخدامة .. انا عندي تطق اختها ولا الخدامة حاولي ترهبينها أكثر حرااااام
بعدين ما تدرين لو بعضهم يحقد ويضرها بعدين
حاولي تفهمينها عن قرب
والله يعينج و الله
عانيت من هالشي قبل :no:

[اي بصراحة كلام الخوات مظبوط انا بعد بنتي عمرها 3 سنوات كانت بالبداية تضرب الخدامة بس من كثر ما اقول ليها خطأ وعيب الحين الحمدلله ما تضربها ، حاولي اتعلميها خيوه اشوي اشوي مهما كان الخدامة حتى لو ما تكلمت ما راح ترضى على نفسها ، وبعدين ما تدرين عنهم هاذلين وش اسوون بالمستقبل حاولي اتفهميها.

تحملي على بنتج بس لا تطلع الخدامة قهرها عليها وانتي مو موجوده ..

وبنتج الله يحفظها لازم تعلمينها ان الخدامة انسانه الطق يعورها … بسم الله عليها بنتج تفهم الحين ..

وخلي ابوها يكون له دور فالموضوع يكون فيه خوف من طرف على الاقل يعني يكلمها ويفهمها فالبداية اذا ما نفع يعصب عليها بس لا يخرعها قصدي يعصب بزعل .. واذا ما فاد يعاقبها طبعا مب عقاب يكسر ضلوعها لا يعني يمنعها من انها تطلع من غرفتها ولا يطقها على يديها على خفيف ..

وخلي الخدامة تلاعبها وتنسيها يوم البنت تضربها …

بس فالنهاية لازم تحطون في بالكم انها طفله …

هلا اختي

نفس مشكلتي بالضبط ولدي عمره 4 سنوات
يكره الخدامه ويضربها مع انها حليوه وفي حالها وشغووله >> والله اني استفدت من كلامكم وايد

يعطيكم العافيه

تحملي على بنتج بس لا تطلع الخدامة قهرها عليها وانتي مو موجوده ..

وبنتج الله يحفظها لازم تعلمينها ان الخدامة انسانه الطق يعورها … بسم الله عليها بنتج تفهم الحين ..

وخلي ابوها يكون له دور فالموضوع يكون فيه خوف من طرف على الاقل يعني يكلمها ويفهمها فالبداية اذا ما نفع يعصب عليها بس لا يخرعها قصدي يعصب بزعل .. واذا ما فاد يعاقبها طبعا مب عقاب يكسر ضلوعها لا يعني يمنعها من انها تطلع من غرفتها ولا يطقها على يديها على خفيف ..

وخلي الخدامة تلاعبها وتنسيها يوم البنت تضربها …

بس فالنهاية لازم تحطون في بالكم انها طفله

:salam::salam: