خبيرات الديكور البحرينيات وغيرهم،، ممكن مساعده ؟ 2024.

حبوباتي العرايس الحلوين

اعرف انكم ما تردون احد ما شاء الله عليكم خبيرات في كل شي ..

آنا حابه اغير غرفة نومي وأبي تدلوني على محلات لغرف نوم حلوة واسعارهم زينه في البحرين ..

بليز لا تخيبوني

وتسلمون

مشكورين ما قصرتو

وايد محلات كتبتوا لي

اروح وين واخلي وين فيهم ؟

حبيبت قلبى………
عندج هوم سنتر فى أشياء حلوة وعندج مفروشات الشوملى فى الرفاع وعراد عند أشكال حلوة بس يمكن الصبغ لج عليه شوي أنا جربت من عنده الدزين كان وايد حلو بس أنضربت في الصبغ أقل ضربه يطير لونه ويقولون مفروشات طارق الكوهجى فى سند عنده أشياء راقية بس أنا مارحت عنده جربى حبيبتي وأنشاء تحصلين المطلوب

اختي عروسه ناعمه

انا مثلج ادور

بس اكثر المحلات اللي عجبوني لحد الحين

هوم سنتر

مفروشات بيت الكوهجي

مفروشات احمد شريف

اتمنى اكون ساعدتج لو بالقليل

مشكورين حبيباتي الحلوين على المساعده

بس هذي الاماكن كلها رحتها

صاحبتكم صعــــــــــــــــــــــبه وايد

وما يعجبها أي شي ،، يعني يبي لي مو اقل من 4 شهور واني ادور على غرفة نوم ومادري الاقي اللي تعجبني أو آخذ وحده مو مقتنعه فيها بس تسد الغرض ..

باقي لي بس المركز الوطني للأثاث ما رحته ،، ان شاء الله اروحه واشوف اذا حلوين بنصحج تروحينه اختي شوق ..

ومشكورين يالطيبين

انا ناطرة اختي عروسه ناعمه 🙂

وهم انا للحين ادور اذا لقيت شي عجبني راح اقولج