يسعدلي أوقاتكم جميع
والله من يومين عملت فطاير وطلعت طعمتها كتيييييييييير طيبة
وحبيت انقل طريقتها للمنتدى لكل يلي مشتاقين للفطاير الشامية اللذيذة
نبدأ بالعجين
3 كاسات طحين – 3 ملاعق كبيرة حليب بودرة وبيعطي العجين نكهة كتير طيبة –
ملعقة كبيرة ونصف سكر وتعطي العجين الطراوة والطعم الحلو يلي منلاحظه بالفطاير الجاهزة –
ملعقة صغيرة ملح – ملعقة ونصف خميرة منحلها بنصف كاسة ماء فاتر –
نص كاسة زيت نباتي – بيضة واحدة – ماء فاتر حسب الحاجة
طريقة العجين
اول شي منخلط المواد الناشفة كلها الطحين والسكر والملح والحليب
ومنعمل حفرة بالوسط ومنوضع فيها الزيت والبيضة والخميرة المذابة
مسبقا بالماء الفاتر
منفرك العجين ومنضيف ماء فاتر لها بالتدريج حتى تتماسك وتصبح لينة
تقريبا هي بحاجة لنصف كاسة ماء تقريبا
منعجنها تمام وبعدين منقسمها لكرات صغيرة بحجم البيضة
ومنغطيها بقطعة قماش رطبة ومنتركها شي ساعتين حتى تتخمر ويتضاعف حجمها
ومنراعي نترك فراغات بين الكرات حتى لما تتخمر العجين ما يلزقو ببعض
بهالوقت منحضر بقية المواد
الجبنة – المرتديلا – جبنة الموزريلا – نقانق الدجاج – الزعتر
نحنا بحاجة ل:
مرتديلا مبشورة مع رشة ملح وفلفل
جبنة موزريلا مبشورة
نقانق دجاج مقطوعة بالنص مع رشة ملح وفلفل
زيت زيتون مخلوط مع شوية زعتر
( الأصول يكون الزعتر أخضر لكن أنا استخدمت الأحمر لعدم توفر الأخضر)
الجبنة العادية نحنا رح نصنعها ونحنا بحاجة لكيلو حليب
قليل من ملح الليمون 3 بيضات بقدونس مغسول ومفروم ناعم ملح
طريقة صنع الجبنة
أنا ما عجبتني الأجبان الموجودة بالسوق
لأنو مو طازجة كلها مستوردة ونسبة الملوحة فيها كتير كبيرة
لذلك صنعت جبنة بنفسي وهي عبارة عن القريشة يلي كلنا منعرفها
ومنها بيصنعو الجبنة الناعمة يلي منحبها كتير
المهم جبت كيلو حليب طازج وغليته ولما على الحليب ضفتله ذرة حمض الليمون
فرط الحليب وتكتلت كتل الجبنة ويلي هي نفسها القريشة
صفيت الجبنة من المصل وضفتلها ملح و3 بيضات وشوية بقدونس
وهيك صار كل شي جاهز وبامكاننا نبدأ بالشغل
يتبع يرجى عدم الرد
الطريقة
منبدا برق العجين لنصنع فطاير الجبنة منرق كرات العجين بشكل بيضوي
أنا برق العجين بايدي شوي لأعطيه الشكل وبعدين بستخدم الشوبك لاعطاء السماكة المطلوبة
ونراعي تكون رقيقة منحط شوية طحين بس ما منكتر حتى ما يقسى العجين
وطبعا حتى لو ما حطينا العجين ما بتلزق لأنو فيها زيت
ومنحط عليها الجبنة ومنتني دايرها بهالشكل
ومنحط على المكان يلي ظاهرة فيه الجبنة شوية سمسم بهالشكل
المرتديلا والقشوان( جبنة الموزيلا) بنفس الطريقة منرق كرات العجين بشكل دائري
ومنحط الجبنة أو المرتديلا المبشورة بأحد نصفي العجينة الدائرية ومنخلي الجبنة أوالمرتديلا بعيدة عن الطراف
ومندهن الأطراف بشوية بيض حتى تلزق منيح على بعضها لأنو رح نثنيها بهالشكل
الجبنة والمرتديلا حندهن سطحهن بالبيض ومنرش على وجه الجبنة بعد ما نسكرها سمسم وحبة بركة
أما المرتديلا بتضل سادة ما منرش عليها شي
بالنسبة لمناقيش الزعتر كمان العجينة لازم تكون بشكل دائري
وممكن تكون أسمك بشوي من بقية الفطاير التانية طريقتها سهلة كتير
بعد ما فردنا العجينة بشكل دائري مندهنها بالزعتر
وما منكتر لأنو بعد ما تطلع من الفرن ممكن يوقع الزعتر لأنو الزيت رح ينشف
ونحنا بس تطلع مناقيش الزعتر من الفرن منرجع منهدنها بشوية زعتر وزيت
هيك بتضل تازة وأطيب
انا نسيت صور المناقيش قبل ما حطها بالفرن
الهوت دوغ (صديقتي أم محمود عطتني فكرتها )
منفرد العجينة ومنقصها بشكل مثلث ومنحط الهوت دوغ بهالشكل ومنلفها
يتبع يرجى عدم الرد
طبعا في أنواع تانية ما عملتها بس رح قول طريقتها
صفيحة اللحمة وهي عبارة عن لحمة مع البصل والبندورة المفرومة والملح والفلفل
مع ملعقة من دبس الرمان ما عملت لأن زوجي ما بيحبها
بس أكيد طريقتها سهلة متل الجبنة بس بدون ما نطوي الأطراف
وفي المحمرة كمان ما لحقت أعملها هي فليفلة يابسة حمراء حارة أوحلوة
أو ممكن نخلط التنين مع بعض مجففة بيطحنوها وبيضيفولها
زيت وجبة البركة وبصلة ودبس رمان وملح وفي ناس بيحطولها بندورة مفرومة
أما طريقتها فردها على العجين نفس طريقة منقوشة الزعتر
وعنا كمان السبانغ وما لاقيت بالمدينة يلي أنا فيها سبانغ
طبعا السبانغ منفرمها ناعمة ومنعصرها بعد ما نسلقها سلق بسيط وسريع
ومنضفلها الليمون والبهار والجوز والرمان والعصفر وبصلة مفرومة ناعم
والسبانغ منفرد العجينة بشكل دائري ومنحط السبانغ بداخلها ومنطويها بشكل مثلث بهالشكل (الصورة من غوغل )
الشوي رح يكون على بفرن حرارته متوسطة بعد ما نحط الفطاير والمناقيش
بصواني مع رشة خفيفة جدا من الطحين ومنحاول نحط كل نوع لحالو بالصينية
لأنو في أنواع تحتاج لأوقات أكتر من غيرها
وهي الصور بعد ما طلعت من الفرن
وهي الفطاير جاهزة وان شالله تعجبكم الأكلة أكيد طعمتها أطيب من شكلها
بانتظار ردودكم وآرائكم وان شالله تعبي ما يروح عالفاضي
ووواااااوووووو
شكلها تحفه يسلموووو الأيادي
ماشاء اللة تبارك الله رووووعة
تسلم الايادي
◘●◘
ماشاء الله الفطاير شكلهم رووووووووعة
تسلم الايادي ياقمر
عجبتني اول حشوة فكرتها حلوة وصحية
تستاهلي التقييم حبيبتي
تسلم الايادي ياقمر
عجبتني اول حشوة فكرتها حلوة وصحية
تستاهلي التقييم حبيبتي
شكلها طعم
تسلم ايدك يالغلا
تسلم ايدك يالغلا
مشكورة على الدعوه..يالغلا..وتسلم ايدج على هالفطاير الشهية..(=
ماشاء الله شكلهم تحفة
تسلم ايديك
تسلم ايديك
ماشاء الله حلوين كثير
مشكوره على التصوير والتعب