بنتي عمرها ست شهور ونص وبديت معها الاكل اعطيها خضروات مسلوقه ورز وعصير
وحسيت انها بدت تمل فياريت يا خواتي تفيدونا بوصفات جديده للبيبي
وعندي استفسار بعد عن طريقة عمل المهلبية بحليب البيبي مثل السميلاك مثلا لاني جربت وفشلت
استنى مقترحاتكم:Za_thanx:
شكرا
يمكن محد عنده خبره بالموضوع
بالنسبه للاكل عندج الخضار + الفواكه
طبق البطاطا
اونس حليب او اونسين
بطاطا مسلوقه
تحطينه فالخلاط لين يلين
بس البطاطا لازم ماتصير مثل الشوربه
طبق الخضار
وتقدرين تهرسين لها " كوسا , بطاطا , جزر " مع رز او كويكر
طبق التفاح
فوحي تفاحه مع القشر
وبعدها نزعي القشر منها
حطيها فالخلاط مع اونس حليب
طبق الكويكر
ملعقة كويكر
مع اونسين حليب
حطيهم عالنار لمده ربع ساعه
وبعدين هرسيهم فالخلاط
طبق المهلبيه
ملعقة صغيره نشا
4 اونس حليب
شوية سكر بيض او سكر نبات مطحون
حطيهم عالنار لين يتماسك ورفعيه
حطيه فالثلاجه شوي عشان يبرك ويتماسك اكثر ويكون جاهز للاكل
شوفي كل يوم لازم تعطينها نوع ( خضار + فاكهه + اشيا خفيفه بين الوجبات )
الخضار وجبه وحده رئيسيه
وعالمغرب تعطينها فاكهه
وقبل النوم حليب
او خضار + سريلاك / فارليز
ويفضل لو عندج عسل طبيعي بدون اي اضافات يعني مو اللي من الجمعيه
تحطينه لها مع الفاكهه
لان العسل مفيد وايد ويقوي جهاز المناعه عند الاطفال ويحميهم من الامراض بعيد الشر عنها
او تحطين مع الفاكهه زبيب , مشمش مجفف , عين الجمل بس مايكون محمص
طبعاً تحطينه لها شوي مب كميات كبيره ( كثر ملعقة شاي او نص ملعقة بس )
جرير عندهم كتاب عن اكل الاطفال
وايد حلو وفيه اشيا متنوعه
صراحه شكلي بستفيد من وصفاتج وراح اجربهم
بس بنسبه للعسل انا سمعت لازم ما نعطي البيبي العسل قبل ما يكمل سنه ما يتحمل
*درب المحبه*
وثم غذاء الطفل هناك سلسله غذائيه ممتازره للاطفال ،،، وشكرا