السؤال:
شلون نظمتوا وقتكم بعد الولادة؟؟
ومتى صار هذا الشي؟؟
وهل احتجتوا مساعدة احد من الاهل او جبتوا خدامة مثلا؟؟
افيدوني افادكم الله لاني اعيش حالة اكتئاب بسبب اني مو لاقية لا لي ولا لزوجي وقت فبشنو تنصحوني؟؟
مسألة تنظيم الوقت مشكلة معظمنا يعاني منها
وبالنسبة لي للحين ما انتظم وقتي عدل بس صار أحسن من قبل
لما ينام ولدي اسوي أغراضي من تنظيف أو غسال وبعد ما ألحق
وتشوفين يوم وقتش منتظم ويوم كلش ما في وقت انش تسوين شي
وكلما كبر البيبي أحس ان الوقت ينتظم لما يتعدل نومه
وان شاء الله أحد يفيدنا من تجربته
واللي عندهم 2 ينشغلون ببعض أو الابن او الابنه الاكبر تهتم بالصغير لو بس بالمراقبة وهذا يسمح للام انها تفضى لروحها شوي وخصوصاً اذا كانا البكر بنت أما الولد ف..
بنت جيرانا ما شاء الله عليها تهتم بخوانها الاصغر منها وامها ترتاح أو تطلع وما تتعطل وهي عمرها 10 سنين
اكيد دخول فرد جديد الى الاسرة لازم ياخذ حيز ومساحة ووقت منكم كلكم…
وشيء يجيب الاحباط فعلا لما تشوفي انك مفتقدة اشياء كثيرة كنتي تمارسيها قبل الولادة بمنتهى السهولة والهدوء والراحة..
اكبر نصيحة هي : اغتنمي الفرص..
اي فرصة :
ينام الطفل..
يطلع به ابوه..
تاخذه اختك او امك او عمتك او اي احد قريب…
لا تقعدين متحيرة.. مباشرة اعملي اللي خاطرك فيه.. تتصفحي النت.. تاخذي حمام بهدوووء وراحة دون ترقب وتوتر.. تتسوقي.. اللي تحبيه..
ممكن انك حاسة بلخبطة كبيرة حالياً لأن نجد لساتها شهرين وكم يوم.. وبتحسي انها محتاجة لك بصورة كبيرة جداً.. وان اي اهمال او غفلة من جانبك راح يؤذيها…
لكن اصبري.. شوي بس..
بس تصير 4 او 5 شهور.. راح تخف حنتها وصياحها..
وراح تنتبه للاشياء المتحركة اكثر، ويخف البكاء..
راح تطول الفترات بين الرضاعة.. وتستمعي انك تأكليها ويدخل عامل جديد الى الروتين اليومي..
بتلاحظي انها رتبت اوقات نومها وصارت عندها مواعيد للنوم والاستيقاظ..
اشتغلي على موضوع نومها ليلياً في فترة معينة ومحددة ما تتغير .. عشان تتعود على النظام..
ممكن يتعبك تعليمها شوي في البداية لكن بعدين راح ترتاح وتريحك عشان من تنام في موعدها الليلة تنطلقي انت وتعملي اللي خاطرك فيه << اعرفك من خفافيش الليل وما يهنى لك الشغل الا انصاف الليالي مثلي ههه
موفقة حبوبة ،
فعلا هااي المشكله واجهتني في اول اشهر ولادتي ووايد اكتئبت..
بس الحمدلله الشئ اللي مسهل علي اني قاعده في بيت اهل ريلي يعني ماطبخ ولا اغسل ولاشئ كله ع الخدامه ..
بس الحين يوم صار ع ولدي 4 شهوور احس حللللو لأن وقت نومه انتظم واحاو كثر ماقدر اسوي اللي ابيه وهو ساكت …او يلعب
حتى القعده مع زوجي احاول انوم الياهل وبعدين اتفرغ اول اني اشبعه واخلي يلعب علشان مايحن وانه قاعده معاه
حبيبتي صدقيني بتتعدل شوي شوي مع الوقت
لو تقدرين جيبي خدامة يكون شلتي من راسك شغل البيت والطبخ والتنظيف والملابس وكل ها البلاوي بتفتكين منها واااااااااااااايد
واذا ما تقدرين جيبي الخدامة الي يجوون للساعات
ويوم الخميس والجمعة روحي نامي عند اهلك وصدقيني اجازة لك ولزوجك ما يصير كل الضغط عليك بتتعبين كذا بيساعدوك كثير صدقيني ما بتشوفينها غير وقت الرضاعه التبديل والشيل والحط كله بيخف عنك بتحسين شوي نفسيتك تعدلت
ولا تضايقي نفسك كل هذا مؤقت وكل ما بتكبر دلوعتك بتتعدل
الله يصبرك ويوفقك بتربيتها يا رب وتشوفينها عروس
جمانة ما اقدر اغير اسم ام شجاع لانه زوجي اللي سماني اياه عشان جذي وايد احبه، ويالله ننتظر ليما نجودة يصير عمرها 4-5 شهور
كحل العيون يعني مو بس انا اللي جايني اكتئاب
هنوفة الله يجيب الصبر والله اتمنى ان نجودة تكبر بسرعة، يعني اغمض وافتح الا هي كبيرة نفس المسلسلات
ملاك الله يسلمك انا عندي خدامة اللي يجون بالساعات يعني شغل البيت مو علي، واروح انام بيت اهلي بين الفترة والثانية ومع هذا احس بالضغط واللخبطة
 |
اقتباس |  |
 |
المشاركة الأساسية كتبها ام شجاع  |
 |
 |
| ملاك الله يسلمك انا عندي خدامة اللي يجون بالساعات يعني شغل البيت مو علي، واروح انام بيت اهلي بين الفترة والثانية ومع هذا احس بالضغط واللخبطة |
||
 |
 |
ام نجوده خالتي قالتلي كلمة وخلاص خليتها ببالي قالت تأقلمي مع الوضع لانه بيستمر لمده سنتين واذا ما تأقلمتي وتعايشتي برضا مع السالفة بتتعبين
ووجودهم يسوا كل التعب والضيق والملل
ربي يجعلهم من الذرية الصالحة ان شاء الله