السلام عليكم ورحمة الله وبركاتة
هالسويت واااايد يمدحونه باغلبيه المنتديات والكل عاجبه بس ماتحمست اسويه لانه فيه شعيريه وانا والشعيريه مب اصلاح
يوم الخميس كان عندي كل مقادير هالسويت قلت خل اسويها يمكن تعجبني
وسويتها وعجبت البعض والبعض لاء بصراحه
وانا على راسهم ماعجبتني الطبقه التحتيه كلش كلت بس الكريمه
قلت طبعا مايروح تعبي على الفاضي خل انزله للبنات وبالنهايه الناس اذواق حتى بالتذوق
لانه بعض اهلي عجبهم السووووويت وااايد واليهال طاحوا فيه
يمكن يعجبكم جربوه
المقادير :-
الطبقة الأولى
1كيس شعيرية بكستانية مكسرة صغير
2ظرف كريم كرميل
تسوي كريم كرميل بطريقتك العادية ثم بالصنية حطي الشعيرية وصبي فوقها الكريم كرميل
تصير بهذا الشكل
ثم دخليها الثلاجة الى ان تتماسك
الطبقة الثانية
صفي بسكويت مبلل بحليب
الطبقة الثالثة
تحطين بالخلاط
2ظرف دريم ويب
2/1 كأس حليب بارد
تخلطينهم اللى ان تصير كريمه كثيفة ثم تضيفين
6 قطع جبن كيري
1 علبة قشطة
2 ملعقة سكر
تخلط جيدا ثم تصب فوق طبقة البسكويت وتدخل الثلاجة لين تبرد زين
وهاي تطبيقي
شوفوا الطبقات اشلوون
وهاي قطعتي بس ماكلت الا الكريمه
اسمحولي اني قلت رايي بصرااحه
بس اكيد تعودتوا مني الصراحه بالاكلات
وااووو روعــــــــــــــــة ماشــــــــــــاء
شكله يجننــــــــــــــــــــــــــن
تم تثبيت الموضوع
والله يعطيك العافيه عزيزتي ملوذة
على هذا المجهود واحنا في انتظار الاطباق الجديده
حتى بلعت ريقي من حلاوتها ههههههههههه
ملالاذي
ويطيج العافيه
كل شي من يدج
حلووووو
ولذيذ
مليون في الميه
اجربها واعطيك راي ان شاء الله