اليوم راح اعطيكم طريقه سويييت لذييييييييذ و سهل … و مافي و لا مره سويته و خذته ويايه على عزيمه الا و الكل بلا استثناء سالني عنه و عن الطريقه …والحلو انه سهل و بسيط
بعد المقدمه ندخل على المقادير
المقادير
علبه بسكويت دايجستف
زبده
مووووووز المكون الرئيسي في اكلتنا اليوم
علبه حليب مركز محلى
صوص شوكليت للتزين
و ويب كريم …مخفوقه و جاهز …او دريم ويب يعمل بحسب الطريقه الي على العلبه
الطريقه
اول شي و هذي الخطوه مهمه و ركزوا ويايه ..و خاصه الي ما مرت عليهم من قبل
تاخذين علبه الحليب و تشيلين عنها الاستيكر و تحطينها في قدر فيه ماء مثل الصوره بالضبط …من غير ما تفتحينها او تسوين فيها اي فتحه …مثل ماهي مغلقه
لمده ساعتين …و طول الوقت بس تتاكدين ان الماء الي في القدر ما خلص …. و بعد الساعتين تشيلين العلبه و تخلينها تبرد قبل لا تفتحينها عن تحترقون انتبهوا لانفسكم …و راح تشوفين ان الحليب تحول الي توفي لونه ذهبي و حلو و ريحته تجنن.. و انتبهوا عن تنسونه اكثر لان راح يتغير اللون و يصير غامق و الطعم بعد ممكن يتغير
شوفوا لا تقولون ان العبه بتنفجر …و لا تقولون ساعتين وقت طويل … و لا تفكرون تسون توفي بالطريقه العاديه المعتاده سكر و قشطه ….لالالاالالا العلبه ما يصير لها شي ,…. و الساعتين تمر بسرعه و لا تحسين فيهم …و التوفي العادي ما ينفع ما يطلع نفس الطعم …اوكي اتفقنا …الحينه نكمر الطريقه
و بعد ما تسوين الحليب المركز
نجي للبسكويت
و مثل الصوره اول طبقه تحطها بالطبق عباره عن الدايجستف و الزبده و الكل يعرف كيف
الطبقه الثانيه نحط الموز بعد ما نقطعه دوائر
و هذي بعد ما خلصت صف الموز … و كميت الموز تعتمد على كل وحده
الطبقه الثالثه هي الحليب المركز الي طبخناه الي ان تحول الي توفي …توزعينه على الموز مثل الصوره
و هذي صوره مقربه علشان تشوفون الحليب الي تحول الي توفي و صار لونه ذهبي حلو
و طبعا اخر شي نحط الكريمه و نزينها بصوص الشوكليت …او شوكليت بودر …او باي طريقه تحبونها
و هني و عافيه …جربوها و قولولي رايكم
الصراحه فكرة حلوة للموز خص:21_201:وصا الموز تبتلشين فيه الين شريتيه لان يخترب فهاي فكرة حلوة لعمل سويت منه :winner_second_h4h_a
احب اقولج انتي وكل الاخوات غلط انكم تاخذون اي شي من المعلبات وتعرضونها لدرجة حراره عالية لان تركيبة المواد الحافظة تتغير وممكن تضرج انتي واعيالج
شكرا وجاري التخزين
تسلم الايادي
و ان شاء الله اسمع عن تجربتكم …و لا تنسون تقولين لنا رايكم
ماشاءالله مبـــــــــدعه
يستاهل التميز غاليتنا
الله يعطيــــــــــج العافيـــــــــــــــه
وبـــــــانتظار جديـــــــــدج من هلاطبــــــــــاق اللذيذه