شلونكم ان شاء الله تمام <<< يا بنت الحلال دشي بالسالفه دوغري :angry:
يالله يالله بسم الله خلاص ندش بالطبخه:s
اسم الطبق ربيان بصلصه الكاري
المقادير :-
كيلو ربيان
40غ زبده ( في بالجمعيات زبده لورباك وايد صغار حجم 10 غ اخذو 4 )
بصله مقطعه
فص ثوم ( بس انا حطيت اكثر يمكن 3 فصوص متينه لاني ما اعترف بهالكميه وخصوصا اذا بحري )
ملعقه اكل بودره الكاري
ربع كوب طحين عادي ( انا حطيت من شركه مطاحن الدقيق الكويتيه )
2 كوب حليب ( لا اتخافون من الحليب ترى ماصار فينا شي بالعكس عطى الربيان نكهه حلوه )
ربع ملعقه شاي جوز الطيب ( انا ماحطيته لاني مادري شنو حطيت شوية دارسين )
ربع ملعقه شاي بابريكان ( هم لعد ماحطيته لو حطيته جان طلع الذ والذ )
ملعقه خل
الطريقه :
1-قشري الربيان ولازم انشيل الخط الاسود اللي على الظهر لانه يعطي زفاره وايد ( انا حطيت معاه ليمون وطحين غير اللي بالمقادير علشان ما يطلع زفر )
2- ذوبي الزبده في قدر متوسط وضعي البصل وقلبي الى ان يذبل ثم نضيف الثوم والكاري وقلبي الى ان يتغطى البصل بالطحين
3- نرفع القدر منعلى النار ونضيف الحليب بالتدريج وجوز الطيب ( الدارسين او مو شرط ) والبابريكا وقلبي الى ان يمتزج الخليط جيدا
4-اضيفي الربيان والخل على النار الى ان يصبح لون الربيان وردي ثم اكملي الطبخه الى ان ينضج ثم قدميه
طريقه التزيين اللي سويتها :-
يبت صحن عميق شوي من الداخل وضعت فيه الربيان بالصلصه الكاري
قصيت ليمون دوائر ضعيفه بعدين فصيت الدوائر بالنص وحطيتها داير مادار الصحن
فرمت شوية بقدونس وحطيته في نص الصحن يكون مجرد رشه خفيفه
وبس وصحتين وعافيه جربوه وماراح تندمون
هلا وغلا غاليتي ..
تسلمين
علىالوصفة اللذيذة .. ربي يعطيك ألف عافية
لا تحرمينا من جديدك
لك خالص شكري وتقديري
ام عدول
الله يعطيك العافيه
مشكوره اختي .. وربي يعطيش العافيــــــــــه ..
شكلها شهيه مرره ..
ذكرتيني .. بسالفه الي ويا الكاري ..:smile::smile:
ننتظر جديدش يااحلوه ..
السلام عليكم ورحمة الله وبركاته
جزاك الله وبارك فيك
وربي يعطيك الف عافيه
بنت المملكة