نبدا بسم الله
المقادير :
1-بصل مقطع شرائح طوليه
2- طماطم مقطعه مكعبات صغيره
3-فلفل رومي اوالبارد مفطع شرائح طوليه رقيقه وبعد الجزر
ملاحظه الفلفل الرومي والجزر مايكون طويل يعني يكون بطول او اقصر من الاصبع الصغير
4- تجيبي بطاطس طبعا تقطعيها مكعبات كبيره وتغليها في كركم وملح طبعا الى ان تنضج بس لا تخلينها تنضج واجد
يعني ما تكون مهروسه
5- شوية ثوم مفروم وبهار مخلوط انا استخدم البهار البحريني للبرياني
الطريقه :
تجيبي البصل وتحطينه في المقلاه مع زيت على نار هاديه الى حد ما يصير لونه اصفر تحطلي عليه الثوم المطحون و الهيل يكون حب و حبت ماجي والبهار المخلوط و شويت دارسين وزنجبيل مطحون
بعدين تحطي ملعقة طعام صلصة طماطم وتقلبينه المقادير مع بعض وبعدين تظيفي كل الطماطم والفلفل الرومي والجزر وتقلبينه الى حد ما تنضج كل المقادير زين
بعدين تضيفي البطاطس المغلي وتقلبينه برقه لحتى ما يتفتت البطاطس
الحين نجيب الرز بعد ما تغسلينه عدل وتحطيه في المي لمدة عشر دقايق
تجيبي ماي وتغليه وتحطي عليه عود دارسين وبودره الصفرا للتلوين او اذا ما كان عندك حطي زعفران ولما يغلي الماي حطي عليه الرز ولما يستوي صفي الماي
حطي في اسفل الطنجره سمن بعدين جيبي الرز نصفه وحطيه في االطنجره وبعدين حطي خلطة الخضار وبعدين حطي النصف الثاني من الرز وحطي فوق الرز شويت سمن
حطيه على نار هاديه لمدة خمس دقايق وبالهناء عليكم
ملاحظه قبل التقديم قلبيه وقدميه مع الشطه الحاره