يا رب تكونوا في أجمل حال
اليوم جيبت لكم الأرز باللبن المصري (بناءً على طلب الجماهير) 
2:cool2:
المقادير:
2 كيلو لبن
1/2 كوب أرز مصري مغسول أو ثلاث اربع كوب بالكثير
سكر حسب الطلب
فانيليا
قرفة/ مكسرات/ قشطة/ عسل نحل للتزيين
الطريقة
اغلي الحليب وبعدين ضيفي له الأرز المغسول والسكر حسب ما تحبي تحليه وحطيه على نار هادية خالص مع التقليب
لحد ما تحسي ان الرز استوى وابتدى الحليب يثقل شوية
اطفى عليه وضيفي له الفانيليا وقلبيه كويس
اغرفيه في الأطباق للتقديم
للتزيين
ممكن قطعة قشطة + ملعقة عسل نحل + شوية مكسرات مطحونة
أو
قرفة فوق الوجه
أو جوز هند وزبيب ومكسرات
لو لاحظتم انا مش بأحط نشا ولا مياه في الأرز باللبن علشان يكون طعمه لبن خالص، والأرز بيقوم بمهمة النشا وبيلفه
بالهنا والشفا (خلوا بالكم ما تسبهوش يتقل قوي احسن يبقى مش حلو يعني يدوب تحسي انه اللبن قل شوية لما تغرفي ملعقة تلاقي الثلثين أرز والثلث لبن تقريبا)
الف شكر أختيbridetobe
وعلى فكره الاجازه الكبيره اللي راحت كنت بمصر
مره انبسطتوانبسطت أكثر وأكثر بجو اسكندريه يجننن مشالله بيهدي اللأعصاب
تحياتي لك اختي
اختكم
لمو
السلام عليكم ورحمة الله وبركاته
صباح الخير bridetobe
صباح الشمس المشرقة
وصباح الرز باللبن اللذيذ
تعرفين احنا بالبيت نحبه كثير ومطلوب
واعمله بنفس طريقتك..
تسلمين يا عسل على الوصفات الحلوة مثلك..
ويا هلا بكِ في ركن المطبخ وتعالي كل يوم..
أطيب وأجمل تحياااااتي
يعطيكي العافيه يارب .
لمى
أهلا بك في كل وقت وانا اقول مصر كانت منورة قوى كده ليه اتاري علشان انت بتزوريها 🙂
اورجانزا
الله يكرمك يا رب، انا تحت أمركم ويا رب طبخاتي تعجبكم :shy:
احلى عيون
صباح الفل والقشطة والياسمين يا أحلى عيون
الله يخليكي ، انا مبسوطة علشان بنعمل الأرز زى بعض، تعرفي مش كل الناس بتعرف تظبطه :cool2:
السلامعليكمورحمةاللهوبركاته
الجماهير المصريه وصلت:cool2:
برااااايد ازيك ياسكره
تسلم ايديكى
رز بلبن رووووعه وانا بعمله بالظبط بس بضيف عليه قرفه بس
صحيح الزنجبيل يابرايد كنتى بتسالى عنه
موجود عند كل العطارين
ده اللى بيتحط مع القرفه اسالى عنه تانى ده معروف استحاله ماتلاقيه:smile:
مستنيه الاكله الحلووووووه الجايه:cool2:
وتسلم ايديكى تانى ياسكره
حبـــــــيبـــــــــــــــــــــــه
يا أهلا بالمصريين يا أهلا 🙂
الحق يا حبيبة انا بأسأل عليه عند السوبر ماركتس الكبيرة، يعني عارفة كنت فاكرة انه هلاقيه زى باقي العطارات اللي ببتحفظ وتتباع في زجاجات، يظهر لازم ادور فعلا عند العطارين
على فكرة انا كمان بأحبه بالقرفة لكن فوق الوجه بأجمله بها
ها تحبوا تاكلوا ايه تاني؟
ملحوظة : انت لحد دلوقتى مقلتيش على الفتة . و مقلتلناش ايه الطبخة الجاية على فكرة انا لو خطيبى قاللى ليه متعلمتيش حاجات كتير هقولله برايد كانت مش بترضى و بتنقطنى و نا بحملك المسؤولية كاملة خللى بالك ده موضوع مصيرى .و تسلم ايدك يا سكر :s2
السلامعليكمورحمةاللهوبركاته
هلا برايد ياسكره
الزنجبيل او الجنزبيل دورى عليه فى محلات العطاره
هاتلاقيه فى محلات العطاره بيحطوه على القرفه علشان يديها طعم لاذع
وبالنسبه للقرفه انا كمان بحطها على وش الطبق الرز باللبن:cool2:
ايه الاكله الجايه
اى حاجه منك حلوووووووووووه:smile:
حبـــــــيبـــــــــــــــــــــــه