من كم يوم رحت بيت خالتي وكانت مسويه عيش غريب اول مره اشوف هالطبخه …المهم كلته وعجبني وايد وخذيت الطريقه من عند خالتي وقلت لازم اذوق عيالي وزوجي العزيز ….وسويت اليوم الطبق وقلت لازم اصوره واراوي طبختي لعضوات منتدا عروس …
الحين يلا وراي المطبخ ونجهز الطبق …
يلا نبدأ….
المقادير….
جيله وحده عيش بوابه الهند..
اشبنت
سمن
دجاج واحد بكيلو ..
بصل+ثوم
فلفل اسود مطحون..
ملح
كريمه حامضه
2ملعقه اكل مايونيز
مشروم مقطع
واحد قطعه ماجي
مسمار +هيل +فلفل اسود +دارسين..(واللي مايعرف شنو مسمار ودارسين وفلفل اسود وهيل يشوفه بصحن الابيض )..
وهاي الدجاج قطعته 4قطع …
الطريقه :
واهني حطيت ماء يغلي وحطيت فيه ملح علشان أفوح الدجاج …
بعد ماطبخ الماي حطيت الدجاج …
بعد ماحطيت الدجاج حطيت عليه لبهارات الدراسين والفلفل الاسود والهيل والمسمار علشان اتروح لزفره ….وخليته لين ينضج الدجاج ولاتنسون اتشيلون الزباد من الدجاج…
وعلى ما يستوي الدجاج رحت غسلت العيش ونقعته في ماي ..
وغسلت لشبنت وقطعته قطع صغيره جدا …
وقطعت البصل قطع صغيره جدا ويا ثوم طحنته عدل …
وبعد مانضج الدجاج شلته وحطيت في مشخال …بس لاتنسون ترى الماي مال الدجاج اللي طبخت فيها للحين موجود يطبخ على الفرن ….وانا شلت الدجاج وشلت لبهارات الجافه اللي حطيتها ويا الدجاج …
وهاي الماي اللي طبخت فيه الدجاج في الفرن وحطيت فيه لشبنت اللي قطعته قطع صغيره …
وبعد ماحطيت لشبنت في ماي الدجاج خليته شوي يطبخ وبعدين حطيت فيه العيش ..
هني ابتدا العيش ينضج …
وبعد ما اسوى العيش شخلته …بس نسيت ارويكم اياه وهو مشخول ….
وبعدين نتفت الدجاج قطع صغيره وخليته خالي بدون عضام …وهاي الصوره الدجاج .
وبعدين حطيت مقلى على النار وحطيت فيها شوي سمن …
وبعدين حطيت في المقلى البصل والثوم اللي قطعتهم …
وخليت البصل على نار هادئه لين مايتحمر ..
وهني بعد ماتحمر صار بهلون ….
بعد ماصار لون احمر حطيت عليه الدجاج اللي قطعته ويا مشروم …
وانا خليته يسوي على نار هادئه وشلت شوي من ماي الدجاج حطيته على الدجاج علشان ماينشف الدجاج ……
وهني حطيت اشوي من ماي الدجاج وقليل من الفلفل الاسود وقليل من الملح حسب الذوق ..
وخيتهم على نار هادئه لين مايسوي …
وعلى مايسوي الدجاج حضرت الخلطه اللي تنحط فوق الطبق وهي عبالاه عن :
2ملعقه اكل مايونيز
1مكعب ماجي
اعلبه كريمه حمضه
وخلطيتهم ويا بعض عدل لين مايذوب الماجي …بهصور ..
وبعد ما استوى الدجاج خذيت خليط الدجاج وخلطيته ويا العيش …
وبعد ماخليتهم ويا بعض حطيت الخليط في بايركس وضغط عليهم وحطيت فوقهم خليط الكريمه الحامضه ويا المايونيز ..
وبعدين دخلته في الفرن ….
وهاي بعد طلعته من الفرن ….
والحين يه دور السلطه ….
المقادير :
خس
جزر
خيار
زيت زيتون
زيتون اخضر مقطع
جبن ابيض
مايونيز
وقليل من الماء
وخلطه كنور لسلطه..
الطريقه :
غسللت الخس والجزر والخيار …
قطعت الخس بهشكل …
وبعدين قطعت الخيار والجزر بهشكل وحطيتهم على الخس…
وبعدين حطيت عليهم الزيتون المقطع وخليتهم ويا بعض …
وبعدين ابتديت اسوي خلطه كنور …
وهاي عباره عن خلطه كنور +زيت زيتون+مايونيز +قليل من الماي ..
في البدايه حطيت خلطه كنور في صحن ..
وبعدين حطيت شوي من المايونيز…
وبعدين حطيت شوي من زيت الزيتون..
وخليتهم ويا بعض وطلع بهالشكل …
وبعدين حطيت السلطه وقعت الجبن ويحطيت عليهم خليط كنور …
وانا سويت ثنتين وحده بدون خلطه كنور حق زوحي لانه مايحبها والثانيه لي …
وااااااااااااااااي تعبت وانا اكتب وانزل بس علشانكم …تعبكم راحه …
هالله هالله في التقيم لاتنسوني ..ترى والله الموضوع متعوب عليه وما احللل اللي تنقله بدون ذكر المصدر ..
تقبلو تحياتي
:8875::Zd_bye_3::21_91::shy::21_235:
هنوفه الحلوه ..
وتسلم الايادى على الوصفة الجميلة
 |
اقتباس |  |
 |
المشاركة الأساسية كتبها اجمل نساء العالم  |
 |
 |
| يسلمووو ياقلبي فين الباقي نستنا النهاية شوقتيني | ||
 |
 |
هلا حبابه ..شوفي كملت الموضوع كامل …ولانتسيني في التقيم ….
والله جعت وانا اشوفه
شكله حااااااااااااامض وخيااااااااااااااااااال ..
يالا عقبال ما نذوقه من ايدج << خايبة خخخخخخ
هاااااااااااايل تستحقي تقييم
ابداع