وبالأمس أيضا قررت إني أقصه مدرجات عشان شكلي يتغير أمام زوجي ( للأحسن طبعا ) وعشان يتوقف التساقط ..
حجزت موعد في صالون في فندق فخم، وقلت للمزينه أريد أن أقص شعري مدرج على قصير شوي فقط …
سلّمت لها شعري وكنت واثقة من نفسي إني سأكون أجمل بعد القص وبعد الإنتهاء طلبت منها أن لا تستخدم المجفف السيشوار لأن يسبب لي الصداع ، وقامت هي بلف شعري وربطه وهو مبلول ، على طول لبست شيلتي وعباتي و رحت البيت وكنت فرحانه وعلى طول رحت لأقرب مرآه عشان أدلع بشعري …
لكن صدمت والله العظيم من شعري الذي كان جميلا ، صار شكلي سخيف والمزينة قصت لي كثير وقصت لي 5 طبقات كان مدرجات كرة قدم وأول طبقة من تحت صاير شعري مثل الشعر الموجود على الذرة ، يعني أنا مب فاهمة هي كيف قاصة شعري وأصلا مب عارفه كيف أسرحه علشان يطلع حلو والمصيبة إني ما أحب السيشوار وما أقدر أستخدمه على طول..
والله إني خبيت شعري من زوجي اللي أنا مستحيه منه ، حتى الأندونوسية يالسه تطالع شعري من ورا بإستغراب كأنها تقول في قلبها مالت عليج !! شو سويتي في شعرج ؟؟
والحين أنا لابسه شيله في البيت عشان محد يشوف شعري وعشان أنا نفسي بعد ما اشوفه !
الله يخليكم قولوا لي كيف أقدر أطوّل شعري بسرعة ، زيت أملا ولا عشبة السدر ولا شو بالضبط ؟؟؟
أي وحدة منكم ياأخواتي طول شعرها بسرعة تخبرني ولا تبخل علي ، لأني والله مستحية كيف أطلع شعري لزوجي إذا كنت أنا أصلا ما أبا أشوفه !!!
وأنا اليوم بطوله بجلي أمام الكمبيوتر عشان أتلقر ردودكم لتنفيذها في الحال .
وشكرا لكم وبارك الله فيكم وأبعد عنكم السوء
عزيزتي…
يمكن إذا عندج مناسبه أو بتسيرين عند حد تتسشورين لأنه القصة بتكون أوضح.
أكيد بياخذ وقت إلين ما يطول، شو ما استخدمتي..
أمي كانت تقول انه هي كانت تحط في شعرها كل وييك إند زيت الخروع أو السمسم و استوى طويل و متين..جربي. إنشاالله ينفع 🙂
بيني و بينج (wink) حاولي تتغلبين علو خجلج من شعرج اليديد..يعني أهلج و زوجج يحبونج حتى لو كان شعرج مب حلو…يمكن يعيبهم..شدراج؟؟:smile: جربي(wink)
وذكرتيني والله ..
أنا فعلا عندي زيت السمسم ، صديقتي جابت لي من إيران وإن شاء الله بحطه في شعري اليوم . .
مشكورة مرة ثانية
جربي انج تسوين فيه شكل حلو او تربطينه بشكل حلووو
و لا تنسين حطي الزيوت عشان تساعد على تطويله ان استخدم الحين حق شعري الصبار الطبيعي و الحمدالله و ماشاء الله اشوف شعري وايد تغير عن قبل و بدا يطول حتى الشعر الصغار بدا يطول .
بس أنا ماعندي صبار طبيعي ،، في شي بديل للصبار ..
انا عندي لج الحل المناسب ,,
جربي هذي الخلطة 
للعلم انها مجربة من قبل صديقتي ، طول شعرها وايد في اسبوع)
الاشياء اللي تحتاجينها :
ترمس غير مستوي (لونه لازم يكون اخضر) ماء فاتر (مو وايد ساخن)
الطريقة:
اول شيء لازم تطحنين الترمس وبعدين تخلطينه مع ماي ساخن ، اغسلي به شعرج كل يوم ولمدة أسبوع بدون ما تغسلينه بالشامبو(ممنوع غسله بالشامبو لمدة أسبوع والله تخترب الخلطة ) لازم كل يوم تغسلينه بالخلطة واذا كان فيه بقايا ترمس في راسج خليه من ربع الى نصف ساعه وبعدين اغسليه بالماء الساخن ( ممنوع استخدام الماء البارد)
وان شاء الله تفيد فيج 
وخبرينااااا
انتي من وين ؟؟؟؟؟
خبريني عشان ادلج على حواج
عزيزتي لا اخفي عليك .. ان امر اطالة الشعر
وتكثيفة يحتاج لجهد ووقت .. وصبر جميلا.
وإذا انتي رايحة صالون في فندق فخم، على حد قولك
طب جربي تروحي تعملين له ليزر
او لو بتقدري تنزلي عالبنان
يركبوا لك وصلات شعر طويلة مقاربة لشعرك تماماً
ولا كأنه شعر ثاني .. لانة يستخدموا طبيعي
أما الحلول الصحيحة والسليمة والمعقولة
تقول
بتباعكِ لنظام وبرنامج يحوي على الزيوت المهمة لاطالة الشعر
والله يصبرك
تحياتي
الشيخة
فعلا سمعت عن الترمس بس ماجربت ..
إن شاءالله بجربه أول ما بشتري الترمس..
لكن الترمس اللي عندي أصفر مب أخضر !
ياريت تدليني مكان يبيعون الترمس الأخضر ..
أنا من دبي .. بس الحين متواجدة في مسقط
وأكرر شكري لك عزيزتي .