Book Review: مطبخ منال العالم 2024.

اخواتي العزيزات.. هذا اول موضوع لي في قسم الطبخ، طبعا لأني جديدة عالمجال :21_95:

انا من اشد المعجبات بمنال العالم فحبيت اشتري كتابها من معرض الكتاب و كنت متحمسة، و الحمدلله ما خاب ظني، الكتاب رائع ما شاء الله (y)، فحبيت اني اعطيكن نبذة عنه عشان اللي ما اشترته تواحي عليه

بسم الله:

أولا هذا شكل الغلاف الخارجي للكتاب

اللي حبيته في الكتاب انه فيه اقسام مميزة ما موجودة في كل الكتب مع انها واجد مفيدة لأن أساس الطبخ يعتمد عليها،
مثل:

السلامة في المطبخ و هو من اهم المواضيع طبعا
جدول المقاييس و المكاييل.. قسم مهم جدا للي ما عندهم مهارة الطبخ بالفطرة كمايي 😮

بدائل الاطعمة: قسم يخبرش ايش ممكن تستخدمي بدال بعض المكونات اذا ما قدرتي تحصليها او ما بغيتي تستخدميها

فنون تقديم الطعام، فنون تزيين اطباق الحلويات، فنون تزيين العصائر: عاد انا شخصيا اموت في هذي السوالف 😎

بعدين في قسم كله جداول عن انواع مكونات الاكل، يخبرش كيف و متى و ليش تستخدمي كل نوع من المكونات، من فواكه و خضروات، المكرونة او الباستا، بعض البهارات و الاعشاب
اللي بعده قسم تعريفي عن الادوات المستخدمة في الطبخ من مواعين و ادوات تقطيع و قوالب و الخ…
بعد كذا في قسم انا استانست عليه وااااااااااااجد اسمه فكرة من منال (i)، عبارة عن 20 فكرة من منال تستخدم في الطبخ
بعدين في فهرس الوصفات بالمكونات، يعني مثلا اذا بغيتي وصفات بالحليب بتحصلي ارقام كل صفحات كل الطبخات اللي فيها حليب

الكتاب ينباع في مسقط في مكتبة بيروت في مركز الوادي وقيمته بصراحة ما اعرفها بس في المعرض كان بعشرين

و اللي تعرف وين ينباع في بلادها او منطقتها تكتب عشان البنات يستفيدن

بصراحة الطبخات ما انها عجيبة، بس الكتاب كله على بعضه واجد ممتع

اخراج صفحات الطبخ واجد مرتب، على الصفحة اليمين اسم الطبخة، تحته مقدمة عنها، بعدين جدول المقادير، بعدين خطوات الطبخ و اخيرا فكرة من الخبيرة منال وعاليسار صورة للطبخة على كبر الصفحة (p)

الله يسلم ايدينها هي و كل اللي اشتغلو عالكتاب

انشالله في المستقبل القريب اقدر احط تطبيقي لطبخاتها :21_93:، وانشالله تتفاعلن مع الموضوع و يعجبكن كثر ما عجبني انا الكتاب، و السلام خير ختام :8875: