موضوعي اليوم عن الأم لما تكون موظفة وعندها عيال راح يدخلون الروضة أو حتى المدرسة.
ياترى كيف تنظمين وقتك من الصبح .. كيف تجهزين نفسك .. وتجهزين الأولاد .. وتجهزين الفطور ..
الساعة كم يبدأ يومك ؟؟ … الخ من هذي الأسئلة
يعني كل وحده أتمنى تدخل وتجاوب على أسئلتي .. لأني أفكر أنظم وقتي الصبح خصوصا اني موظفة وفي ساعة معينة لابد أني أكون وصلت الدوم .. هذا غير توصيل الأطفال
ياريت تطرحون تجاربكم .. علشان نفيد ونستفيد مع بعض
أنا مثلج ولدي بيدخل سنة اولى روضة
ويوم الثلاثاء اول يوم دوام ليه
سجلته للمواصلات
لكن اول يوم لازم اني اللي اوديه الروضة
قالوا لي انهم يفتحون من 6:30
وانا دوامي 8
فمن الساعة 6:30 بطلع
و ان شاء الله من تجي الساعة 7:30 يكون متعود على الوضع واطلع عنه
والايام الباقية طبعا بقعده الصبح و اسبحه و اكله و البسه وبوديه بيت الوالد
و الباص بيستلمه من هناك وان شاء الله يرضى يركب الباص
و توصيله البيت بعد بيكون لبيت الوالد
و االواجبات طبعا بتكون خفيفة في الروضة بعد ما ارجع من الدوام احلها وياه
و ان شاء الله يتقبل الوضع و ما يصيح
بس اعرف وحدة موظفة وماشالله عليها منظمة وقتها على قدر الامكان
كانت تنظف البيت وترتبه من الليل وحتى الطبخة احيانا تطبخها بالليل واحيانا تجهز اغراضها ويكون عليها فقط تطبيقها لما ترجع الدوام وبعدها تاخدلها قيلولة وتلتفت لاولادها بالتدريس وغيره
فالمقصود قد ما قدرتي جهزي امورك بالليل تلاقي نفسك تاني يوم مرتاااحة وبعيدة عن الضغوطات وربي يعينكم
بس الأهم فالأخير نحصل على نتيجة ممتازة إن شاء الله …
الله يساعد الجميع إن شاء الله