وجبات اطفال من عمر 4 شهووور وفوق . 2024.

بسم الله الرحمن الرحيم
الحمد الله رب العالمين
اللهم صل على محمد وآل محمد

شخباركم امهات وشخبار كتاكيتكم الحلوين
اني ومثل مااغلبكم يعرف صار عندي بنوتة صغيرة ولله الحمد
وهي الحين بتكمل 3 شهووور وبتدخل الرابع
وبماإن بنتي ضعيفونة واجد <<<<عكس امهاا ههههه
وكلش ماتشرب حليب عدل
يعني تخيلووو المفروض تشرب الحين رقم 6 او 7
وهي للحين على رقم4 :-#
وبعض الاحيان تزيد اذا كانت جوعانة
المهم
اني حابة اتبدي اكل بنتي من الحين
يعني ببتدي معاها بشوي برتقال مخفف بالماي
وبعدين بمنقوع التمر
هذه بتكون اول اسبوعين ببتدي معاه في هالشي
مين حابة تنظم وياي ونسوي تجارب على اطفالنا هههههه
قصدي نتشارك وكل وحدة تقول شنو حابة تاكل ولدها او بنتها اول شي
يعني ممكن في اشياء ثانية اقدر ابتدي معاها بس اني نسيتها ممكن احد يذكرني فيهاااا:thumbs_up:

انا بعد نفس حالتج بنتي للحين تشرب 4 واذا زدت الكميه ماتشرب الا نادر

جربت كم مره حطيت لها بسكويت ميلوبا في الحليب مره شربته ومره ماتقبلته

ومب عارفه شنو أعطيها الحين

هلا خيوه بس نصيحة منى لا تعودينها على السكريات من البدايه لأن تالي بترفض الخضار مثل الكوسه والبطاطس
اني بالشهر الرابع ابتدأ مع اطفالي بكوسه مهروسه او بطاطس مهروسه مع الحليب وبعدين ادخل الفاكهة مثل التفاح او الكمثرى

اقتباس

المشاركة الأساسية كتبها أحلام صغيرة

	انا بعد نفس حالتج بنتي للحين تشرب 4 واذا زدت الكميه ماتشرب الا نادر جربت كم مره حطيت لها بسكويت ميلوبا في الحليب مره شربته ومره ماتقبلته ومب عارفه شنو أعطيها الحين

خيووو جربتي عطيتنها سيريلاك
يمكن تتقبلة ويعجبها على الاقل تاكل وجبة عدل بدل الحليب الي مايشربونة:thumbs_down:
بنتج توها داخل الرابع؟؟

اقتباس

المشاركة الأساسية كتبها ألم الزمان

	هلا خيوه بس نصيحة منى لا تعودينها على السكريات من البدايه لأن تالي بترفض الخضار مثل الكوسه والبطاطس اني بالشهر الرابع ابتدأ مع اطفالي بكوسه مهروسه او بطاطس مهروسه مع الحليب وبعدين ادخل الفاكهة مثل التفاح او الكمثرى

يعين في رايش ابتدي معاها خضار
بس توه عليهااا؟؟
لانة تاريخ 13 تدخل الرابع

مايصلح قبل ال6 شهور ابدا

وحتى لو بتبدأتي مايصير قبل ماتخلص4شهور

انتبهي للشي هذا

ولا تسوي شي من دون استشارة الطبيب

لانه يأثر بعدين عليها

هلا اختي نص دكتورة
حبوبة اني سمعت انه 6 شهووور اذا كان الطفل يرضع طبيعي
وبنتي ترضع صناعي وياريتها تشرب عدل
وبعدين المعروف عدنا والي تربتنا علية الطفل قبل 6 شهوور يعطونة اكل
واني عبادي ابتديت معاه في مثل عمر بنتي الحين والحمد الله ماصار فية شي
واني مافكرت اني اعطي بنتي اكل الحين الا انه وزنها مو راضي يزيد من جبتها للحين يعني الي يشوفها مايصدق عمرها 4 شهووووووووووور

طيب المعروف انه الصناعي ينفخ الجاهل

غريبه مازاد وزنها

روحي راجعي الطبيب

ممكن اذا حطوه على التشارت يطلع طبيعي

واستشيري الدكتور بالنسبه للاكل

وانتين حره

وان شالله تشوفيها عروس قدامش

/

::

الله يسهلج وينفخ بنتج على خير

ابتدي معاها بسيريل الارز عند اكتمال 4 شهور
وان شاءالله تتحسن يارب
ومنقوع التمر زين لصحه البيبي وتقوي العظام حتى لو ما اكتسب الطفل وزن منه

/

::

حياش : :: ملف غذاء للأطفال بالصور ::