غرفه للبيبى من شغل ايدي وذوقى التفاصيل بالداخل مع الصور 2024.

حابه ارويكم غرفه بنتى وكيف سويتها عشان الفايده تعم الجميع ..
واللى ماعنده مكان او ساكنين في ملحق شراتى … يرومون يسون زاويه خاصه للبيبى

وإليكم الطريقه وان شاء الله تعجبكم :9_28:

اولا الاغراض المطلوبه مع الاسعار..

دفتر القص واللصق وطبعا بتحصلونه في كل مكان والسعر اتوقع بين 5-10 دراهم مااذكر لنى شريته من فتره

هذا ورق حائط بتحصلونه من محلات Mamas & Papas
وسعره 180

وهذا رابط الشركه عندهم اشياء روعه للطفل

http://go.3roos.com/XHpd5cDkuqa

إذا كنتوا خارج الامارات وخاصه اماره ابوظبى لأن مافى في دبى للاسف ..

ها شكله من قريب بعد والموقع في صور اكثر

جلاد عادي .. بتحصلونه في المكتبات ..

عاده تحتاجون 18 متر اذا زاويه صغيره كل واحد ومساحته اللى يباها …

انا فضلت اللماع عشان ينبان جنه صبغه …. وفضلت انى مااصبغ عشان اروم عقب اغير الروتين لو احتاج الامر …

هل الورد الصاق بتحصلونه في هوم سنتر بـ49 درهم في 20 ورده اتوقع ….

بتحتاجينه للجدار والسرير والكبت ايضا ..

هل الوردتين من ايكيا سعر الوحده 29 درهم على مااظن

_______________________ الطريقـــــــــــــــــــه ________________________________________

1- طبعا تجلدين الجدار اولا بالوردي السااااااااااااااده كامل

2-تحطين ورق الجدار .. الحدود اللى بالنص …

3-تركبين الورود الى من ايكيا .. طبعا يبالها مسامير وغيره للتثبيت بس تركيبهم سهل ..

4-تسوين هضبه او جبل فوق من الجلاد .. وطبعا انتى وذوقج …انج ماتسوين .. عقب تلصقين الورد ..
مثل ماتبين

هل الشكل

وها صوب الهضبه

ومن جهه اخري

اللحين بعدنا بنكمل الهضبه ..او الجبل ببعض الاغصان ..

فنبدأ بدفتر القص واللصق

اختار اللون الاخضر المناسب لج

او هذا

القص

اللحين قصى الاغصان

حددي بعض الاغصان بالقلم وليس الكل عشان مايكون الشكل ثقيل ..

مثل هل الصوره .. وبإمكانج تجاهل التحديد لأنى لاحظت ماينبان من بعيد ..

مع انه يعطى ترتيب في الشكل العام .

هذا هو الشكل بس سوري مو واضح وايد

___

ورود ايكيا له اغصان خضره .. فيبالكم بس تسون ورق شجر بالاصق مثل الصوره

واللحين المنز (السرير )… شوفي الاماكن العريضه ولصقوا بعض الورود

ومن جدام صوب الاماكن الاكثر وضوحا

___________________ النهايــــــــــــــــــــــه ____________________

وهذا هو الشكل النهائى .. وان شاء الله تكون الغرفه عيبتكم :21_207:

بالإضاءه

وبدون إضاءه

واخيرا ..

اتمنى تكون الغرفه عيبتكم ان شاء الله …
ورايكم هو بمثـــــــــابت دعم لى وتشجيع للى بذلته في انشاء هل الغرفه ..

تحياتى لكم ….