السلام عليكم و رحمة الله و بركاته بنات
عندي سؤال اذا الياهل ما يرضع من امه اشلون ينام العصر يعني اللي يرضع اترضعه امه و يدوخ و يرقد بس اللي ما يرضع اشلون خصوصا ان العصر في نور مب مثل الليل ممكن ينام بروحه لين ما شاف شي من الظلام يضطر يرقد ؟؟
احس يغربل هل شي خصوصا اذا نبيه وقت معين ينام حتى نضبط نومه لنومه اللليل
اختي قعديه الصبح الساعه 10 ولاتخلينه يرقد لين 1 وعقب عطيه رضعته وعلى طول بيرقد
لا حبيبتي عادي ينام لان الطفل يتعب و يحتاج ينام عشان النمو
و على العموم اول 6 شهور كلش صعب تنظيم نوم الطفل
بس وراها بسهولة تتعدل نومته
هلا حبيبيتي
حاولي انج ماترضعينه قبل وقت النوم لمده ساعتين
بعدين سبحيه بماي دافي ولفي البيبي في لفته وعطيه الرضاعه او اكليه وبيتخدر وينام
وبالعكس كويس الضوا له عشان يقدر يفرق بين غفوه النهار ونومه الليل
كلام الاخوات صحيح قعديه بدري الصباح وسبحيه واكليه والعب وياه والظهر رضعيه ومن التعب بنام ولدي اتعود من اول ينام 12 او 11 ونص ويقعد 9 وماينام الظهر بس المغرب ينعس لكن ماانيمه الهيه لين الساعه 11 او اكثر بشوي وانيمه بس الحين ماينام الا متاخر 2 ونفس الحال يقعد 11 الا او 11 وعليها شوي وماينام الظهر لليل حزة النوم بس في يهال يحبوا النوم عادي ينامو وايد بس ولدي مايحب النوم.