تبارك الله لاقوة الابالله
هذي الكيكه سويتها من مده لما نجح ولدي …بس ماكنت لاقيه وقت انزلها لكم
الكيكه هذي غير انه شكلها حلو .. طعمها كمان راااااااااااائع ( لمحبي الشوكولاته طبعا)
ومابطول عليكم الهرج …شوفوها انتو واحكموا بنفسكم
المقادير : كيكتين شوكولاته من أي نوع يضبط معاكي ..انا استخدمت كيكة هند الرائعه
بس تكوني مسويتها في قوالب الكيك المستطيله
كريمة خفق + شوكولاته خام للحلويات لعمل كريمة الغاناش
اول شي بنخفق كوبين من كريمة الخفق مع كوب سكر ناعم عشان نستخدمها في حشو طبقات الكيك
لما تكثف الكريمه وتصير بهذا الشكل نتركها في الثلاجه الي وقت الاستخدام
نضع في قدر 2 كوب كريمه + 250 جرام شوكولاته ..ونقلبها على نار هاديه
الى ان تمتزج مع بعضها وتغلي شوي ..بعدين نطفي النار ونتركها تبرد
نقسم كل كيكه الى كيكتين بالعرض..وبعدين نرجع الطبقات على بعض كأنها ماانقسمت
نبدء بتشكيل الكيك على شكل سياره …ومن الافضل انه نجيب سياره لعبه عشان تذكرنا بالشكل..
من الافضل غرز عود شوي داخل الكيكه حتى لاتتحرك اثناء التشكيل
بعد مانسوي الشكل المطلوب نشيل العود ونشيل طبقات الكيكه من بعض ونبدء نحشي الكيكه بالكريمه اللي سويناها اول
بعد ماننتهي من حشو الكيكه وتغليفها بالكريمه نبدء نصب عليها شوكولاتة الغاناش
بس لازم ماتكون حاره او بارده ..يعني بدرجة حرارة الغرفه عشان تدهنيها بدون ماتسيح الكريمه او تصير كتل ..والصور تحكي
بعد ماانتهينا من دهن الكيكه بالغاناش ( لازم يكون سائل عشان يغلف الكيكه بشكل مرتب)
نحطها في الثلاجه عشان تتماسك ….وبعدين نستخدم عجينة المارشميلو او عجينة السكر او اللوز او أي شي ممكن تسوو منه اشكال عشان نكمل السياره
انا استخدمت عجينة المارشميلو ..اللي استخدمتها قبل كذا في كيكة الشطرنج
وفردتها وسويت منها شبابيك واللمبات والبيبان والكفرات طبعا ببسكوت اوريو
والصور تحكي
هذي طبعا عجينة المارشميلو
ادري ادري …مافي أي شبه بينها وبين سيارة ولدي …ابغى اسويها سيارة سباق طلعت فلكس واجن خخخخخخخخ
على فكره يابنات ترى السياره مو مايله ..لكن القطعه اللي قدام كانت عوجا فبينت السياره كانها على جنب
وهنا بعد التقطيع من ناحية الكفرات
وهنا قطعتها من النص عشان كذا طلعت طبقات اكثر …يم يميييييييي
وهذي صوره اقرب عشان تحسو بطعمها >> تعذيب
هاااااااااااه؟؟ ايش رايكم ؟؟
اتمنى ان الكيكه تكون عجبتكم …وتراها سهله بس كلامها كثير.
وغير كذا ولدك بيحس انه مميز لما تسوينها له…
اذا عجبتكم الله الله في الردود الزينه ..واذا ماعجبتكم استروا ما واجهتوا وسامحوني على القصور
واي سؤال انا حااااااااااااااااااظره
فعلا قمة الروعه ما شاء الله
تسلم يدج على هالفــــــــن
 |
اقتباس |  |
 |
المشاركة الأساسية كتبها ^ السفيرة^  |
 |
 |
|
فعلا قمة الروعه ما شاء الله تسلم يدج على هالفــــــــن
|
||
 |
 |
هلا والله وغلا بمشرفتنا الغاليه اسعدني ان ردك اول رد
والف شكر على التميز …الله يجبر بخاطرك ويسعدك ياقمر واتمنى ان تحوز مواضيعي دائما على رضاكم
روووووعة ما شاء الله
تسلم ايدك عزيزتي(f)
ما شاء الله روووووووووووووووووعة
دتئما بانتظار جديدك
فكرة حلوة وبسيطة