موضوع اليوم باين من العنوان كيكه شوكليت و بالكريمه السويسريه و الغناش ((وحده ماسدها شي واحد حطت كل شي ويا بعض ))…
و راح اركز بالموضوع اكثر على الكريمه و كيفيه عملها اكثر …لان مقادير و طريقه الكيكه عاديه و ممكن تستخدمون طريقها اي كيكه انتوا متعودين عليها
اولا: نحتاج كيكه شوكليت مقسومه نصين ..((مثل ما قلت اي طريقه انتي ترتاحين لها او كيكه من العلب الجاهزه و انا علشان اختصر الوقت سويت كيكه شوكليت من العلبه و قسمتها على قالبين يعني صار عندي كيكتان و خليتهم يبردون ))
و في هذي الاثناء لين ما تبرد الكيكه نسوي الكريمه
ثانيا:الكريمه
مقادير الكريمه :
بياض 4 بيضات ((انا استخدمت بودره الميرانغ ..طريقه الاستخدام مكتوب على العلبه ….و هو عباره عن بياض بيض محول الي بودره طبعا هو افضل للي ما يحبون يستخدمون بياض بيض فرش و خاصه اذا ماراح ينطبخ …و متوفر في محلات متخصصه بادوات الطبخ و الكيكات و السوبرماركات الكبرى )) صورته تحت
1 كوب سكر
2 اصبعين زبده او ما يعادل كوب واحد من الزبده الطريه و بدرجه حراره الغرفه (( مهم جدا انها تكون طريقه ))
1 ملعقه صغيره فانيليا
1 كوب مربى فراوله (( او على حسب ذوقج و الطعم راجع لج ممكن تزيدين شويه او تنقصين ))
الطريقه
اول شي هذا صوره بودره الميرانق او بودره بياض البيض ممكن تختلف المسميات على حسب الماركات ..مثل ما قلت نحتاج الى بياذ 4 بيضات … و انتي اتبعي التعليمات المبينه على العلبه((مبين لج كل بياض بيض = 2 ملعقه صغيره من البودره + 2 ملعقه كبيره ماء)) على حسب النوع الي عندج (( في حال اردتي استخدام بياض البيض الطازج اتبعي الطريقه المذكوره في الملاحظه في اخر الموضوع ))
مثل ما قلت اول شي نخفق بياض البيض …لين ينفخ او ينتفش و يدخل فيه الهواء …
و بعدين نضيف السكر بالتدريج و نستمر بالخفق
و نضيف الزبده بالتدريج ((مهم جدا جدا انها تكون بدرجه حراره الغرفه و انها طريه )) علشان ما تتعقد و تتكتل الكريمه
و نخفق الي ان نحصل قمم ثابته على الخفاق ((شوفي الدائره )) اتمنى ان شرحي واضح و ما ضيعتكم 
في الخلاط نحط مربى الفراوله ((علشان نحصل على خليط صافي )) خاصه اذا المربى فيه قطع من الفراوله
و بعد ما نكون خفقنا بياض البيض و الزبده و السكر و حصلنا على كريمه متجانسه نضيف عليهم مربى الفراوله و نحرك بالملعقه ..بخفه علشان ما نبي نفقد الهواء
و بجذي تكون الكريمه جاهزه
ثالثا : الغناش
مقادير الغناش
21 نص كوب كريمه سائله
21 نص كوب شوكليت شيب ((الي نستخدمه للكوكيز))
الطريقه
نسخن الكريمه على النار …
اول ما تسخن نشيها من على النار(( لا تخلينها تغلي و تحترق )) و نضيف الشوكليت …و نخليها لمده دقيقتان و بعدين نبدا نحرك الي ان يذوب كل الشوكليت و يتجانس مع الكريم … و نتركه على جنب حتى يدفى و يبرد
رابعه: طريقه التجميع
نرجع للكيكتان …بالملعقه احفري تجويف في الكيكه مثل الصوره ((انا القالب الي عندي جاهز لكن اتبعي طريقه الملعقه اذا لم يتوفر لديكي القالب ))
و بعدين احشي التجويف بكريمه الفراوله السويسريه ((مهم جدا جدا ان الكيكه تكون بارده خلاص و ليست ساخنه علشان ما تذوب الزبده الي في الكريمه))
و ضيفي قطع من الفراوله الطازجه
بعدين غطيها بالكيكه الثانيه …و ادهنيها بطبقه من الكريمه و دخليها الثلاجه لمده نص ساعه علشان تبرد و تتماسك الكريمه
و بعد نص ساعه …تكون الكيكه تماسكت في الثلاجه ..
و يكون الغناش برد و صار دافي و جاهز ان نسكبه على الكيكه (( مهم جدا الكيكه تدخل الثلاجه تبرد و تتماسك و الغناش يكون دفى و الا عند سكبه على الكيكه راح يذوب الكريمه و تخترب الكيكه ))
و اخر شي زينيها بالفراوله الطازجه ..و استمتعي بها مع احبابك و اصحابك و اهلك و جيرانك
و هني و عافيه
ملاحظه في حال استخدام بياض البيض الطازج …يجب وضع البياض البيض و السكر معا على قدر في حمام مائي مع التحريك المستمر حتى يذوب السكر تماما …((انظري الصوره التوضيحيه )) … و من ثم ينقل الي الخفاق و يخفق حتى نحصل على ما يشبه الكريمه البيضات … و نتاكد ان بياض البيض اصبحى دافي (( حتى لا تذوب الزبده ))و من ثم نضيف الزبده بالتدريج مع استمرار الخفق ..و بهذا نحصل على الكريمه و من ثم اتبعي باقي الطريقه كما هي
قمة في الإبداع!
أحسنت و الله يعطيك العافية
حرااااااااااااام علييييييييكي
جوعتيني جوعتيني جوعتيني
يسلم ايدك حبيبتي
و شكرا على المرور و ماخلاتكم الطيبه
حلووو ومررررتب والكيكه عذاااااب …. ماانقدر والله
يعطيييج العاافيه يالغلا..^^
وتسلمى على الوصفة الجميلة
و شكرا لكم على مداخلاتكم التي استعدتني
ماشاءالله طبق حلو
تسلم الايادي ياقمرر