السفيرة – مهاري وغيرهم عايزين اكلات رمضانية للموظفات 2024.

السلام عليكم

احنا الموظفات كثير نعاني وخصوصا في رمضان لاننا نرجع ونص اليوم راح تقريبا يعني ماعندنا الا كم ساعة نحضر للاكل 🙁 🙁 🙁

ياريت لو تكرمتوا تعطونا وصفات رمضانية سهلة وماتاخذ وقت كثير في المطبخ .

مثلا انا ارجع على الساعة 3 العصر مايمديني اقعد اتفنن بالأكلات الي تأخذ ساعات مع العلم زوجي مايجب الأكل البايت في رمضان يعني لازم كل شي طازج.

السمبوسة ممكن اجهزها واحطها في الفريز والحلو مايأخذ وقت عادي اسويها من الليل..

المشكلة عندي المحاشي والمحمر والمشمر والشوربة كل يوم شكل ولون:angry: يعني ثلاث ساعات مايكفيني ابدا ابدا ابدا خصوصا عندي بيبي صغير يبي اكل وغيار كل شوي وحامل (وماعندي شغالة):qaq:

اتمنى تتفاعلوا معانا وتفيدونا بخبراتكم ووصفاتكم اللذيذة.
اختكم صباحي

صراحة الله يعينك عندك بيبي وحامل وموظفة وما عندك شغالة هذي بروحها مشكلة مرهقة جدا جدا. أذكر العام الماضي كان ما عندي شغالة النحيسة سافرت يوم قرب رمضان وعندي طفلين والحمد لله ما كنت حامل وموظفة وبيتي طابقين .ما تتصوري الإرهاق الي صابني صراحة ما أتمنى يتكرر الي صار لي أبدا .
أختي صباحي الله يعينك ومحد يحب ياكل أكل بايت والله راح يسهلها عليك بس انتي طلعي السمك ولا الدجاج ولا اللحم من الصبح قبل عن تطلعي أتروحي الدوام والأصناف الرمضانية سبحان الله هذا وقتها يعني ما تقدري تلغيها وكل على حسب عاداته وأطباقة

والله صدقتي يا ريحانة القلوب
انا فعلا في ورطة …ياربي شو اسوي؟؟ وماقدر اروح عند امي كل يوم لان بصراحة زوجي يستحي وماياكل عدل ويشبع!!

ياربي وين الباقي ساعدوناااااااااااااااا

أختي عند الكبه والفطاير المقلية وورق العنب ..

أطلبيهم من اللبنانيات .. ورق العنب لفيه وحطيه في الفريزر ..

والشوربة سويها أول ماترجعين من الشغل .. وقريب أذان المغرب بس سخنيها ..

والله يعينج والله ..

لازم تدبرين لج شغالة .. ولا إن هلج ولا هله يساعدونج ويطرشون لج بعد من أكلهم ..

لازم وجود الخدامة للضرورة مااستغني عنها وخاصة في شهر رمضان
صح تحضير اطباق رمضان متعب جدا خاصة للموظفات الذين يعودون للمنزل ولا يبقى على اطلاق مدفع الافطار سوى ساعتين او ثلاث
وتحضير بعض الحلويات وعمل ورق العنب ولف السمبوسة في الليلة السابقة بلف بعض انواع السمبوسة واصابع الرول وعمل المحاشي وعمل (الساقو) والمرقة والكبسات اي انها تستطيع تحضير جميع الاطباق المعروفة لرمضان
والوجبة الرئيسية هي الثريد والتي تعتمد على صنع المرق (فاقوم بعملها ايضا واليوم التالي عندما تقوم بعمل الفطائر وبعض الحلويات واكمال عمل المقالي السابقة وكثيرا ما يطلق مدفع الافطار
هناك بعض الاطعمة يمكن عملها مسبقا ووضعها بالفريز ومن ثم مجرد قليها

الله يحفظك من كل شر

أعاده الله علينا وعليكم بالخير واليمن والبركات
والله يبلغكم رمضان بالخير ان شاء الله..

الله يعينج يا اختي

شوفي المقليات مثل ما تفضلت وحده من الخوات انج تشترينهم جاهزين من وحده تسويهم و تحطينهم بالفريزر
الشوربه سهله جدا اول ما توصلين جهزيها اهيا مع السلطه
الطبق الرئيسي انا ماعرف شنو نوع اكلكم بس تقدرين تسوين تشريب الخبز مو لازم يكون فرش .. بس سوي المرقه و اليوم الي تسوين فيه المرقه ماتسوين شوربه لانه مافي وقت

و احسن شي جيبيلج كتاب طبخ الي مكتوب عليهم " اكلات سريعه " و " اكلات في 10 دقايق " اكيد تلقينهم بالمكتبات و كل مكان

الله يحفظج و يسهل امورج

مشكورين والله ماقصرتوا
خلاص ضروري شغالة اجيبها في رمضان (باقول الي عندي تقعد) هذا اذا رضت!!

الطبيخ كوووم وغسيل الصحون كوووووم ثاني!!! ياربي فعلا لازم شغالة

🙁 الله يسهل عليك انا من رايي انك تجيبين لك شغالة من فترة الظهيرة الى الليل اللهم تغسل لك الثياب والصحون وتساعدك شوى وانا من رايي بروحك عملي المقليات من الحين وقت الإجازة عندك وقت شهر وخليهم بالفريزر انا سويتهم من يومين وافتكيت ، الحلويات بشترى جاهز بقلاوة من الليل مو لازم اسوى بالبيت اذا بسوى يون الإجازة ولا اضغط على روحى وانا صايمة وعندى عيال الله يحفظهم ……… وعملي لك كل يوم طبق شوفي يكون سهل بالفرن او غير ذلك والشوربة عمليها يوم الإجازة فقط عندك وقت ………. الله يعينك…..

amon909 شكرا شكرا شكرا

وااااااااو الطريقة روووعة وسهلة كثييييييييير (هذا الي ابيه) حاجة حلوة وكشخة وسهلى التحضير
كتبتها اليحن في الدفتر مالي وانشاء الله اليوم باجربها وابلغك…

الله يوفقك يارب ويسهل عليكي كل امورك ياقادر ياكريم