عساكم يارب كلكم بخير ونعمة من رب العالمين
وعييلكم كلهم يارب يكونون بصحة وعافية يارب F:
والإشراف على وجباتهم اللي يتناولونها طوال اليوم
من قلة تناول أبنائهم للغذاء المفيد
راح أحطها في نقاط وبانتظر منكم مشاركاتكم في نفس السياق
عشان نستفيد من بعض إن شاء الله
فحياكم الله جميعا
ولدي ياكل الوجبات الرئيسية ولله الحمد بشكل منتظم وزين
لكن بكميات قليلة
ووجبته فيها كل العناصر الغذائية الضرورية
بس جسمه طبيعته صغيرون .. ضعيفون
ما يخربط بين الوجبات
ما عودته عليهم
ياكلهم قلييييل جدا اذا ما قلت نادر
والحين ولله الحمد بيكمل بعد 3شهور بيكمل 5 سنوات
ما بدأ يشرب الا توه من اسبوعين ثلاثة
المصيبة انها صارت من وراي مع اني احذر خواتي لا يعطونه
بس غدرو فيني:woo:
أنا أكرهه في المشروبات الغازية
وحتى لو يشوف اليهال الثانيين يشربون
أحط في هالشراب كل الصفات التعيسة اللي ممكن تتخيلونها
لكن الشيطان شاطر:cool:
وزززز ولدي وشرب وياني يبشرني:
مامااااااااااااااااا .. شربت سفن أب …
خالتي تقول زين حق البطن :confused:
مامااااااااااا .. شربت بيبسي ..
حلو طعمه .. حبيته!!
حبيته؟!! :thumbs_down:
طبعا هذي صارت 3 مرات بس
وهو اذا معاي ما اخليه يقرب من البيسي وعائلته الكريمة
ولله الحمد هو وياي 24 ساعة .. ماعدا وقت الروضة
الله يسلمكم أنا مو متعودة اكذب عليه
خاصة اذا طلب شي .. اذا ما ابي اجيبه له اقول له
لو يصيح والا يصارخ .. ما اقول له الا اللي انا راضية فيه
لكن في الأكل صرت أكذب عليه..
بس شسوي في عمري اذا ماأكل؟
ولدي ساعات يتشرط في الأكل: مابي دياي .. ابي لحم
والا: مابي سمج أبي دياي
دياي والا لحم والا سمج؟
واذا قال طلبه.. اقول له تفضل اللي طلبته جدامك
(وطبعا .. هو يحبهم كلهم ولله الحمد
عشان جذي ممكن اسمي اي واحد من أنواع اللحوم باسم الثاني
لأن سبب التشرط .. هو التشرط فقط لا غير)
تعلم ياكل من مطاعم الوجبات السريعة من فترة مو قصيرة
لكن ولله الحمد ماياكل أكثر من وجبة وحدة في الأسبوع
وآخذ له عصير بدل البيبسي .. والله المستعان
أحس إن ولدي وايد ياكل روتي وجبن
يكونالجبن داخل وخارج (روتي سليس)
وهاي صورة توضيحية
للي ماتعرف التسمية المحلية للروتي السليس
بس احسن له من الأكل من برا البيت
الحمدلله يحب البيض (المقلي والمفيوح)
وياكل سندويج الكبدة من محل واحد بس (مشتان)
واي احد ثاني يسوي الكبدة ماياكلها خير شر
الخضروات ماياكل منها شي
أما الفاكهة فإذا ياكل نوع واحد ماياكل اي فاكهة ثانية
لين يمل منها وبعدين يغير
بس ماياكل كل الفواكه
مثلا ..
يحب الموز فترة
يحب البرتقال فترة
يحب الفراولة فترة
يحب اليوسفي فترة
التفاح نااااادر
العنب قليل وبالتشجيع والهوليلات والحفلات
ودعواتكم له وحق خويته بالهداية والصلاح ياربF:
اللي نتشوق لسماعها
/
::
ما شاءالله
موضوع متكامل ورائع ومفيد
طبعا بناتي بياكلو من الوجبات الي بناكلها انا وابوهم
الفطور
خبز وجبن
شاي بحليب
شابوره
زيتون بأنواعه يحبوه,,
الغداء
وجبه رئيسيه ما أغيرها ابدا
وهي رز بلحم او بالدجاج
سلطه خيار الزبادي مهم لهم كمان
كوب لبن بعد الوجبه مهم جدااااااااااا
الفواكه طبعا بياكلوه لكن مو بعد الا كل لانه مضر سبحان الله فلي تحب تاكل من الفواكه تكون بفتره العصرر
العشاء
أحاول أنوع فيه بقدر المستطاع
سواء أطبخه بالبيت او الوجبات السريعه
لكن على حسب رغبتهم وشنو نفسهم فيها
ويكون احيانا أدام مشكل او ملوخيه
او تونه بفاصوليا
او همبرجر منزلي
او مكرونه بالجبن
او فطاير
او فيليه سمك
وهذا كله طبخ منزلي
اما الخارجي فكثير ومنوع ومفيد كماااان
ملعقه مهمه لهم ولكن ليس كل يوم بل كل يومين
وهي ملعقه العسسسل
المشروبات الغازيه
ممنوعه منعا باتا الا ببيت الجده اذا وجد يشربونه وما احب امنعهم
خخخخخ
العصائر بأنواعه
متواجد بشكل مستمر ومهم لهم ايضا
الجبس
والله ما اقدر اقول امنعهم لانه نوع من انواع التسالي حقهم ويحبو ياكلوه كل يوم وكمان يحبو الكب كيك وانواع الكيك الجاهز
وهذا نظامهم
وسلامتكم
/
::
انا الفطور ايام الاسبوع حليب وشابوره او كورن فلكس
بالخميس والجمعه يابيض مقلي وطماطم وخيار او فول وتميس مع الحليب والشاي ومربى وعسل وهيك شغلات يعني ……..نواشف
اما الغداء:
ايام الاسبوع كل يوم طبخه اتفنن بعض احيان مسقعه خضار او مكرونات بانواعها اولادي يموتو فيها اكثر شئ البشمل او مقلوبه رز مع خضروات وشربه ذره او فطر او مكرونه حروف يحبونها مره
صدور دجاج مع صلصه الصويا
طبعا كل طبخه مع السلطه اكثر شئ اسوي سلطه خس مع الصوص وفجل احمر وجرجير اوذره وجزر مع العصيرات طبعا
والفاكهه ناكلها بعد المغرب الصراحه
والعشا:
ع الساعه 9
اي شئ ونادر نتعشى الصراحه
واذا تعشينا
سندوتش فلافل مع الطماطم او جبنه مع كاس حليب …….
وبسسس
وباقي اليوم هذا اكلهم اليوم كامل مافي اي شئ ثاني غيررره نهائي
لا شبس ولا غازيات ولا حلويات ولا شئ ثااني ابدا
اذا اكلوو طبعا في المدرسه مو في البيت ياكلون شكولاتات جلكسي
وشبس ليز وطبعا مو كل يووم
غير كذا مافي حتى طلعات الويك اند نجيب عشاء مثلا مشاوي واعمل السلطات في البيت ونتعشى بس مافي حلويات وغيرررره ابدااااا
وبس هاذا اكلنا انا واولادي قليل الصراحه F
:
متميزة دوما
بالنسبة لابني فهو يثير جنوني بطريقة أكله
لابد وان يكون مهروسا أو مع سائل كالحليب أو الشاي بحليب وبالنسبة لوجبته الرئيسية مع شوربة
لايأكل كل أنواع الجبن وقليلا مايتذوق البيض
لكن الحمد لله يأكل الخضروات واللحوم بانواعها ( لحم – سمك – دجاج )
وبعض الفاكهة أيضا
ويفضل العصائر الفريش المنزلية الصنع الحمد لله خاصة عصير المانجو
أما بالنسبة للشيبس فهو يحبه لكني لا أشتريه له كثيرا
والمشروبات الغازية أيضا لم يذقها إلا قريبا وكما قلت ليس مني
حتى بات طعمها يروقه ويشربها قليلا اكثر من قبل كان يرفضها لطعمها اللاذع
ربنا يهديهم ويقر أعيننا بهم
من جد عيالنا طلعوا لنا قرووون من اكلهم .. زمان بنتي كانت ماتاكل ولا لقمه لما كانت ترجع وعادي عندها تجلس يوم كامل صايمه .. بس الحمدلله لما عرفت مشكلتها صارت تاكل اي شيييي والحمدلله ..,,
اما بالنسبه للجدول تاكل معانا واي شي وانوع لها اي شي وماتاكل من المطعم الا اذا كنا بمطعم او بالسوق بس والغازات ماااااااتقربهم والحمدلله لانه يقرقر بلسانها ههههههه ..,,
وقبل النوم لازم تاكل ولا ماتنام طبعا طبيعي لاغلب الاطفال ..,,
والله يخليهم ويحفظهم لنا ياارب ..,,
كنت مصورة كم شغله واقول بكتب موضوع عن الوجبات بين الوجبات الرئيسية وانتي سبقتيني هههههه
يالله برفع الصور عقب اشوي وبنزلهم
وتم التقييييييييييم على الموضوع الحلو
لاني على وشك اكون ام جديده
بنتي تطالبني بالاكل ودوم تقول جوعااااااااااااانه
وانا اتكيسل ولا اسوي لها شي!!!!!!!!
بس فواكه وخضار وعصاير وبالموت اسوي لها غدا
شفتوا جريمتي في بنتي!!
بس الحين تشجعت وقمت اشوف اهتمامكم في الاكل
فبديت شوي اجهز لها رز او اعطيها رووووووووب
شجعووووني
ربي يوفقج يارب