المقادير
1 قرع عسل (تقريبا من2 الى2.5ك)
1 كوب سكر
4 كوب ماء
15 معلقة لبن بودرة
سكر للتحلية حسب الرغبة
4معلقة كبيرة سمن
2 كوب دقيق
بيضة
فانيليا
الطريقة
طبعا كلنا عارفين اد ايه القرع تقشيره صعب عشان كده انا بقطع القرع الى قطع كبيرة ومن غير ما اقشرة بغسله و بحطه فى صنية فى الفرن على اعلى درجة لمدة 1/2 ساعة وبعدين اطلعه وقشرة هيكون طرى ويتقشر على طول وبعدين اقطعه مكعبات صغيرة وحطه فى حلة وحط علية نصف كوب السكر والماء واسيبه 10 دقايق وبعدين نرفعه من على النار ونصفيه بس ما نرميش الميه بتاعته
دلوقتى بقى هنعمل الكريمة بتاعتهنا بس قبل ما نعمل الكريمة نولع الفرن عشان يسخن خد المية الى طالعة من القرع ونشفها كام كوب والمهم اننا نستخدم لتر (كيلو-او 5كوب ) ماء لو كانت المية اللى طالعة من القرع اقل من لتر نكمل مية من الحنفية بس نغليها الاول ونحط على لتر الميه لبن البودرة(عرفتو ليه بقى انا مستخدمة لبن بودرة مش لبن عادى عشان اخد طعم القرع من ميته ويكون فى الكريمة) ونحط سكر حسب ما احنا عايزين الطعم ونسيبه فى جنب وبعد كده نجيب حلة ونحط فيها السمنة ونحطها على النار ونسيبها لحد ما تسخن وبعدين نحط الدقيق ونقلب جيدا لحد ما يتماسكو مع بعض ويبقو كتله واحدة (بلاش نحط الدقيق مرة واحدة نحط شوية شوية ولو احتاجنا نحط تانى وهكذا لحد ما تبقى كتلة واحدة)وبعد كده نحط البن اللى احنا عملناه بمية القرع حبة حبة مع التقليب عشان ما تكلكعشلحد ما يتجانس الخليط وقلبه على النار لمدة دقيقتين لحد ما يصبح قوامه كريمى(اللى بيعرفو الباشاميل هو ده بس مسكر) وبعد كدة ارغعه من على النار وسيبه يهدى وبعدين احط بيضة وفانيليا واقلبهلحد ما يتجانس
دلوقتى نجيب صينية كبيرة تقريبا(32سم) وندهنها سمن ونحط شوية باشا ميل بسيطة فى الصينية ونحط عليهم القرع وبعدين نحط الباقى على وش القرع وندخلها الفرن لمدة 3/4 ساعة تقريبا ونطلعها ونسبها تبرد ويستحسن تسقع فى التلاجة
وباهنا والشفا
الفرن لازم يكون على اعلى درجة ولازم ييسخن عشان تتحمر من فوق
اللى عايز يجط مكسرات او جوز هند يحط فى النصبين القرع وطبقة الباشاميل اللى فوق
يعطيكي الف عافيه
يسلمووووووووووووووو
لاعدمناك