جبت لكم اليوم أكلة إيطالية لذيذة
"نيوكي"
و هي نوع من أنواع الباستا و طريقتها التقليدية تكون بالبطاطس…
و طريقة تقديمها تكون إما بالصلصة البيضا، يعني كريمة أو جبن… أو بالصلصة الحمرا…
و هنا سويتها بكور اللحم و الصلصة الحمرا…
نبدأ بسم الله…
لعجينة الباستا بنحتاج:
(الكمية تكفي 3 أشخاص)
حبة بطاطس متوسطة، مقشرة و مقطعة مكعبات
بيضة
2 كوب طحين
2 ملعقة كبيرة جبنة بارميزان مبشورة
نحط البطاطس في قدر و نغمره بماي فاتر، بعدين نرفعه عالنار و نغليه لحد ما يستوي
بعد ما يستوي نهرسه، و لازم يكون ناعم و بدون كتل…
فنحطه في مشخال و نهرسه بالملعقة عشان يطلع من الفتحات بدون تكتلات…
الحين نضيف له البيضة و الجبن و نصف مقدار الطحين و نعجن…
نضيف باقي مقدار الطحين بالتدريج لحد ما نحصل على عجينة متماسكة و ما تلزق باليد و إذا احتجتوا طحين زيادة، زيدوا…
نغطي العجينة و نخليها ترتاح شوي…
في هالوقت نجهز كور اللحم:
كوب لحم مفروم
بصلة صغيرة مفرومة
فص ثوم مفروم
بقدونس مفروم
ملح
فلفل أسود
نخلط المقادير مع بعض و نشكلها كور صغيرة، و نقليها بشوية زيت على نار حامية لين تتحمر من كل الجوانب….
و نجهز الصلصة الحمرا:
زيت زيتون
بصلة متوسطة مفرومة
فص ثوم مفروم
ورقة غار
حبتين طماط مقشرين و مطحونين مع ملعقتين كبار معجون طماط
نص كوب ماء
ملح
فلفل أسود
ريحان ناشف
نحمر البصل و الثوم بشوي زيت زيتون مع ورق الغار…
بعدين نضيف لهم الطماط المطحون و الماء و البهارات
و أول ما تغلي، نضيف كور اللحم و نخفف الحرارة و نغطيها… خلوها تغلي على نار هادية لحد ما تصير صلصة ثقيلة!
الحين نرجع لعجينتنا…
أول شي نجهز قدر كبير فيه ماء، و نرفعه عالنار و نخليه يغلي…
في نفس الوقت، نحط جنبنا الطحين و شوكة و سكين أو قطاعة رول و صينية كبيرة نرشها بالطحين …
ناخذ مقدار كورة صغيرة من العجينة و نرقها باليد عالكاونتر بحيث يصير عندنا شكل إسطواني طويل بعرض الإصبع تقريباً، و نقطعها بالسكين أو القطاعة لقطع صغيرة بطول إنش أو أصغر شوي…
الحين ناخذ القطع وحدة وحدة و نضغطهم على الشوكة بعد ما نرش عليها الطحين عشان ما يلزق عليها العجين…
و الغرض من هذي الحركة، إننا نسوي حزوز في قطع العجين…
و في قطعة خشب مستطيلة، تجي محززة و جاهزة و تستخدم لهذا الغرض بدال الشوكة…
و هذا شكلها…
طبعاً لما نضغط لازم يكون شكلها ملتف و تجي كأنها مفتوحة من الوسط…
و هذي مجموعة خلصت 
و كل ما نخلص من مجموعة نحطهم في الصينية اللي جهزناها، و لما نخلص من المقدار كله، نبدا نسقطهم في الماي المغلي، طبعاً على دفعات… و نخليها تغلي تقريباً دقيقتين لحد ما ترتفع قطع العجين على سطح الماي…
و نرفعهم بمغرفة و نصفي عنهم الماء زين، و نحطهم في صحن التقديم، و نكمل مع الدفعات الثانية بنفس الطريقة…
في الأخير نغرف الصلصة الحمرا و كور اللحم اللي جهزناها فوق النيوكي و نرشها بجبنة البارميزان…
و هذا شكلها النهائي!
طعمها جداً لذيذ، جربوها 😉
و بالعافية مقدماً F:
يمي يمييييي
يسعدني اكون اول وحدة ترد ع الموضوع
ماشاء الله مبدعة كالعادة.. تستاهلين احلى تقيييم ياقمر
مواضيعي
أطفالك و الفيتامينات الضروريه
كنافه و لا أروع بالصور من مطبخ أم بودي و يس
مصروف البيت اللي محيرك تعالي و أنا حأريحك ( ان شاء الله )
تعالوا شوفوا الدونتس اللي بودي بيقولي عليها ……. ممتازة
عيد ميلادي و من مطبخي أم بودي تعالوااااااااااااااااااا
مفيش أحلي من بفتيك أم بودي…. شوفي كده
اشتريتي ايه في مطبخك و عجبك و ايه تاني اتندمت عليه؟؟
تعلمي كيف تستخيري الله في أمور حياتك
كيف تصنعين طفلا يحمل هم الأسلام ؟
بجربها إن شاء الله قريب ..
معلمتي مو جديد عليك دوم متميزه
الله يوفقك شهتني ماشاء الله عليك
عوافي ع قولوبكم
روعه سلمت يداك واناملك على وصفة جديدة
مايطلع منك الي زين والحلو وصفة حلوه على صاحبتها
ماشااااااء الله
وشكل الطبق لذيذ ..
بعطي اختي حايره اللنك توها متزوجه وفي غربه وتبي طبخات لذيذه جذيه
وانا بجربها بعد اكيييد
العجينه روعه مكوناتها
شكلها غريب ولذيذ دائما مبدعه حبيبتي
والله يعطيكي العافيه