… اليوم جايبه لكم طريقة الرز الهنــدي .. بصراحه طعم ولا ارووووووووع
… انا جربتها .. وسويتها لأهلي واعجبتهم بالمرررررره .. ومررررره خفيف ما كأنك آكله رز
.. بس كمية المقادير كل وحده وعلى حسب كمية طبخها اللي تبيها
نبدأ بالمقادير أولا ً :
دجاج مقطع الى ارباع ( الصدر والجناح لحالهم – الفخذ والساق لحالهم ) …
رز بسمتي
بصل أخضر
بصل عادي
طماط
ثوم
زيت
بهارات
ملح
فلفل اسود
حبحر أحمر والأفضل يكون حار
ماجي
هيل حب
دارسين ( قرفه )
ليمون اسود
ملح ليمون
ثانيا ً الطريقه :
نقلى قطع الدجاج بزيت غزير على نار متوسطه بدون ما نبهر الدجاج بأي شي ( يقلى بالجلد ) ونخرجه من الزيت ونصفيه من الزيت ونخليه على جنب ..
بعدين نجيب قدر نحط فيه ماء + شوية زيت + رشة ملح + دارسين + هيل حب + ليمون اسود + ماجي … بعدين اذا فاح الماء نصير غاسلين الرز ونحطه في قدر الماء ينسلق نص سلقه ….
نصفي الرز ونتركه على جنب …
نقطع البصل العادي والبصل الأخضر ونحطه بقدر يكون كبير شوي ونحط عليه زيت شوي ( باختصار كشنه ) … بعدين نفرم الثوم ونحطه ع البصل العادي والاخضر … ونرش عليه شوية بهارات وملح وفلفل اسود …
بالخلاط نطحن الطماط + فصين أو ثلاثه ثوم + نص أو ربع ملعقة ملح ليمون + حبحر أحمر حار .. بعدين نصب اللي بالخلاط على البصل العادي والاخضر اللي طبخناه ….
نحط على خلطة الطمام قطع الدجاج اللي قليناها بالأول ونغطيه شوي عشان الدجاج ياخذ ريحة البهارات والطماط …
آخر شي نجيب الرز اللي صفيناه من الماء ونحطه عليه ونقلبه مع الدجاج والطماط ونغطيه شوي علشان ياخذ ريحة الدجاج والطماط ….
اللي تجربها تدعي لي بتسهيل الولاده والتوفيق بالدنيا والآخره …
انتظر ردودكم يا حلوااااات …
ننتظر جديدكــ
نوره
اشكر لكم مروركم وردودكم …
… يعطيكي العافية ما قصرتي
يااارب ييسر ولادتك ويسهلها وتقومي انتي والنونو بالسلامة ويحفظكم من كل شر ويحميكم من العين
الله يوفقك ويسر لك ولادتك وتومي بسلامه
;
;
;