عندي مشكله مع الباشميل …عمره ما يحمر عندي …يوم اشوف صواني الناس اغار ليش يحمر الباشميل عندهم و عندي لا …و بعد يوم اطبخه يكون غليط لكن يوم اطلعه من الفرن و اقصه يكون سائل و مب غليظ
و سؤال عن الازانيا …هل نفورها اول ولا لأ …
و في انتظار ردودكم
سؤالك عن الباشميل ,,اول شي ليش ما يحمر ؟؟
يمكن ما تخلينه مده كافيه,, ويمكن ما تحطين من فوق قطع صغيره من الزبده
وقليل من جبن الموزاريلا
وسؤالك ليش يكون سائل ؟؟
شي طبيعي بيكون سائل لان الطبقة خفت وماكانت نفس الي في القدر
وغير هذا بتكون حاره فالأفضل نتائج ,, اتكريها حتى تدفا لمدة -20-30دقيقه … وبتكون متماسكه
واخر سؤال الي هو عن اللازانيا ,, في نوعين لها ,,
في نوع سهل يكون مطبوخ نصف طبخ
وفي النوع الي بيكون مثل المكرونه,, يابس
وهذا النوع يحتاج لسلق في ماء مغلي لمدة5 دقائق مع زيت وملح
وحاسبي لا تتقطع عندك الشرائح
ولا تسلقينها كلها دفعة وحده
يعني 4-6
شارئح مع بعض
واول ما تشيلينها من الماء المغلي خلي جنبك فوطه نظيفه وصفيهم عليها
لكن ,, تحملي تحملي تحطينها في طبق او على قصدير لانها بتلزق ,,,
وأتمنى اكون قدرت افيدك عزيزتي
حياك الله
و فعلا انا جربت و حطيت الجبن من فوق … و احمر و صار شكله يشهي
شكرا و ماقصرتوا
اما بالنسبه للزبده او الجبنه فانا احطهم في الخلطه نفسها وراح اعطيك طريقتي في عمل البشاميل
(4 ملاعق حليب بودره+4 ملاعق طحين+4 كاسات ماء تخلطيهم في الخلاط وبعدين تحطي معاهم فلفل ابيض وملح و{زبده(مقدار2سم من الاصبع الكبير)او جبنه(ملعقه كبيره)(((انا افضل الجبنه)))}
اما اللازانيا حتى لو مانضجت تماما تطلع حلوه
انا بعد مااسوي اللحمه امرقها بصلصل وشوية ماء تطلع يمي يمي
وبالهناء والشفاء
ولاتنسينا بقطعة لازانيا
سلاااااااااام
و سويتها و كانت لذيييييذه ..لكن احترقت من تحت لاني نسيتها بالفرن شوي زياده …بس مب مشكله
و الباشميل ….اشغل الفرن من فوق نص ساعه .. و تحترق اطراف الصينيه و لا يحمر …
لكني يوم حطيت الجبن فوقه مثل ما قالوا لي الاخوات احمر و صار شكله حلووو …حتى زوجي اول ره يقول لي و اخيرا صار باشميلج مثل الناس ….
على فكره فرني كهربائي يمكن علشان جذي ما يحمر
و شكرا لكم كلكم و ما قصرتوا