وقت روحتهم للمدرسه … لاني ابصراحه تعبت وانا انوع لهم الماكولات
بس دايما يرجعوها ويقولوا ماما ما عجبنا الاكل !!!!!
محتاره شسويلهم … فيدوني ارجوكم ؟؟؟؟
انا عن نفسي اسويلهم يوم ساندويتشات جبن وطماطم ويوم اسوي بيض وجبن ويوم مربى وزبده اوجبن شرايح وخس وطماطم او مرتدلا يعني كل يوم شكل علشان مايملو وماشاء الله عليهم ياكلوها كلهاااااا:clap::clap::clap:
2
اتمنى انى افدتك
تحياااااااتي اختك لمااااااار
غير السندويتشات اللي ذكرتها الاخت lamar
تقدرين اتحطيلهم فاكهه بس ترا الاطفال مايحبون
الفاكهه سليمه
يعني خودي حافظه وقطعي فيها تقاح اجاص برتقال
يعني مثل الكوكتيل
ويفضلوها اكثر من السندويشات
وفي النهايه تعتبر مفيده لهم
ارجو اني اكون افدتك
تحياتي
اختك نفيسه
مثل ما قالوا لك الاخوات واحب اضيف عليهم
* سنتدويتشات جبنة بيضاء مع شرائح الطماطم والخيار
* سنتدويتشات ديك رومي مع جبنة مع تتبيلة خفيفة
* كلوب ساندويتش منوع من سندويتشات الجبن والمربى والعسل وزبدة الفول السوداني
* سندويتشات بيتزا صغيرة الحجم ( لو حبيتي الطريقة اللي احنا نسويها انا حاضرة )
* ساندويتششات تونة ( لو كانوا يحبونها )
* سلطات منوعة ( خضار – فواكه – بقول )
* كمية من المعكرونة بصلصلة الطماطم مع الجبن
* بطاطا مشوية
* خضار مسلوقة
طبعا أهم مافي الموضوع هو اختيار كمية صغيرة من الطعام ووضعه في حافظات خاصة تحافظ على الطعام وجودته خاصة في فصل الصيف وان تكون مخصصة للأطفال من حيث الألوان والأشكال يعني تقدرين تختارين حافظات عليها شخصيات محبوبة لديهم ولا تنسين الشراب هم لازم يكون صحي يعني اختاري لهم عصائر طازجة او حليب كامل وابتعدي عن العصائر المليئلة بالمواد الحافظة والملونة ولا تنسين الموية
ان شاء الله اكون افدتك
تحياتي لك
فابتالي شسويت أخذتهم للسوبر ماركت وخليتهم يختارون الاشياء اللي يحبونها مثل الاجبان العصائر الحليب وصارو فرحانين فيها متى يروحون المدرسة علشان ياخذونها
وكل يوم أغير لهم الوجبة علشان مايملون وحتى شكل الساندوتش
مره استعملهم شرائح التوست ومرة صامولي ومرة خبز عادي واحيانا بعد
استعمل خبز الهامبرجر
والحشوات عنك مثلا شريحة جبن + شرائح رقيقه خيار وطماطم
جبن قابل للدهن + عسل طبيعي
شريحة بيض أومليت
وممكن تعملي معجنات من الليل وياجذونها معاهم الصباح
بيتزا صغير فطائر بالجبن فطائر سبانخ
وأهم شي في وجبة الاطفال المنظر يكون شكل الوجبه جذاب بالنسبه لهم
وسلامي لك
في مثلا جبن مع اصابع اللي يتغمس مثل البقره الضاحكه
والفواكه وايد مفيدة بس اهم شي اتكون مقطعه يعني لاتحطين تفاحه بدون ماتقطعينهم اصغار