اولا الموضوع ده هدية لاختي العزيزة (((((((( محبة الرسول )))))))
وياريت تجربيه هتلاقيه سهل جدااااااااااااااااااااااا ودوقيه كمان لازم تاكليه بجد تححفة والله
ثانيا هدية برضو لاحلى منتدى واحلى بنات في المنتدى
طريقتي في عمل الجمبري
بسم الله الرحمن الرحيم
المكونات :
بصلتين مبشورين
طماطم وفلفل رومي مقطعين مكعبات صغيرة
بهارات عبارة عن ملح وفلفل وكمون وشطة وبهارات سمك ولمون وتوم مفروم
كوب ماء
الطريقة
اولا بنغسل الجمبري كويس جدا وده شكله بعد الغسيل
بعد كده بنخلط كل المكونات على بعضها ونحطها على الجمبري ونقلب كويس جدا ونتركه في الثلاجة لمدة ساعتين على الاقل
وهنا شكله وهو عليه الخلطة
بعد كده بنطلعه من التلاجة ونحط عليه شوية زيت مش كتير يعني معلقتين الى تلات ملاعق
وبعدين نحط كوب الماء ونغطي ونولع النار ونوطي عليه النار
وياريت بلاش كل شوية نكشف غطا الحلة علشان نقلبه انا بقلبه وهو متغطي عادي بمسك ايد الحلة واقلب من غير ما اكشفها عشان الكوفر بتاع الجمبري ممكن يقع من كتر التقليب بالملعقة وهيفضل على النار حوالي 30 دقيقة وبس كده
وده شكله بعد ما استوى
وبيقدم مع رز بالبصل وسمك مشوي او مقلي وسلاطة خضرا وسلاطة بابا غنوج
وبالهنا والشفا
(f)(f)
بس ماتشيلين الراس وخط الرمل الأسود في الظهر!!!
ممكن تعملو عليها كليك يمين و open image والصورة هتيجي كاملة
ومستنية الردووووووووود
انا بشيلهم بس المرة دي كانت الكمية كبيرة شوية وشلت شوية وبعد كده تعبت وزوجي قال لي عادي سيبيهم مش هيضرو يعني طالما مغسول كويس يبقى خلاص
والشيف شربيني على فكرة مش بيشيلهم بيعمله عادي كده
مشكووووووووووووووووره 
أحب الربيان :$
وعلى طول عملاه عندي ونفس الطريقة بس بزود حاجات تانية
وليك احلى تقييم وبالهنا والشفا ليكم