اذكروا الله اخواتي ماشاء الله لاقوة الا بالله
ويوم اني جيت البيت قلت ليش ماسوي شي يفرح قلب زوجي بما انه اليوم يوم انه جى من العمل جاب لي معاه وردة وفرح قلبي ففكرت وقررت وقعدت استرجع ذاكرتي الي كانت هنا بالقسم وقلت ابي اسويله عشاء مفتخر وازين له حمام دافئ واسبحه بيدي :21_207:
وجبت الاغراض الي راح احتاجها للعلم مع اني ماشريت اي شي وكل الي راح تشفووونه متواجد عندي بالبيت وماكلفني ولا شي… وقررت اني اسويه ليش ان مافيني صبر انتظر ليمن اشتري اغراض المساج واكيد متواجد عندكم انتوا بعد فلاتحرمووون ازواجكم من هالفرحه
اول شي ابتديت بتحضير العشى طبعاً انا كنت مخمره الدجاج من العصريه عشان اني اغليهم بالليل وقطعت الخضروات …. فماكان علي غير اني اقليهم …والدجاج عبارة عن شيش طاووق والدتي الغاليه اهي الي معلمتني عليهم …
وجبت باديه وحطيت فيها خبزتين لبناني وحطيت الدجاج فووقه مثل ما انتوا شايفين …
وبعدها قليت الفرنج فرايس ووضعت الصوص في قلب الصحن:21_176: الي اهو ميونيز وكاجب ..
والشي الثالت حضرت باستا بيضه وسريعه ماخذت من وقتي غير عشردقايق لاغير …
ورتبت الطاوووله وزينتها بالشمووع والورود المجففه .. وحطيت كم كلينكس ملونين وصبيت البيبسي معهم ليموونه على انه جاي مطعم …:2_106:
وبعد مارتبت المائدة …
خذت ورده من الي جابهم لي زوجي هههههههه هداني وهديته هههههههه وحطيت معها دبدووب وعلقته في باب مدخل البيت وحطيت معاه بطاقه وكتبت فيها…
زوجي الحبيب انزع ملابسك وتفضل بالدخوول الى الحمام اعزك الله لتأخذ لك دووش قبل العشاء ..فأنا في انتظارك زوجتك التي تحبك ….
وبالحمام اكرمكم الله شحنت البانيو ماء حار عشان اول مايوصل زوجي راح يكوون دافي وحطيت شمووع حوالين البانيو واشعلتهم
ومانسيت الرغوه والورد الطبيعي نثرته هم في البانيو ..
حضرت سله من السعف ووضعت بداخلها وردة كبيره اصطناعيه وجميع ادوات الاستحمام مقشر الجسم الصابونه المغربيه والمفارك الشور جل وكريم التبيض حمام الزيت والشامبو …
وتذكرت اني شفت دلوعه توتي مسويه مناشف حلووة عليها شرايط بس طبعا انا مكان عندي مناشف صغيرونه فأخذت المنشفه الكبيره وحطيت عليها شريطه ووردة صغيرونه …
وهنا سكرت الانوار..
ولصقت على باب الحمام بوبشير:2_106: …..
وبس ليمن جى زوجي البيت وشاف الوردة جى يركض على الحمام اكرمكم الله وبعد ما اخذ الدووش وروق باله ولاتنسووون المساج لفروة الرأس بالشامبو والحمام الزيت تريح الاعصاب وتحرك الدورة الدمويه …
دخل زوجي غرفه الجلوووس وتعشى … وبعد العشى قالي انتي اجمل ماشافت عيوني تسلم يدك حبيبتي تعبتك معي وانا قلت له تعبك راحه يالغالي وسمعني جميع كلام الحب الي حركت مشاعري وقلت ياريتني كل يوووم اسويله شي يفرحه ويسعده لاني جد شفت الفرحه بعيووونه وبأبتسامته الي مافارقت وجهه الين نام عسى الله يخليه لي ولايحرمني منه ولاتنسووون تدعون لي بالذريه الصالحه اللهم آمين..
صحيح افكاري بسيطه للغايه لانها من غير تخطيط مجرد اني شفت الكل مفرح قلب زوجه:flower: قلت افرح زوجي حبيبي بأي شي يسعده فلاتواخذووني على البساطه الي بموضوعي ..
والف الف شكر لكل من طرحت موضوع افادتنا في حياتنا الزوجيه جعله الله في ميزان حسناتكم ولاحرمكم من كل غالي:21_207:
ماشاء الله عليج سهره وايد حلوه وناعمه ورومنسيه بعد اهم شي انج استانستي وونستي زوجج معاك والله يهنيك مع بعض ويبعد عنكم عين الحسود يارب ويعطيكم الذرية الصالحه ويعطيني معاكم بعد
اي صيري جذي عشوقه واستانسي مع زوجج ترى الحياة حلوه.
تحياتي لج وحياة سعيده وبعيده عن الحزن
مشكوره على الافاده
اسعدك الله وهناك ورزقك بالذريه الصالحه
اللهم امين امين امين
ورزقني بالزوج الصالح انا وبنات المسلمين عاجلا لي اجلا
اللهم امين امين امين
والله يرزقك بالذريه الصالحه