كيفكم وكيف ببياتكم وكتاكيتكم0000
بدخل بالموضوع على طول000 انا ياعرايس عندي بنوته عمرها 4شهور الله يخليها لي يااارب:032:
لاجيت اروح لمكان وهي معي سواء سوق او زياره او موعد مستشفى الله لايوريكم اشيل معاي شنطة وش كبرها وملاينه ملابس وبامبرز(وانتوا بكرامه) وحليب ومويه والدنيا تصير حوسه
والشنطه وش كبرهااااااا وثقيله بعد وحالتي حاله واحس اني حوسه واحيانا ارجع بالشنطه زي ماااااهي ماتغير منها شي واروح المره الثانيه واخفف واذا طلعت اقول ليتني جبت كذا وليتني جبت كذا000 فتكفون يابنات الله يخليكم ويجزاكم خير 00الي عندها خبره بالاطفال والطلعة وياهم تعلمني شلون انظم شنطة البيبي سواء لطلعة الطويلة ولا الطلعة القصيره عشان استفيد ولكم جزيل الشكر0000
๏°๏°๏๏°
لاااا خلي الشنطة الكبيرة بس اذا رحتي بيت اهلك
واستخدمي شنطة صغيرة للطلعات فيها لبسة احتياط وشبك داخلي وحفاضتين ومناديل المبللة
والحليب في العلبة المقسمة والماي وشي تلفيها فيه اذا نامت
๏°๏°๏ ๏° ๏°๏°๏ ๏° ๏°๏°๏
انا كنت مثلج لما كان ولدي صغير .. بس تعلمت مع الوقت.. شوفي للطلعات الطويلة مثل بيت أهلي او أهل زوجي أو الاهل انا أخذ معاي شنطة المذركير اللي مثل الصندوق البلاستك.. تكون كبيرة وتتسع لكل الاغراض الضرورية
واهم الاشياء اللي تاخذينها هي : المراضع للماي والحليب / ترمس الماي (حجم متوسط)/ علبة الحليب / غيارين داخليين / بدلتين / حفاظات / مناديل معقمة/ فوطة متوسطة
وبالنسبة للطلعات القصيرة : شنطة صغيرة تقدرين تحملينها بسهولة
وحطي فيها 3 حفاظات / غيار واحد / بدلة احتياط في حال توسخت بدلة البنت / فوطة صغنونة للرضاعة / مناديل معقمة حجم صغير / مرضعة صغنونة للماي / مرضعة حليب
إن شاء الله اكون ما نسيت شي.. والله يخليييييييها لج ياااارب
وانا اتفق مع كلام اختي BHR_Sun
ما قصروا البنات نفس اللي بغيت اقوله
اشتريت شنطه صغيره (للطلعات القصيره وشنطه للطلعات الطويله
اشتريت ترمس للمويه واحد وسط للطلعات الطويله والثاني صغيره مررررره (يكفي 3 رضعات ) للطلعات القصيره
واحط غيار وحفاظتين ومناديل مبلله ومنشفه للتغير حجمها وسط وعلبة الحليب المقسمه والرضاعات 2 واكياس للحفاظات عند التغيير
وارتب الشنطه على قسمين اليمين احط اول شي المناديل بعده المنشفه والحفاظات والغيار والجهه الثانيه ترمس المويه و الرضاعات وعلبة الحليب
واذا طلعتي في مكان واحد اترك الشنطه بالسياره وبس احتاجها اجيبها واستخدمها بدل الزحمه والحوسه
والله الحين انا مرتاحه وزوجي مرتاح من كثر الاغراض
أنتي على طول خلي شنطة البيبي جاهزة عند الباب فيها الحفاظات (عدد 2) ،،فوطة صغيرة،، المناديل المبللة،، بدلة للخروج،، بيجامة،، وملابس داخلية (عدد 2)،، لحاف خيف،، وطبعا فيها علبة حجة صغير من كريم الحفاظات،، فازلين،، أدول،، قطن… أنا ذيلين يكونون على طول جاهزين بس آبي آطلع حطيت الرضاعات وحطيت ترمس ماي صغير والحين غيرته وشريت مطارة الماي مال مذركير اللي على برنسيسات خفيفة وعملية بس أحط فيها ماي حق رضعتين وطبعا أكون مالية الرضاعات ماي… سيريلاك او اكلها في علبة مع ملعقة…
هذي الشنطة بتكون حق طلعة بيت أهلي وبيت أهل زوجي او زيارة باطول فيها,,,
اما لو كنت باروح مجمع وبنطول مثلا بنتسوق وبنتغدى قمت خذيت هالشنطة معاي وخليتها بالسيارة وأشيل بس في يدي شنطة صغيرة في حفاظة ومناديل مبللة ورضاعة ماي وأخلي علبة الحليب المقسم فيها.. لو أحتجت شي طارئ رحنا للسيارة..
وطبعا هالشنطة الصغيرة بعد أشيلها لو بس طالعين طلعة سريعة للحديقة اللي جنب البيت او لمطعم سريع….