حبيباتي……كل سنة وانتم طيبين اوشك العيد بطلته البهيجة…رغم اني حزينة علي مرور رمضان….
المهم…..كل سنة نعمل بسكوت جنان مع البتيفور والكحك والغريبة ممكن ينعمل بالقرفة او بالكاكاو….حسب الرغبة…والاتنين احلي من بعض
جربوا ومش هتخسروا….هو كمان ينفع للفطار مع الشاي..لانه ممكن ينعمل سادة وممكن بالمربي
المقادير:
3 كوب دقيق
6 م ك زبدة
1 ونص ك سكر بودرة
2 بيضة
3 م ص كاكاو بودرة….او قرفة
م ص بيكنج بودر
للتزيين:مربي مشمش(لبسكوت القرفة) او سكر بودرة
الطريقة:
ينخل الدقيق مع البيكنج بودر مع القرفة او الكاكاو….ثم نحضر وعاء نخلط فيه الزبدة والسكر والبيض حتي يختلطوا جيدا ثم اخر شئ الدقيق المنخول..وحطي الدقيق شوية شوية حتي تكون جاهزة للفرد يعني مش شرط تاخد كمية الدقيق كلها
وممكن اضافة قليل جدا من اللبن
وتدعكي حتي تصبح العجينة لينة لا تلزق….واذا احتاجت دقيق اضيفي شوية صغيرة…المهم يسهل تقطيعها….ثم رشي بعض الدقيق علي منضدة نظيفةو افردي العجينة بالنشابة وهاتي كوب واضغطي واعملي دواير
ممكن لاضافة شكل جمالي…تجيبي غطاء زجاجة دواء مثلا(صغير) وتقطعي نفس كمية الحجم المدورالكبير ثم تضغي من المنتصف بالطاء الصغير وتاخدي الحروف
يعني تخبزي دوائر عادية…واخري مفرغة من المنتصف
….وبعد ماينضج في الفرن….تلزقي واحدة من هنا علي واحدة من هنا بمربي المشمش مع بسكوت القرفة….
وممكن شكولاتة سايحة مع بسكوت الشوكولاتة.
وعلي فكرة لا تتركيه كتير في الفرن لانه ينضج بسرعة….
هيعجبكم جدا…وكل الاطفال بيحبوه…خصوصا الشوكولاتة
يارب يعجبكم
جربوه وقولولي النتيجة
السلام عليكم ورحمة الله وبركاته
تسلمي أختي قلب العصفورة…
شكل وصفتك جدا حلوة و سهلـــة…
إن شاء الله أجربها و أقول لك النتائج
السلامعليكمورحمةاللهوبركاته
جزاك الله خيرا قلب العصفوره
النوعين احلى من بعض ياسكر
تسلم ايديكى
انا سجلتها وبعملها مع حاجات العيد ان شاء الله
حبـيـــــــــــــبـــــــــــــــــــــه
السلام عليكم ورحمة الله وبركاته
اختي
قلب العصفورة
مشكورة على الوصفة الحلوة مثلج..
بانتظار المزيد من المشاركات ان شاءالله..
ويا هلا فيج..
تحياااااااااتي
مرموم…وحبيبة….واحلي عيون
جربوه وان شاءالله يطلع يجنن من ايديكوا الحلوين
:shy: