ومثل ماهوا واضح بالعنوان
موضوع يجمعنا كوووولنا يعني بدل ما أكتب موضوع
ساعدوني فيدوني اش اسوي
سيدا تجي للملف وتشوفي اللي يسرك وتسألي
ونساعدك إن شاءالله..(y)
أول شي حابه أقول لكم حبايبي إنه هنا نقدم الأفكار
والتجاااااااااارب
يعني مثلا فكرتي للهديه لزوجي كيف أغلفها وإش
هيا الهدايا اللي تعجب الرجال وكيف أقدمها
يعني تعطينا فكرة(i)
تجي وحده ثانيه تعطينا تجربتها مثلا خذت هديه غريبه
لزوجها وفرح مااااااااااااره أكثر من فرحه بالهدايا
العاديه << مثال بس:cool:
وحفلتك تحبي تسويها في مطعم بعدين ترجعوا البيت
وتكوني مسوية مفاجئة له والا كول الحفله في البيت؟
وإش اللي يريحك..؟
وأنا رح أبدأ….
أول شي أنا مارح أسوي عيد زواج حيكون حفله بمناسبة
إننا خلصنا سنه ومارح تكون في يوم زواجي لأني أنوي
أخااااااالف كل من يسمي هذا عيد..
<< بس يارب ما أكون على خطأ وقاعدهـ أضحك على نفسي!!:ss:
حفلتي لزوجي ناوية أشتري له بنطلونين رسميه
وبلوزتين رسميه برضه بس مو عارفه كيف أغلفها؟…(g)
أفيدوني؟؟؟؟؟؟
ناوية نروح مطعم الشموع الحمراء(بجده على شارع التحليه
قدام جده مول)
وهم حيسووا لي كيكه(g)وشموع وحركات بعدين نروح عالفندق
وأكون مجهزتله حركات:wink:
بس الحركه الفن العجيبه الغريبه إني بروح للمطعم بفستان
زواجي بس بدون الجيبون:eek:
إش رايكم تشجعوني والا؟………….أحس الفكرة جريئه شويه:o
ولمن نرجع اممممممممم حلبس قميص نومي حق أول ليله
ورح يكون الفندق عالبحر والصاله كلها قزاز عالبحر يعني رواق
عالآخر…….. وناوية أشتري شموع كذهـ أوزعها في الصالة
وورود..(f)
أكلنا بأي مطعم أو اي حركات تعجبني إن شاءالله أصورها
واللي عندها صور لاتبخل علينااااا
يللا أعطونا أفكاركم وتجاربكم ولامانع تحكوا ذكرياتكم..
عشان اللي ناسية زوجها تتحمس تسوي له حركات..:tongue:
واللي مفتكرته تغير شوية وتبدع..
خصوصا الإجازة رح تبدأ وحلو نتفرغ للرومنسيات
الزوجيه ..
وحلو لو تعطونا أفكار غريبه ومجنونه وإحنا كمان نساعدكم
باللي عندنا..بس انتوا آمروا….تدللوا…
بانتظاااااااركم…..(f)(f)(f)
سواء في الحوش أو في السطح
صراحه بسط وونااااااسه وريحة فظيعه
هذا غير إنك تحسي بالتغيير
أنا سويت هذي الحركه عالبحر
وناوية يوم أسويها في السطح وإذا على حرارة
الجو مو مشكله رشي مويه على الأرض
وتحسي الجو شوية يبرد..
وممكن تروحوا للمدينة تزوروات الحرم أو مكه
مررررررررررره تغيير وراحة نفسيه
بنات فين مركز التحميل اختفى؟
أبغى أحط صور…
ولمن أرجع ان شاءالله يصير خييييير
لاني حابة انا اللي اعزم زوجي وميزانيتي على قدها هههههه
بالنسبة لهديتك ممكن تجمعيها بصندوق وتفرشي فيه ورود حمرا مجففة معطرة
مرة زوجي جابللي محموعة ورود مجففة من قزاز روووعة وريحتها تجنن نرجع للموضوع اسفة ههههه
تفرشي ورود حمرا وخرز احمر وقلوب وتحطي هديتك كل بنطلون وتيشرت تلفيهم بورق الهدايا وسولفان وقلب بالنص وتجمعيهم بهالصندوق وتقدميهم اما (( هذا اللي جا ببالي سامحيني ))
ولي رجعة الموضوع رهيييب تسلم ايدك وربي يوفقك بالامتحانات
ماعلينا…
الدمشقيه
مشكوره عالفكره
وبالنسبه للمطعم فهوا تقريبا مع العشا
300 داخل فيها الكيكه والخدمه وكوله
وعلى فكرة ترى عيب المطعم الزحمه والشيشه
فاختاري تكون غدا أحسن لازحمه ولاشيشه
وإذا تبغي أرسل لك رقم المطعم آمري بس
يااااااااااااابناااااااااااااااااااااااات وينكم؟……
نطبق …………………………..
بحط لكم كم صورة من تجهيزاتي لذكرى زواجي
شوفوا أنا مجهزه أغراضي عشان بنروح
المطعم وبعده عالفندق وطبعا بروح من العصر
أرتب الاستديو عشان يكون مثل ما أبغى..
شوفوا هذي الشموع (شموع طويلة بيضا-
شمعه حمرة كبيرة على شكل دائرة-
وشمعتين حمرة على شكل شفايف-وشموع على
شكل ورود صغيرة مره<<تطفو-وكرستال أحمر
وأوراق ورد قماش مره حلوه كأنها طبيعيه ماخذتها
من ايكيا-والسكري هذا اكسسوار مرة ذوق وراقي
بس عفش فكيته وسارت زي الأزارير شكلها مره
فخم..ناوية أنثرها عالطاولة-والتحفه بحطها
بالوسط..)إن شاءالله..
وناقصني الولاعة لاتنسوها..
شوفوا..
وهذي البخور مع الفحم السريع ومبخرة صغيرة للسفر
وشايفين الزينات ناويه أعلقها وعندي غيرها بس ماحطيتها
ناوية أحطها كده فوقنا عشان تزيد الرومنسيه
غراء مسدس-لصق-مقص-بالونات عشان نرقص وهي حولنا كذهـ
واو حيكون مره حلو..بس الله يستر نتحمس مع الرقص ونفقع وحده!
وهذي أغراض الحمام
صابون رقائق على شكل قلوب-صابونين بيضا-
صابونة بودي شوب بالياسمين ريحتها خيال
بس ماححطها عشان ماتناسب لونها أورنج
لكن حستحم بها-وورود ماخذتها من هوم سنتر-
الشور جيل من أفون وهو يرغي بشكل فضيع)
وهذا المسجل فيه حق كاسيت وحق ديسك
بس ماعندي شريط إذا تعرفوا شريط ميوزيك سلو
أو هادي قولوا لي……..
وعندي كمان أفكار حلوة استنوني..بس انتوا كمان
حطوا أفكاركم وتجاربكم..
وشكرا على المطعم شكللي بروح مع زوجي وبجربه يعطيكي الف عافية بانتظار المزيد
ويالله بنات يا رومانسيات وينكم
واا رحتي جربي عندهم شوربة الكريمة
بالدجاج والمشاوي يقولون طعمه
يللااااااااااااا يابناااااااااااات وينكم؟