و ندخل على المقادير
مقادير الكيكه :
بيضتات
1و نص كوب سكر
1 و نص كوب زيت
2 و نص كوب طحين
1 ملعقه صغيره باكين بودر
1 ملعقه صغيره بيكربونات الصوديوم
1 ملعقه صغيره ملح
1 ملعقه صغيره فانيليا
2 ملعقتان كبيرتان شوكليت بودر
2 ملعقتان كبيرتان لون طعام احمر
1 كوب بتر ملك buttermilk الي هو اللبن الرائب بدرجه حراره الغرفه ((اذا لم يتوفر ممكن استبداله بكوب من الحليب المضاف عليه م ط من عصير الليمون او الخل و يترك لمده 10 دقايق ثم يستعمل ))[/COLOR]
مقادير كريمه الجبنه :
1 و نص اصبع زبده بدرجه حراره الغرفه
3 قوالب فيلاديلفا المستطيله بدرحه حراره الغرفه
3 اكواب سكر بودره
فانيليا
[SIZE="4"]الطريقه
اول شي تخفق البيض و ثم نضيف السكر و ثم الزيت و الفانيليا
و اضيفي لون الطعام الي اللبن الرائب علشان يخلي الكيكه كلها تاخذ نفس اللون و يكون اسهل بتوزيع اللون
بعدين ننخل كل المكونات الجافه (( الطحين و باكن بودر وبيكربونات الصوديون و الشوكليت و الملح ))
و نضيف المكونات الجافه على البيض بالتدريج و التناوب مع كوب البتر ملك ((اللبن الرائب))
و بعدين تحطينه في قالب كبير واحد او عده قوالب صغيره لج حريه الاختيار …انا قسمتهم على 3 قوالب دائريه قطر كل وحده تقريبا 8 انج علشان احصل على 3 طبقات ..
و دخليه الفرن على درحه حراره 180 و انا خذت مني 30 دقيقه و المده الزمنيه غالبا ترجع على نوع الفرن و القالب
قبل و بعد الخبز … و اتركيها تبدر في هذي الاثناء نسوي الكريمه
لعمل الكريمه
اول شي نخفق الزبده عدل و بعدين نضيف الجبنه و تستمر في الخفق دقيقتين الي ان نتاكد ان الزبده و الجبن امزجوا بشكل جيد مع بعض ثم نضيف الفانيليا …نضيف السكر البودره بعد نخله و نستمر بالخفق لين تصير عندنا كريمه ملساء
بعد ما بردت الكيكه تبدا نصف الطبقات على بعض و تحط بين كل طبقه و طبقه كريمه و تغطيها كلها
علشان تحصل على طبقه صافيه ….اول شي ادهي بكميه قليله الكيكه كلها بعدين دخليها الثلاجه شوي نص ساعه بهذي الطريقه تضمنون ان ما يكون في فتات من الكيك متداخل ويا الكريمه ..بعدين ارجعي ادهنيها بطبقه سميكه و غطي الكيكه كلها
و بعدين زينيها بالي تحبينه
و هذا شكلها من داخل
طلعت عندي عنابيه …الاحمر يعتمد على لون الطعام اختاري لون احمر فاقع لان كل ما كانت فاقعه اكثر كانت احلى
و هني و عافيه [/SIZE]
تسلم الايدي يا عسل
رووووعة يامرمر
تجننن ماشاء الله تبارك الله
أبدعتي يالغلاااا
تسلم يدينك
شفت أكثر من طريقة لهذي الكيكة اللي بالفعل شكلها مميز.. ولكن بسبب استخدام اللون الأحمر بكمية كبيرة ما اتشجع أسويها..لأن مثل ما تعرفين كثرة الألوان مضرة.. الله يعطيكم الصحة ..
والله يعطيج العافيه يارب
همسه ….ادري اللون الي فيها شوي يخوف لكن هي مره وحده ما بتضر و ما نسويها باستمرار ….و شكرا على المرور و ربي يسلمج
يسلم هالايدين اختي رووووووووووووووعة شكلها الله يعطيكي العافية
يمي يميييي
ماشاء الله ولا قوة إلا بالله
روعه تسلم ايدك يا مرمر