اليوم سويت حلا لاختي حبيبتي تموت في الحلا هههه عيارة بس احبها موووت
كيكة الباونتي بالسميد
المقادير :
كأس طحين منخول
كأس سميد
ملعقة كبيرة بينكج باودر
ثلاثة ارباع سكر عادي مو مطحون
3 ملاعق كبيرة سمن نباتي او زبدة
كأس حليب سائل او كوب زبادي صغير
كأس جوز هند مبشور
2 بيضة
فانيليا
رشة هيل (اختياري)
رشة قرفه
كأس سكر + نصف كأس ماء + رشة صغيرة فانيليا +ورشة صغيرة هيل + وبعض قطرات ليمون وقرفه قليل اذا تحبي وممكن تستغني عنها
1- نسوي الشيرة اولا عشان تبرد بخلط جميع المقادير وعالنار لحد ماتغلى ونتركها على جانب تبرد
2 – بالخلاط نحط البيض والفانيليا ورشة الهيل وبعد خفقهم زين نحط عليهم السكر ونستمر بالخفق لحد مايتغير لونهم ويصير افتح شوي
3- نضيف السمنه والحليب ونستمر بالخفق
4 – نضيف السميد والبينكج باودر والطحين وجوز الهند ونخفق باليد اي بالملعقه بدون الخلاط الكهربائي لحد مايصير عندنا مزيج متجانس لا غليط ولا سائل
5- نحضر القالب او البايركس وندهنه زبدة او سمنه ونرشة بالدقيق ونصب علية الخليط وندخله الفرن ونكون سخناه سابقا
ونتركها تبرد شوي وندخلها الثلاجه وبعدها نطلعها ونقطعها وبالهنا والعافيه
شكلها لذيذه بسويها واقولك
لك مني احلى تقييييييييييم
يسلمو الايادي
يسلمو سكره سويتها هي كانها بسبوسه
بس شكلها لازم تجهزين الصينيه قبل لاتخلطين اي شي لانها تثخن مع الباكنج باودر
الف شكر وماننحرم يارب منكم
تسلمون حبيباتي
شكلها لذييييذة وهشة
تسلم الايادي الحلوين