انتشر في الفتره الاخيره عندنا حلويات الخنفروش البحرينيه بالاعراس وايد حلو ولذيذ فيه زعفران وهيل
ابى اخذ طريقه بس ياليت اتكون سائله عشان ابى اسويها بالماكينه لانى مااحب القلي
انتظركم وادري مابتجسفونى
والخنفروش مرة سوته لى عمتى موول ماعيبنى
المقادير:
بيضتيين
فنجان ونصف سكر (لو كنتي تحبين طعم السكر في الحلويات خليهم فنجانين )
فنجان ونصف دقيق عادي
فنجان ونصف دقيق أرز
فنجان ونصف سميد
فنجان ماي ورد منقوع فيه زعفران
ملعقه شاي هيل مطحون
ملعقه شاي ونصف بكينج باورد
ملعقه شاي فانيلا
الطريقه:
*خفقي البيض لين ما يطلع فيه فقاعات بعدها ضيفي السكر واستمري في الخفق
*ضيفي الماي ورد والفانيلا والهيل المطحون للبيض والسكر وخفقيهم مع بعض
*ضيفي المكونات الجافه(الدقيق ودقيق الارز والسميد)
بتطلع لج في النهايه عجينه شبيهه بعجينه الكيك
*دهني بشويه زيت آله صنع الدونات عشان ما يلصق وعقبها صبيها فيها وخليها لما تستوي
وعليكم بالعافيه
حياج الله أختي…
أنا عندي طريقة للخنفروش أسويه في قوالب الكب كيك بالفرن و يطلع طعمه لذيذ و خفيف، و الأهم إنه بدون قلي 
المقادير:
4 بيضات
كاس سكر
نص كاس زيت
فنجال حليب بودرة
نص كاس ماي ورد منقوع فيه شوية زعفران
ربع ملعقة صغيرة هيل
رشة فانيلا
كاس و نص طحين منخول
ملعقة كبيرة بيكنج باودر
سمسم
الطريقة:
تخلطين البيض لين ينفش، و بعدين تضيفين له السكر بالتدريج و باقي المقادير ما عدا السمسم…
صبي المقدار في قوالب الكب كيك أو في قالب كبير و رشي السمسم على الوجه…
دخلي الصينية الفرن، إذا كانت قوالب الكب كيك اخبزيها لمدة 15-20 دقيقة
أما إذا قالب كبير بتاخذ من 35-45 دقيقة و انتي راقبيها لما يتحمر الوجه يكون استوت…
و بالعافية عليكم (f)
الحين امي مو في البيت
وماشاء الله الاخوات ماقصروا الله يعطيهم العافيه
انا قبل مسويه 3 مرات او 4 مرات بس ماعبيتنى ولا وحده
ابى وحدة اتكون لونها اصفر ولذييذة
ومشكورات اللى ردو علي