اقول لكم شنو سويت في غرفة الخدامة من بعد ما شرد وسافرت ديرتها 😡
كانت مو مهتمة بالمكان واحنا مو مهمين بعد بالمكان لكن من بعد ما شرد انا دشيت الغرفة واشووف كل شيء فيها قديم وشكلة مو شيء (n)
ياتني فكرة اني اعدل المكان شوي واخلية حق قعدة :rolleyes:
طبعاً بعد تفكير والبيت يقولون لي شلج بهذي السوالف وووووو… بس انا خليهم يقتنعون وسويت اللي براسي ..
طبعاً هذا شكل المكان واغراضها الموجودة فية
وهذي بعد صورة ثانية وشكل المكان كلش يع يع …
شوفوا الكهرباء قديمة وايد
واللحين نجي حق الجد ونشغل على الموضوع
ممممم بعد عناء طويل طويل مع اخوي وإعطاءة مبلغ من المال هه ههههه رشووة وافق انة يكسر المكتبة المعفنة الموجودة بالمكان 
وهذا شكلها من بعد ما كسرناها
اللحين اذا تلاحظون انة المكان فية ملح :ss:
فكرت وفكرت الملح مشكلة اخاف ارممة ادي ويستمر معاي مممم ومن بعد التفكير واخذ الاراء وصلت إلى حل مناااااااسب وهووووووو
الحطب الوتر بروف … ممم يعني ضد الماء علشان ما يطلع الملح مرة ثانية وشفت محل مال نجارة ورى بيتنا ورحت لة وقلت لة بالسالفة وجة وسوى لي هذا الشيء ….
واللحين جة دور الكهرباء القديمة ممممم لازم اكلم الكهربائي علشان يجي يسوي لي حل (i)
ومن بعد ماجاء الكهرباء قال لي نشيل الاسااااااس وطلع بهذا الشكل
وحط في الجهة الثانية بهذي الطريقة
فكرت بالسقف انة لازم احط ثرية او سبوت لايت بس قال لي ما يصير لازم شيلين السقف كامل علشان نمد الواير بس الميزانية كلش كلش زفت عندي ما اقدر اشيل السقف :confused:
بس قلت لة مو مشكلة خلها جذي بس المكان على اساس انة قديم …
ويب الهنود اللي يصبغون وخليتهم يصبغون السقف .. طبعاً بعد عناء طويل مع الالوان حصلت الالوان المناسبة للمكان علشان يصير على شكل قديم شووي …
وهذا شكل السقف بعد الصباغة في الصور يبين مو مرتب بس في الحقيقة مرتب (p)
وهذا شكل المكان إثناء الصباغة
طبعاً اللحين تقريبا خلصت كل شيء من صباغة وتعديل المكان …
ما بقى إلا الاثاث وهذا وصلت حدي تعبت ههههههههه بس بعد قلت بواصل المسيرة خخخ
ورحت السوق وشريت لي سجادة وبعد يومين وصلوا علشان يركبونها
وهذا شكلها
وبعدين اللحين لزوم القعدة لازم اروح افصل شيء حلو ومرتب مممممممممم فكرت بالكراسي بس المكان صغيرة وحلاتة بالقعدة العربية …
ورحت ودورت ودورت وطلعت بهذي النتيجة
وهذا شكل الستارة
اللحين قريباً خلصت باقي الاكسسوارات ههههه حلوة هالكلمة ليش اهو فستان (a)
ممممم صار شووي مقبول
وشريت بعد سجاة وسط بس ما قدرت اصورها 😎
وهذا ما عرفت شنو اسوي فية للحين قاعدة اشتغل على الموضوع
طبعاً احس المكان ناقصة اشياء وايد يا ريت تساعدوني بس الحمد لله المكان صار احلى من قبل ونقدر نقعد فية 
ويالله الحين ابي تقولون لي الاراء ومو تنسون الردود الحلوة يالله خلونا نشووف ..
صارة وايد حلو واعتقد بتعجب هلش وبيقعدون معاش فيها
بنسبه لشغلات الباجيه اعتقد كافي لان الغرفه صغيره والاغراض الكثيره بتصغرهاا حولي تحطين ديكور المرايات بوسط القعده او ممكن الرف الي حاطه في الفازه تسكرينه وتحين مكانه مرايه تعطي وسع للمكان .
موفقه وربي يبارك فيج
حياكم الله ومشكوورين على الردود الحلوة ..
وفعلاً روز انا فكرة بالمرايا او منظر طبيعي … بس المرايا فكرت فيها اكثر شيء وحتى مرت اخوي نفس الفكرة بعد
تسلمين يالغالية …
صارت أحلى من قبل بوااايد ..
الله يعطيكم العافية .. ..
تحياتي لج ..
frawla ..
الصراحه ماحسينا بالمجهود الا يوم شفناا الغرفه سابقاً
ويبين انج شقد اشتغلتي عليهاااا
تسلمين حبيبتي
صج انجاااااااااااااااااااااز
الله يعطيج العافيه
وان شاءالله تعدلين بيت ريلج
وان شاء الله تتهنين فيها