بنات البحرين ياللي جهزتون شققكم حياكم نتبادل خبرات الميزانية 2024.

http://forums.3roos.com/t427740.html

آنه كنت أقصد ميزانية البناء والصبغ والتأثيث وكل شي من الزيرو لين كل شي يكتمل !!
حبايبي وين ردودكم ومساعداتكم لي

انا من البحرين اختي بس انا اخ العنقود بس اخوي او اختي توهم متزوجيين اخوي سكن معانا بالبييت او اخذ غرفة اختي وغرفتته وجز من الصالة وفصببهم يعني ما سوا البناء كاااااااامل كلففة 1000 اوشي مجرد الفواصل او الصباخ هاي غير الاثا او الاثاث كلفة المطبخ وغرفةا النوم وكرسي الصالة والمجللس 2000اوشي ..اختي من تزوجت شقتها كامل جااهزة بس شرت غرفة نوم صغييرة اب 500 لان تفصييل صغييرة او طاولة طعام للصالة اب 100 اوشي صغيرة بس 4 اتشخاص وكرسي المجلس مودرن اب 200 لوشي او الصباغ او دي صبغها خال زوجها لانه صباغ

امممممم .. بالنسبة لي شقتي وايد عوده يعني تقريبا بيت مو شقة تقدرين تقولين
مكونه من ( غرفة نوم وغرفة جانبية وحمام + غرفتين مع حمامهم + مجلس مع حمامه +مطبخ + ستور + مدخل )

وهي كانت مبنية جاهزة اول ما اخذني خطيبي لان هو كان يشرف عليها وقت البنيان
ولما اخذني اثثتها وغيرت شوية اشيااء فيها مثلا الجبس وكلفنا 1600دينار وبعدين صبغنا و ركبنا المطبخ وغرفة النوم كانت هدية من عمتي ام زوجي و ما كملت كل شقتي لانها وايد عوده و جهزت الاشياء الرئيسية بس مثل غرفة النوم وحمامها وغرفتها الجانبية + المطبخ + الصالة
الصبغ بس حق هذي الاماكن + المجلس بدون باقي الغرف كلفني تقريبا 850 دينار بس صبغ شغل عدل مو ساده يعني .. هذا شغل اليد بس .. و الصبغ من منازل شريناه.. كلفنا 120 دينار
و الصالة اثاثها ( طقم الجلوس مودرن من السعودية تفصيل من تصميمي انه وخطيبي بحدود 280 كلفنا ويسع 10 اشخاص تقريبا لان صالتي عوده + مكتبة التلفزيون مودرن بعد وعوده من هوم ستور بحدود 190 دينار وقت التخفيض + ثريا كريزي ستايل مع ليتاتها الجانبية اللي خليتهم عند منخل البيت و على جوانب المدخنة و كلفوني 300 دينار وتصميم المدخنة كلفني في حدود 300 دينار بعد بالمنظرة )
غرفة النوم : الطقم هدية وعادة الغرف سعرها من 500 الى 1000 دينار نوعية زينه وفي اغلى بعد و الليتات سبوت لايت مع كريستالات كلفوني 50 دينار + ستارة ب 60 دينار من السعودية كامل بكل ملحقاتها + مجموعه من الشراشف والاطقم اراقية : من السعودية و المعرض اسعارها ما بين 30 و 80 دينار + الغرفة الجانبية للحين ما كملتها بحط فيها كرسيين وطاوله حق قعده رومنسية + تلفزيون + حمام غرفة النوم مكون من شور خطيبي ماخذنه ما ادري بكم + جاكوزي ب 380 دينار من السعودية + مغسلة و كبتها ومنظرتها من السعودية و رفوف جانبية ب 110 تقريبا )
المطبخ :كلفني 3000 دينار لانه مدموج بين مطبخ وغرفة طعام و غسالة الثياب بعد مرة وحده لان حجمه عود وهو من تصميمي بعد + الغسالة و الثلاجة من العوضي كلفونا في حدود 500 دينار لان كنغ سايز

من خبرتي التأثيث ارخص بوايد في السعودية و هني تقدرين تستفيدين من فترات التخفيض
وعلى العموم هو وايد مكلف خصوصا اذا من الصفر يعني من البنيان وهذا اقوله بحكم تخصصي وخبرتي << مهندسة

طولت وايد بالشرح ان شاء الله اكون افدتج و اي استفسار حاضرين لج ..
بالتوفيق