الباستا الايطالية
المقادير
500 جرام باستا (معكرونه ) أي نوع
500 جرام لحم مفروم
5 حبات طماط
5 حبات مشروم أو أكثر حسب الرغبة
ملعقة اكل Organo (نوع من الزعتر عاد مو تحطون زعتر بداله)
فص ثوم – و 3 بصلات متوسطة
ملعقة جاي فلفل اسود
5 ملاعق اكل صلصة المعكرونه و هي صلصة طمام تقريبا(العلالي او اي نوع ثاني)
200 جرام جبن موزيريلا
4 الى 6 ملاعق جبن قلاصات (Cream cheese )
علبتين كريمة حامضة
كوب حليب طازج
ملح حسب الرغبة
نص كوب زيت زيتون
اوراق بقدونس طازج للديكور
الطريقة
نغلي المعكرونه حتى تلين مع الملح
نقطع البصل و نقليه لين يلين مع ملعقة اكل زيت زيتون
نضيف اللحم و نطبخة ربع ساعة
نقطع الطماط و نضيفه مده ربع ساعة الى 20 دقيقة لين ينشف ماي الطماط مع مراعاة التحريك المستمر
نقطع الثوم و نضيف له الكريمه الحامضة في طاس بروحهمو نضيف له ربع ملعقة من الاورغانو و ملح و فلفل اسود و نخلطهم زين بعدين انضيف لهم الحليب و جبن القلاصات و نتركهم على صوب
نرفع المعكرونه من النار و نشخلها و نضيف لها صلصة المعكرونه
ناخذ خلطة اللحم و نضيف له باقي الاورغانو و ملح و فلفل اسود و نخلطه مع المعكرونه على نار هادئه
نقطع المشروم و نضيفة للخليط لين يلين شوي و نرفعه من على النار
نصب خليط المعكرونه في طاس التقديم
نبشر جبن موزيريلا فوقه
نصب خلطة الكريمة الحامضة عليهم و و نحطه في المايكررويف خمس دقايق عشان يذوب الجبن
و يقدم
السلطه الاوليفية
المقادير
دجاجة منزوعة الجلد
بصلتين
3 بيضات مسلوقة و مبشورة
نص كوب عصير ليمون
نص كوب زيت زيتون
نصف كوب ماء الدجاج
3 بطاطس مسلوقة و مبشورة
ملح حسب الرغبة
خيار مخلل مقطع قطع صغيره
5 ملاعق مايونيز
كوب زينوت اسود مقطع
الطريقة
نفوح (نسلق) الدجاج مع البصل و نرفعه من النار و نقطعة
نضيف الشوربة للدجاج المقطع
نضيف البيض و البطاطس و نخلط
نضيف الخيار و الزيتون للخلطة و نخلط
نضيف المايونيز و الملح و عصير الليمون و الفلفل الاسود و زيت زيتون و نخلط
نغطي صحن فيه شكل بزيت زيتون و نعبي فيه السلطه
نقلبها على طبق التقديم
ان شاء الله تعجبكم
:9_28::9_33::9_33::9_33::9_28:
ويعطيج العافيه
:9_28:
يم شكله مشهي
تسلمين يالغلا
ويعطيك العافيه