نبدي بالادوات:
لونين من القماش ويفضل يكون جوخ او الخام الوبري وتوفر بالمكتبات بالالوان
مقص ولونين من الخيوط وتكون سميكه وابره
خطوات العمل:
نحدد دوائر عالقماش
وعقب مانحدد بالحجمين صغير وكبير نقصهم
وعقب مانقصهم ونخيط الاطراف للشكل فقط واستخدمت اللون التركواز مع البيج والسماوري مع البني
وبعدين ارتبهم احط الدائره الصغيره فوق الكبيره طبعا باختلاف اللون واثبت فوقه الاستراس الكرستال بالاوتي او المكواة او الجهاز ونسيت اصور
ماعليه سامحوني واستخدمت الكرستال العسلي والسماوي
وعقب ما اثبت الكرستال اخيط القطعتين مع بعض بهالشكل بالابره والخيط
وعقب ما انتهي من التثبيت اثبت جمع القطع مع بعض بالشكل طبعا اخيطه بس من الخلف
وعقب ماثبتهم مع بعض بالنص حطيت كرستال كبير 3 الوان البني والسماوي والعسلي عشان اغطي الفتحه اللي بالنص وطبعا تحته قماش بني من الجوخ على شكل دائره صغيره عشان الشغل يطلع مرتب
وشكله من الخلف طبعا حطيت قطعه من القماش على شكل دائره عشان الخياط مايبين وثبت فوقه دبوس البروش
شكله النهائي باللبس طبعا انا اخترت هاللون لان اللبس اغلبه بني بما ان احنه بالشتا واتمنى عجبكم وما احل حق اي نقل لموضوعي من غير ذكر المصدر لان من مجهودي الخاص ولكم تحياتي كندريه حلوه
يعطيك العافية
تستاهلين الشعار
لاحرمك الاجر
ماشاء الله عليك وااااايد حلوووو
ودي اقيمك بس الميزان دايما محرجني ياعسل
تسلم اياديك
ماشاء الله وايد حلو وشغل نظيف ومرتب بالتوفيق