الونه موحلو وقلت بنات عروس ابغاء افكار تهز الدنيا هز ههههههه قصدي الحمام يلا يا مهندسات الديكور ابغا فزعتكم…………………….. ووورد مجففة وشموع برائحة حلوة ..
وربي يوفقك
مثل سالفتج .. يعني خطيبي ركب الوان ساااااااده .. وحسيته ما فيه حياة لما شفته .. وقلت يا الله يا حلوة طلعي ابداعاتك فيه .. و ردي له الروح والحياة
غيرت الجبس اللي بالسقف وسويته ديزاين مناسب وصبغته بصبغه مقاربه للون الحمام عزج الله
و بعدها اول شي سويته رحت اخذت له اكسوسريز من لايف ستايل .. شفافه وداخلها اصداف و لولو و ورد مجفف يتحرك داخله ماي والوانها مناسبه لالوان الحمام .. ان شا ءا لله شرحي مفهوم 
والخطوة الثانية رحت محل البورسلين و القاشي و اطقم الحمامات .. الخ
اخذت لي نوع من القاشي الوانه تتغير بالاضاءة يعني مثل قوس قزح .. و حجمهم جدا صغير يعني 3 سمX
3سم وفي اصغر بعد ويكون عددهم في الشيت الوحده في حدود 114 حبة وبسعر رخيص ب 3 دينار بس و في منه اشكال و انواع روعه تحتارين شنو تختارين وباسعار مختلفه لكن رخيصة .. و في منهم اكبر حجما داخلهم زخارف بس ما ناسبوا حمامنا .. المهم اخذت اللي قلت لج عليها و ركبتهم ما بين القاشيات على شكل معين بمعجون و لاصق خاص وسعره جدا رخيص .. وبصراحة جدا روعه صاروا
وعندي شموع و وردود مجففه و اصداف .. و بعض الاكسسوارات .. راح اوزعهم بالحمام بطريقة حلوة
و اللحين بشتري طقم السجادات الخاصة بالحمام .. هذا غير اطقم الفوط طبعا
ومفكره اخلي فيه كرسي صغير و يمه سله فيها مجلات و حركات جذي .. لان حمامنا فيه شور وفيه جاكوزي فيناسبه شي جذي ..
و بجذي تغير الحمام 180 درجة وحبيته اكثر .. و صرت متشجعه نتزوج باقرب وقت ههه عشان استخدم الحمام < يا حلاتها بتتزوج عشان حمام خخخخ
ان شا ءالله عجبتك افكاري .. واخذي افكار من افكاري واذا في شي ثاني محتاجته لا تترددي
وفي عندج نوع من الزيج بعد ينباع فيه نقوش حلوة ممكن تستخدمه عشان تضيفي للحمام لون ممتع اذا الوانه تحسيه ميته
وممكن بعد تاخذي كرستالات و ورد من بلاستيك و تستخدمه في ديكور الحمام توزعيهم بكل مكان
بس بشرط كل الاشياء اللي بتاخذيها لازم تكون متناسقه ويفضل اطقم وكلها بلون واحد غير عن لون حمامج .. يعني دخلي لون ثالث جديد بس ممتع مثل الفوشي البنفسجي – الاحمر – البرتقالي .. الوان قويه ومنعشه ومثل ما انتي قلتي اوردي اخترتي بني وتركواز كملي باقي اشيائج على نفس اللون هذا
وتحيتي لج
=====
 |
اقتباس |  |
 |
| تسلمين ياحلى سنفونيه حب بس حمامي مو كبير يعني مايتحمل كسوارت كثيره يعني لو تكون اشياء تعليق احس وانا عندي واحد يومه سنه لو اقوله نغير سرميك الحمام يابيله سنه قلت عدله قبل ماتجي السنه هههههههههه .ولاتحرمنا من افكارك نوريد المزيد************ | ||
 |
 |
افا عليج يا الغلا .. ما طلبتي شي .. اليكي المزيد
ترى السراميكات الصغار اللي شريتهم يتركبون فوق سراميك الحمام القديم نفسه لان حجمهم جدا صغير يتوزعون وينلصقون يعني ولا اسهل ويعطون حياة للحمام وحركة حلوة
و بالنسبة لحجم الحمام وبما انه صغير و عشان تحسيه اكبر وانتي ما تبين اكسسوار اضافي .. علقي مرايا اضافية تكون ساده في زاويه من زوايا الحمام .. بتعطي انعكاس وبتحسي الحمام وسع .. او ممكن تعلقين لوحه حلوة مناسبة لالوان الحمام وفيها التركواو والبني اللي هو لون اكسسوارج .. وممكن تاخذي ستاره حلوة للحمام بالونين التركواز والبني مع البيج .. و وقت اللي بتفتحيها تنمسك بشرايط حلوة مثلا او حبات كرستالية .. تعطي فخامه
ممكن مصابيح الحمام تزيني حواليها .. او تنزلي منها حركات
وممكن تستخدمي الستكرات سواء للسراميك او المرايا او زجاج شباك الحمام
هذا اللي في بالي حاليا
واذا جتني افكار حلوة وتناسبج راح ارجع لك هنا واسردها هههه << يا عيني لغة
سفونه حب ماقصرت