ولدي مريض ويوم وديته العياده كتب لي الدكتور
تحاميل وبصراحه اني اول مره استخدمها واحس
انها تألم ولدي لان صار من أبغي أغير له الحفاظ
يصيح ويرفع نفسه ويسكر رجلينه ضناً منه اني
راح أحط له تحميله
وبعد ما اخليها طبعاً انا استخدم لطفلي على طول
كريم درابولين بعد تغيير كل حفاظ
و قبل احط التحميله اخلي له كريم و أمسح التحميله
بزيت الزيتون بس بعد احس اذا بحط للطفل تألمه ويصرخ
ويظل يحاول يبعد نفسه ويظل يبكي فتره من بعدها
ولاعت جبدي بصراحه صدق شغله مقرفه وتألم الطفل
فما ادري يمكن طريقتي غلط اذا عندكم خبره لاتبخلون علي
للعلم عمر طفلي 5شهور
ولي يومين استخدم التحميلات هم المفروض كل 8 ساعات بس اني
يوم شفت ولدي يتألم منهم صرت اخلي له وحده بالصباح ووحده بالمساء
وقلت اذا ما حصلت طريقه مريحه راح اترك العلاج لانه راح يسبب لولدي بلوه ثانيه
الله يشفي ولدك ويخليه لك اامين
انا يوم الدكتور قال لي تحاميل قلت الحمدلله
لان الشراب يبهذلني ويبهذل الولد من كثر
ما يطشره علينا من فمه
ما دريت ان هذه البلوه اعظم وحمدت ربي
على ان الادويه الشراب موجوده
بس للحين الاخوات محد قال لنا طريقه
تسهل عالطفل
وبعدين حطي راحة يدك في نص موخره ولدك واصغطي شوي وحركي يدك حركه دائريه ,,, هالحركه تخليها تذوب وتلين ,,,
وبالعافيه ياااارب
المسأله مو اني اقرف
بس صعوبة تدخيلها على الطفل
ابي طريقه تكون سهله وما تضايق الطفل وتالمه
وبعدين انا من ادخلها هو يضل يبكي ويتحرك بعنف يعني
ما اقدر اسوي الحركه الدائريه وهو يتولول من الالم
رجعي اقرئي موضوعي
راح تشوفين اني اعمل هالطريقه
ارطب المكان و التحميله كمان
بس ماكو فايده
مسامحه غفلت عن هالسطر
ماعندي عيال لكن اشوف اختي تحط زيت وتخلي التحميلة
هم تصيح الصغيرة لكن شي لابد منه
الله يعطي الصحة والعافية
احط لها فازلين في المنطقة عشان تسعل دخول التحميلة وساعات ما تحس الا لما اخلص وساعات تسوي حفلة من الصياح ولا تخليني احط شي
الله يعينا فعلا نعاني لما يمرضون مايشوف شر الصغير